Rajamouli: క్రీడారంగంలోకి జక్కన్న.. ISBC చైర్మన్ గా రాజమౌళి

Rajamouli: సినిమా పరిశ్రమలో అగ్ర దర్శకుడిగా పేరొందిన దర్శక ధీరుడు రాజమౌళి ఇప్పుడు క్రీడ రంగంలోకి అడుగుపెట్టనున్నారు. తాజాగా రాజమౌళికి అరుదైన గౌరవం దక్కింది. రాజమౌళి ఇండియ‌న్ స్కూల్స్ బోర్డ్ ఫ‌ర్ క్రికెట్‌కు గౌరవ చైర్మన్‌గా నియ‌మితుల‌య్యారు. ఈ బోర్డ్ ముఖ్య ఉద్దేశం ఏంటంటే.. గ్రామీణ యువత క్రికెట్ లోకి ప్రవేశించడం చాలా కష్టం. అయితే అలాంటివారు నైపుణ్యాన్ని గుర్తించి బయటకు తీసుకొచ్చేదే ఇండియన్ స్కూల్స్ ఆఫ్ బోర్డు ఫర్ క్రికెట్. ఇప్పుడు రాజమౌళి ఈ బోర్డులో కీలకంగా మారనున్నారు. మాజీ క్రికెటర్ దిలీప్ వెంగ్ సర్కార్ ఆధ్వర్యంలో ఐఎస్బీసీ బోర్డు ఏర్పాటైంది. మరోవైపు ఈ బోర్డులో రాజమౌళి కొడుకు కార్తికేయ జాయింట్ సెక్రెటరీగా ఉన్నారు.

ఆర్ఆర్ఆర్ చిత్రంతో ప్రపంచ దర్శకులని ఆకర్షించిన రాజమౌళి ప్రస్తుతం మహేష్ బాబు సినిమా కోసం సిద్దమవుతున్నాడు. ఈ సినిమా ప్రస్తుతం స్క్రిప్ దశలోనే ఉంది. మహేష్ బాబు ఇతర సినిమాలతో బిజీగా ఉండటంతో సినిమా ఆలస్యమవుతుంది. అయినప్పటికీ ఈ సినిమాను అత్యంత ప్రతిష్టాత్మకంగా తెరకెక్కించాలనుకుంటున్నాడు జక్కన్న. భారీ బడ్జెట్ తో తెరకెక్కనున్న ఈ సినిమాలో హాలీవుడ్ నటులు సైతం నటించనున్నారు.

Read More: UK Recognised Crypto : క్రిప్టో కరెన్సీకి యూకే ఆమోదం.. కొత్త చట్టానికి కింగ్ గ్రీన్ సిగ్నల్