War 2 : ఎన్టీఆర్ పాన్ ఇండియా మూవీ రైట్స్ దక్కించుకున్న నాగవంశీ..?

పాన్ ఇండియా స్థాయిలో భారీ అంచనాలతో తెరకెక్కుతున్న బాలీవుడ్ యాక్షన్ థ్రిల్లర్ ‘వార్ 2’ (War 2) ప్రస్తుతం ఇండస్ట్రీలో హాట్ టాపిక్‌గా మారింది. యంగ్ టైగర్ ఎన్టీఆర్ ఇందులో ముఖ్య పాత్రలో నటించడం వల్ల తెలుగు ప్రేక్షకుల్లో ఈ సినిమాపై భారీ ఆసక్తి నెలకొంది. బాలీవుడ్ స్టార్ హీరో హృతిక్ రోషన్ కూడా ఇందులో ఉండడంతో ఈ సినిమా నేషనల్ లెవెల్లో భారీ హైప్‌ను సొంతం చేసుకుంది. ఈ క్రేజీ ప్రాజెక్టును యష్ రాజ్ ఫిలిమ్స్ నిర్మిస్తోంది. సాధారణంగా ఈ బ్యానర్ తమ సినిమాలను దేశవ్యాప్తంగా సొంతంగా విడుదల చేస్తుంటుంది. కానీ ఈసారి మాత్రం తెలుగు రాష్ట్రాల్లో విడుదల హక్కులను అమ్మాలని నిర్ణయించింది.

Raja Singh : కాంగ్రెస్‌లో చేరిక వార్తలపై స్పందించిన రాజాసింగ్

తెలుగు మార్కెట్‌లో ఎన్టీఆర్ క్రేజ్‌ను బట్టి ‘వార్ 2’ రైట్స్‌ను పొందేందుకు పలువురు ప్రముఖులు ఆసక్తిని చూపారు. అయితే ఫిలింనగర్ సమాచారం ప్రకారం.. నాగ వంశీ ఈ పోటీలో ముందున్నారు. ఇటీవలే ఎన్టీఆర్ నటించిన ‘దేవర’ సినిమాను డిస్ట్రిబ్యూట్ చేసి విజయాన్ని తన ఖాతాలో వేసుకున్న నాగ వంశీ, ఇప్పుడు మరోసారి ఎన్టీఆర్ సినిమాను సొంతం చేసేందుకు సిద్ధమయ్యారు. యష్ రాజ్ ఫిలిమ్స్ ఈ సినిమా తెలుగు రైట్స్‌కు రూ. 100 కోట్లు డిమాండ్ చేస్తున్నా, నాగ వంశీ రూ. 80 కోట్లకు డీల్ ఫైనల్ చేయాలనే ఉద్దేశంతో ఉన్నారని సమాచారం. ఈ డీల్ ఫైనల్ అయితే, తెలుగు రాష్ట్రాల్లో ఈ సినిమాను విడుదల చేసే హక్కులు నాగ వంశీకి దక్కనున్నాయి.

Ola-Uber : ఉబర్‌ , ఓలా వంటి సంస్థలకు కేంద్రం గుడ్‌న్యూస్

ఇక చిత్రీకరణ విషయానికి వస్తే.. ప్రస్తుతం ముంబైలో హృతిక్ రోషన్ – ఎన్టీఆర్‌లపై ఓ భారీ డాన్స్ నెంబర్ ను చిత్రీకరిస్తున్నారు. ఇండియన్ సినిమా ఇండస్ట్రీలో బెస్ట్ డాన్సర్స్ లిస్ట్‌లో ఇద్దరూ టాప్ ప్లేస్‌లో ఉంటారు. వీరిద్దరిపై తెరకెక్కుతున్న ఈ స్పెషల్ సాంగ్‌కు సంగీత దర్శకులు సైతం ప్రత్యేక శ్రద్ధ వహిస్తున్నారని తెలుస్తోంది. ఈ చిత్రానికి అయాన్ ముఖర్జీ దర్శకత్వం వహిస్తుండగా, హీరోయిన్‌గా కియారా అద్వానీ నటిస్తోంది. బ్రహ్మాస్త్ర వంటి విజయం తర్వాత అయాన్ దర్శకత్వంలో వస్తోన్న ఈ స్పై యాక్షన్ ఫిల్మ్ ప్రేక్షకుల్లో భారీ ఆసక్తి కలిగిస్తోంది. ఇక ఎన్టీఆర్ ఫ్యాన్స్ కోసం ఈ సినిమా మరో స్పెషల్ ట్రీట్‌గా నిలవనుంది.