Kalki 2898 AD : యానిమేటెడ్ టీజర్తో కొత్త రిలీజ్ డేట్ని అనౌన్స్ చేయబోతున్న కల్కి..
యానిమేటెడ్ టీజర్తో కొత్త రిలీజ్ డేట్ని అనౌన్స్ చేయబోతున్న కల్కి. ఆ తేదీనే ఫిక్స్ అయ్యిపోయింది.
- By News Desk Published Date - 06:50 PM, Sat - 6 April 24
Kalki 2898 AD : ప్రభాస్ హీరోగా నాగ్ అశ్విన్ దర్శకత్వంలో తెరకెక్కుతున్న ఇండియన్ ఫ్యూచరిస్టిక్ మూవీ ‘కల్కి 2898 AD’. ఈ సినిమాతో హిందూ పురాణగాధలను సైన్స్ ఫిక్షన్ యాక్షన్ థ్రిల్లర్ నేపథ్యంలో ప్రపంచానికి తెలియజేయబోతున్నారు. ఈక్రమంలోనే ఈ సినిమా కథని మహాభారతంతో స్టార్ట్ చేసి 2898వ సంవత్సరంతో పూర్తి చేయబోతున్నారు. ఈ మధ్యలో హిందూ పురాణాల్లో వినిపించే పాత్రలు సూపర్ హీరోలుగా కనిపించనున్నాయి.
ఈ సినిమా ఇలా హిందూ పురాణాలతో వస్తుండడంతో ఇండియన్ ఆడియన్స్ లో ఈ మూవీ పై భారీ అంచనాలు నెలకొన్నాయి. దీంతో ఈ మూవీని ఎప్పుడెప్పుడు చూస్తామా అని ఎదురు చూస్తున్నారు. కాగా ఈ సినిమాని మే 9న విడుదల చేస్తామంటూ మేకర్స్ ప్రకటించారు. కానీ ఈ సమయానికి ఎన్నికలు రావడంతో మూవీని పోస్టుపోన్ చేస్తున్నారు. ఆ కొత్త తేదీని అనౌన్స్ చేస్తూనే సినిమా ప్రమోషన్స్ ని కూడా మొదలుపెడతారట.
మొదటిగా ప్రీల్యూడ్ అంటూ ఒక యానిమేటెడ్ టీజర్ ని ఆడియన్స్ ముందుకు తీసుకు రాబోతున్నారట. ఈ యానిమేటెడ్ టీజర్ తోనే కొత్త రిలీజ్ డేట్ ని అనౌన్స్ చేయబోతున్నారు. ఈ మూవీని మే 30న ఆడియన్స్ ముందుకు తీసుకురాబోతున్నారట. ఇక ఈ టీజర్ ని ఉగాది సందర్భంగా రిలీజ్ చేయనున్నారని సమాచారం. ఇక ప్రీల్యూడ్ తరువాత టీజర్, సాంగ్స్, ట్రైలర్, ప్రీ రిలీజ్ ఈవెంట్ తో ప్రమోషన్స్ ని ఓ రేంజ్ లో నిర్వహించనున్నారట.
కాగా ఈ చిత్రాన్ని సి అశ్వినీదత్ దాదాపు 600 కోట్ల బడ్జెట్ తో ఎంతో ప్రతిష్టాత్మకంగా నిర్మిస్తున్నారు. ఈ భారీ ప్రాజెక్ట్ లో దిశాపటాని, దీపికా పదుకోన్ హీరోయిన్స్గా నటిస్తుంటే అమితాబ్ బచ్చన్, పశుపతి, రాజేంద్రప్రసాద్ ప్రధాన పాత్రల్లో నటిస్తున్నారు. కమల్ హాసన్ ఓ గెస్ట్ రోల్ లో కనిపించబోతున్నారు. సంతోష్ నారాయణ్ ఈ చిత్రానికి సంగీతం అందిస్తున్నారు.
Also read : Brahmanandam : CSK Vs SRH మ్యాచ్లో మనవడితో బ్రహ్మి సందడి.. గచ్చిబౌలి దివాకర్ అంటూ మీమ్స్ వైరల్..
Related News
Baahubali : కట్టప్ప విలన్గా బాహుబలి యానిమేషన్ సిరీస్.. ట్రైలర్ చూసారా..?
బాహుబలి యానిమేషన్ సిరీస్ ట్రైలర్ చూసారా..? కట్టప్ప విలన్గా మారితే బాహుబలి, భల్లాలదేవ కలిసి అతడి పై యుద్ధం చేస్తున్నారు.