Jr NTR: జూనియర్ ఎన్టీఆర్ ఫ్యాన్స్‌కు పూనకాలే.. దేవర పోస్టర్ విడుదల
జూనియర్ ఎన్టీఆర్, కొరటాల శివ దర్శకత్వంలో వస్తోన్న సినిమాకు సంబంధించి కీలక ప్రకటన వచ్చింది. ఈ సినిమాకు దేవర అనే టైటిల్ పెట్టినట్లు సినిమా యూనిట్ ప్రకటించింది. ఈ మేరకు దీనికి సంబంధించి ఒక పోస్టర్ ను మేకర్స్ విడుదల చేశారు.
- By Anshu Published Date - 09:01 PM, Fri - 19 May 23
Jr NTR: జూనియర్ ఎన్టీఆర్, కొరటాల శివ దర్శకత్వంలో వస్తోన్న సినిమాకు సంబంధించి కీలక ప్రకటన వచ్చింది. ఈ సినిమాకు దేవర అనే టైటిల్ పెట్టినట్లు సినిమా యూనిట్ ప్రకటించింది. ఈ మేరకు దీనికి సంబంధించి ఒక పోస్టర్ ను మేకర్స్ విడుదల చేశారు. ఈ పోస్టర్‌లో చేతిలో కత్తి, ఒంటి నిండా రక్తంతో ఎన్టీఆర్ ఉన్నాడు. ఈ పోస్టర్ ఎన్టీఆర్ అభిమానులకు గూస్బమ్స్ తెప్పిస్తుంది.
నల్లటి లుంగీ, నల్లటి చొక్కా వేసుకుని యాంగ్రీ లుక్ లో ఎన్టీఆర్ ఉన్నాడు. ఈ పోస్టర్ తో ఈ సినిమాపై ఎన్టీఆర్, కొరటాల సినిమాపై అంచనాలు మరింతగా పెరిగాయి. గతంలో వీరి కాంబినేషన్ లో వచ్చిన జనతా గ్యారేజ్ సినిమా సూపర్ హిట్ కావడంతో ఈ సినిమాపై అంచనాలు మరింతగా పెరిగిపోయాయి. దేవర సినిమాను తెలుగు, తమిళం, కన్నడం, మలయాళం, హిందీ భాషల్లో విడుదల చేయనున్నారు. వచ్చే ఏడాది ఏప్రిల్ 5న ఈ సినిమా విడుదల కానుంది.
అయితే టైటిట్ పోస్టర్ లో ఆర్ఆర్ఆర్ లో కంటే కొంచెం పొడవైన జుట్టుతో ఎన్టీఆర్ కనిపించాడు. వెనుక పడవలో శవాల గుట్ట ఉంది. దీనిని బట్టి చూస్తే యాక్షన్ సీన్స్ చాలా ఉన్నాయని అర్థమవుతుంది. ఈ ఫస్ట్ లుక్ తో తారక్ ఫ్యాన్స్ పండుగ చేసుకుంటున్నారు. ఈ సినిమాలో ఎన్టీఆర్ సరసన శ్రీదేవి కూతురు జాన్వీ కపూర్ నటిస్తోంది. ఇక బాలీవుడ్ హీరో సైఫ్ అలీఖాన్ ఇందులో విలన్ గా నటిస్తున్నాడు. సైఫ్ అలీ ఖాన్ కు జోడీగా ప్రముఖ టీవీ నటి చైత్ర రాయ్ నటిస్తోంది.
ఈ సినిమాలో ప్రకాష్ రాజ్ కీలక పాత్రలో నటించనున్నాడని తెలుస్తోంది. ఇక అనిరుథ్ రవిచంద్ ఈ సినిమాకు సంగీతం అందిస్తున్నాడు. ఇక రత్నవేలు సినిమాటోగ్రఫీ అందిస్తున్నాడు.
