Mahesh – Rajamouli: మహేష్, రాజమౌళి కాంబినేషన్ పై స్పందించిన జక్కన్న.. అడ్వెంచర్ చిత్రం అంటూ?

Rajamouli

తెలుగు సినీ ప్రేక్షకులకు టాలీవుడ్ దర్శక ధీరుడు ఎస్ఎస్ రాజమౌళి గురించి ప్రత్యేకంగా పరిచయం అక్కర్లేదు. తెలుగు సినీ ఇండస్ట్రీలో అపజయం ఎరుగని దర్శకుడిగా రాజమౌళి దూసుకుపోతున్న విషయం తెలిసిందే. ఈయన దర్శకత్వంలో తెరకెక్కిన సినిమాలో బాక్స్ ఆఫీస్ వద్ద బ్లాక్ బస్టర్ హిట్ లు అవ్వడమే కాకుండా రికార్డు స్థాయిలో కలెక్షన్ ల వర్షం కురిపిస్తున్నాయి. ఇదిలా ఉంటే ఇటీవలే రాజమౌళి ఆర్ఆర్ఆర్ సినిమాతోపేక్షకులను పలకరించిన విషయం తెలిసిందే. ఈ సినిమాతో ప్రపంచవ్యాప్తంగా రాజమౌళి పేరు మరొకసారి మారు మోగిపోయింది. దీంతో రాజమౌళి ఇంటర్వ్యూ చేయడం కోసం నేషనల్ మీడియా ఛానల్స్ సైతం ఎంతగానో ఎదురు చూస్తున్నాయి.

అలాగే రాజమౌళికి సినిమా చేయడం కోసం టాలీవుడ్ హీరోలతో పాటు బాలీవుడ్ హీరోలు కూడా ఎంతగానో ఎదురు చూస్తున్నారు. ఆర్ఆర్ఆర్ సినిమా తర్వాత రాజమౌళి మహేష్ బాబుతో సినిమాను తెరకెక్కించబోతున్నారు అంటూ గత కొంతకాలంగా వార్తలు వినిపిస్తున్న సంగతి తెలిసిందే. ఇప్పటికే వీరిద్దరి కాంబినేషన్ లో రాబోతున్న సినిమా విషయంపై అనేక రకాల వార్తల వినిపించాయి. ఇది ఇలా ఉంటే తాజాగా అడవి శేష్ హీరోగా నటించిన హిట్ 2 సినిమా ఫ్రీ రిలీజ్ ఈవెంట్ కి ముఖ్య అతిథిగా హాజరయ్యారు రాజమౌళి. ఈ ఈవెంట్ లో భాగంగా రాజమౌళి మాట్లాడుతూ మహేష్ బాబు తో చేయబోతున్న సినిమా గురించి ఒక ఆసక్తికర విషయాన్ని వెల్లడించారు. ఈవెంట్ లో భాగంగా రాజమౌళి మాట్లాడుతూ.

నా నెక్స్ట్ సినిమా మహేష్ బాబు తో చేయబోతున్నాను. చాలా రోజుల తర్వాత ఇప్పటికి కుదిరింది. తాను ఎప్పటినుంచో ఒక అడ్వెంచర్ చిత్రం చేయాలి అనుకుంటున్నాను.దానికి ఇప్పుడు సరైన సమయం దొరికింది అనుకుంటున్నాను. అలాగే ఆ కథకి మహేష్ బాబు అయితే పర్ఫెక్ట్ గా సూట్ అవుతారని ఆయనతో సినిమా చేస్తున్నాను. ఈ చిత్రం గ్లోబ్ టాటరింగ్ గా ఉండబోతుంది అంటూ రాజమౌళి మరోసారి మహేష్ మూవీపై ఆసక్తిని పెంచేశారు. జక్కన్న మాటలపై స్పందించిన మహేష్ అభిమానులు ఆనందం వ్యక్తం చేస్తున్నారు.

Follow us