RRR Update: ఆర్ఆర్ఆర్ క్రేజీ అప్‌డేట్‌.. పండుగ జోష్ నింపేలా!

దర్శకధీరుడు రాజమౌళి దర్శకత్వంలో మెగా హీరో రాంచరణ్, యంగ్ టైగర్ ఎన్టీఆర్ కలిసి నటిస్తున్న ‘ఆర్ఆర్ఆర్’ మూవీ కోసం ప్రపంచవ్యాప్తంగా అభిమానులు ఎంత ఆసక్తిగా ఎదురుచూస్తున్నారో తెలిసిందే.

  • Date : 14-01-2022 - 3:06 IST

    Published By : Hashtagu Telugu Desk

Rrr
Rrr

దర్శకధీరుడు రాజమౌళి దర్శకత్వంలో మెగా హీరో రాంచరణ్, యంగ్ టైగర్ ఎన్టీఆర్ కలిసి నటిస్తున్న ‘ఆర్ఆర్ఆర్’ మూవీ కోసం ప్రపంచవ్యాప్తంగా అభిమానులు ఎంత ఆసక్తిగా ఎదురుచూస్తున్నారో తెలిసిందే. జనవరి 7 ఈ సినిమా విడుదల కావాల్సి ఉండగా, కొవిడ్ పరిస్థితులు, టికెట్ల వ్యవహరం కారణంగా నిలిచిపోయింది. ఎంతో ఆశగా ఎదురుచూస్తున్న అభిమానుల ఆశలపై నీళ్లు చల్లినట్టు అయ్యింది. కొంతమంది అభిమానులయితే మీమ్స్ క్రియేట్ చేస్తూ ఈ సినిమాను ఏప్రిల్ 1 కైనా విడుదల చేస్తారా.. లేదా పూల్స్ చేస్తారా అంటూ తమదైన శైలిలో సైటైర్స్ వేశారు.

అయితే నిరాశలో ఉన్న అభిమానుల కోసం ఆర్ఆర్ఆర్ టీం ఓ కొత్త పోస్టర్ ను రిలీజ్ చేసింది. సంక్రాంతి కానుగా విడుదలైన ఈ లుక్ ప్రతిఒక్కరినీ ఆకట్టుకుంటోంది. రామ్, భీమ్ ఫోజులు చూడండి అంటూ ట్విట్టర్ వేదికగా ఫోటో షేర్ చేశారు. ఈ పోస్టర్ ను చూసి అభిమానులు తెగ మురిసిపోతున్నారు. త్వరలోనే ఆర్ఆర్ఆర్ సినిమా విడుదల కానుందని అభిమానులు సంబరపడిపోతున్నారు. ప్యాన్ ఇండియా మూవీగా పలు భాషల్లో దర్శక ధీరుడు రాజమౌళి ఎంతో ప్రతిష్ఠాత్మకంగా ఈ సినిమా రూపొందించారు. భారీ బడ్జెట్‌ కేటాయించి ప్రముఖ నిర్మాత డీవీవీ దానయ్య నిర్మాణ బాధ్యతలు చేపట్టారు. ఆలియా భట్, ఒలీవియా మోరిస్ హీరోయిన్లుగా నటిస్తున్న ఈ చిత్రంలో అజయ్ దేవగణ్, శ్రీయ కీలక పాత్రలు పోషిస్తున్నారు.


Follow us

Tags