Kannappa : కన్నప్ప సెట్స్‌లోకి ప్రభాస్ ఎంట్రీ.. పోస్టర్ అదిరింది..

Prabhas Joins Manchu Vishnu Kannappa Movie Sets

Kannappa : మంచు విష్ణు నటిస్తున్న భారీ బడ్జెట్ చిత్రం ‘కన్నప్ప’. రియల్ లైఫ్ స్టోరీ ఆధారంగా తెరకెక్కుతున్న ఈ భక్తిరస చిత్రంలో భారీ స్టార్ కాస్ట్ నటిస్తుంది. మోహన్ బాబు, అక్షయ్ కుమార్, ప్రభాస్, మోహన్ లాల్, శరత్ కుమార్, నయనతార, మధుబాల, బ్రహ్మానందం.. ఇలా బాలీవుడ్ నుంచి టాలీవుడ్ వరకు స్టార్ కాస్ట్ అంతా ఈ మూవీలో కనిపించబోతుంది. ఇప్పటికే ఈ యాక్టర్స్ అంతా ఈ మూవీ సెట్స్ లోకి అడుగుపెట్టి.. తమ పాత్రలకు సంబంధించిన షూట్ ని పూర్తి చేస్తూ వచ్చారు.

తాజాగా ప్రభాస్ కూడా ఈ మూవీ సెట్ లోకి ఎంట్రీ ఇచ్చారు. ప్రస్తుతం ఈ మూవీ షూటింగ్ రామోజీఫిల్మ్ సిటీలో జరుగుతుంది. ఈ షెడ్యూల్ లో ప్రభాస్ కూడా నేటి నుంచి పాల్గొంటున్నారు. ఈ విషయాన్ని తెలియజేస్తూ మంచు విష్ణు సోషల్ మీడియాలో ఓ పోస్ట్ వేశారు. తన బ్రదర్ ప్రభాస్ షూటింగ్ లో జాయిన్ అయ్యారు అంటూ ఒక పోస్టర్ రిలీజ్ చేసారు. ఆ పోస్టర్ లో నడుచుకుంటూ వస్తున్న కాళ్ళు కనిపిస్తున్నాయి. కాళ్ళకి ఏమో పులిచర్మం లాంటి బట్టలు కనిపిస్తున్నాయి.

ఈ సినిమాలో ప్రభాస్ శివుడిగా కనిపించబోతున్నారని టాక్ వినిపిస్తుంది. ఇప్పుడు పులిచర్మంతో కనిపిస్తున్న ఈ పోస్టర్ చూస్తుంటే ఆడియన్స్ లో మరింత ఆసక్తి రేకిత్తిస్తోంది. కాగా ఈ సినిమాని బాలీవుడ్ దర్శకుడు ముఖేష్ కుమార్ సింగ్ డైరెక్ట్ చేస్తుండగా ప్రీతి ముఖుంధన్ హీరోయిన్ గా నటిస్తున్నారు. మోహన్ బాబు భారీ బడ్జెట్ తో ఎంతో ప్రతిష్టాత్మకంగా ఈ చిత్రాన్ని నిర్మిస్తున్నారు.

My brother joined the shoot #Prabhas#kannappa🏹 pic.twitter.com/WW8WQbBLec

— Vishnu Manchu (@iVishnuManchu) May 9, 2024

Follow us