Pushpa 2 Postponed: పుష్ప పార్ట్ 2 వాయిదా పడినట్టేనా?
బన్నీ ప్రధాన పాత్రలో తెరకెక్కుతున్న పుష్ప పార్ట్ 2 రిలీజ్ డేట్స్ విషయంలో అభిమానులు డైలమాలో పడిపోయారు. పుష్ప పార్ట్ 1 రిలీజ్ అయి రెండేళ్లు దాటిపోయింది
- Author : Praveen Aluthuru
Date : 25-01-2024 - 7:37 IST
Published By : Hashtagu Telugu Desk
Pushpa 2 Postponed: బన్నీ ప్రధాన పాత్రలో తెరకెక్కుతున్న పుష్ప పార్ట్ 2 రిలీజ్ డేట్స్ విషయంలో అభిమానులు డైలమాలో పడిపోయారు. పుష్ప పార్ట్ 1 రిలీజ్ అయి రెండేళ్లు దాటిపోయింది. ఇప్పటికే పార్ట్ 2 లేట్ అయిందని బన్నీ ఫ్యాన్స్ ఫీల్ అవుతుంటే.. మరోసారి పుష్ప2 వాయిదా పడే ఛాన్స్ ఉందని వార్తలు వస్తున్నాయి.
పుష్ప చిత్రానికి సీక్వెల్ గా పుష్ప 2 రూపొందుతోంది. అల్లు అర్జున్ కు జంటగా రష్మిక నటిస్తోంది. బాలీవుడ్ లో సంచలన విజయం సాధించడంతో ఇక్కడ ఆడియన్స్ మాత్రమే కాకుండా… అక్కడ ఆడియన్స్ కూడా ఎప్పుడెప్పుడు పుష్ప 2 థియేటర్స్ లోకి వస్తుందా అని ఆతృతగా ఎదురు చూస్తున్నారు. ఈ మూవీని మైత్రీ మూవీ మేకర్స్ నిర్మిస్తున్నారు. గత సంవత్సరం డిసెంబర్ లో పుష్ప 2 వస్తుందేమో అనుకున్నారు. అయితే.. షూటింగ్ ఇంకా కంప్లీట్ కాకపోవడం వలన ఈ సంవత్సరం సమ్మర్ కి వస్తుందని ప్రచారం జరిగింది. ఆతర్వాత సమ్మర్ కి రావడం లేదు.. ఆగష్టు 15న పుష్ప 2 రిలీజ్ అని ప్రకటించారు. ఆ తర్వాత ఆగష్టు 15నే బాలీవుడ్ లో అజయ్ దేవగన్ సింగం ఎగైన్ మూవీ వస్తుంది. అందుచేత పుష్ప 2 పోస్ట్ పోన్ కావడం ఖాయం అంటూ వార్తలు వచ్చాయి. ఆ వార్తలను మేకర్స్ ఖండించారు. ఎట్టి పరిస్థితుల్లోనూ పుష్ప 2 ఆగష్టు 15న రావడం ఖాయం అని అనౌన్స్ చేశారు.
అయితే.. ఇప్పుడు మరోసారి పుష్ప 2 వాయిదా అంటూ ప్రచారం జరుగుతోంది. కారణం ఏంటంటే.. పుష్ప సినిమాలో బన్నీకి అసిస్టెంట్ గా పక్కనే ఉండే పాత్ర పోషించిన జగదీష్ పుష్ప 2 లో కూడా నటిస్తున్నాడు. అయితే.. జగదీష్ డిసెంబర్ లో అరెస్ట్ అయ్యాడు. బన్నీ, జగదీష్ కాంబినేషన్లో కొన్ని సీన్స్ తీయాల్సివుందట. జగదీష్ బెయిల్ కోస ప్రయత్నాలు చేస్తున్నారట. ఈ కారణంగా పుష్ప 2 షూటింగ్ కి బ్రేక్ పడడం వలన పోస్ట్ పోన్ ఖాయం అని టాక్ బలంగా వినిపిస్తోంది. మేకర్స్ మాత్రం ఎలాంటి అప్ డేట్ ఇవ్వడం లేదు. మరి.. పుష్ప 2 పోస్ట్ పోన్ పై త్వరలో క్లారిటీ ఇస్తారేమో చూడాలి.
Also Read: Court Problems: కోర్టు సమస్యలతో ఇబ్బంది పడుతున్నారా.. అయితే ఇలా చేస్తే చాలు విజయం మీదే?
Follow us
