Nithiin Thammudu Movie: నితిన్ తమ్ముడు మూవీ రిలీజ్ డేట్ వచ్చేసింది!
శివరాత్రికి "తమ్ముడు" సినిమా రాబోతుంది! పవన్ కళ్యాణ్ టైటిల్‌తో నితిన్ నటిస్తున్న ఈ సినిమాలో అక్క తమ్ముడు సెంటిమెంట్ ఉంటుంది. ఇంతకీ నితిన్‌కు అక్కగా ఎవరు నటిస్తున్నారో తెలుసా?
- By Kode Mohan Sai Published Date - 04:56 PM, Mon - 4 November 24
నితిన్ గతంలో వరుసగా హిట్స్ అందుకున్నా, ఇటీవల కొంచెం స్లో అయ్యాడు. కానీ, డిసెంబర్‌లో “రాబిన్ హుడ్” సినిమాతో మళ్లీ ప్రేక్షకులను అలరించబోతున్నాడు. ఈ సినిమా తర్వాత మరొక ఆసక్తికర ప్రాజెక్ట్‌పై కూడా పనిచేయనున్నాడు. తనకు ఎంతో ఇష్టమైన పవర్ స్టార్ పవన్ కళ్యాణ్ సినిమాకు సంబంధించిన టైటిల్‌ను ఉపయోగించాలని అనుకుంటున్నాడు. పవన్ కళ్యాణ్ తమ్ముడు అనే టైటిల్‌ను నితిన్ కొన్నాళ్ల క్రితం ప్రకటించిన సంగతి తెలిసిందే. ఈ సినిమా, వకీల్ సాబ్ డైరెక్టర్ వేణు శ్రీరామ్ దర్శకత్వంలో, దిల్ రాజు నిర్మాణంలో తెరకెక్కించబడుతోంది.
“పవన్ కళ్యాణ్ తమ్ముడు” సినిమాలో అన్న-తమ్ముడు సెంటిమెంట్ ఉంటే, నితిన్ నటిస్తున్న “తమ్ముడు” సినిమాలో అక్క-తమ్ముడు సెంటిమెంట్ ఉండనుంది. ఈ సినిమాలో నితిన్‌కు అక్కగా ఒకప్పటి హీరోయిన్ లయ నటిస్తుంది. ఇటీవల, తమ్ముడు సినిమాకు సంబంధించి కొత్తగా విడుదల తేదీని ప్రకటిస్తూ ఓ పోస్టర్‌ను విడుదల చేశారు.
His Remarkable 𝐑𝐄𝐒𝐈𝐋𝐈𝐄𝐍𝐂𝐄🔥
His Massive 𝐏𝐎𝐖𝐄𝐑💥Make Way for a New Brother in Town @actor_nithiin 😎#Thammudu Arriving on Maha Shivaratri – 2025 with a Powerful Tale of Courage and Ambition🔱❤️🔥#ThammuduForShivaratri
A Film by #SriramVenu#DilRaju… pic.twitter.com/RdL3etjOxv
— Sri Venkateswara Creations (@SVC_official) November 4, 2024
నితిన్ నటించిన “తమ్ముడు” సినిమా 2025 మహాశివరాత్రికి విడుదల చేయనున్నట్టు నేడు ప్రకటించారు. పోస్టర్‌లో, నితిన్ ఓ చిన్న పాపని భుజంపై ఎక్కించుకొని, చేతిలో వెలుగుతున్న కాగడా పట్టుకుని, వెనకాల కొంతమంది తరుముతుంటే పరిగెడుతున్నట్టు కనిపిస్తున్నాడు. ఇది ఓ మంచి యాక్షన్ సీన్ నుంచి తీసిన ఫోటోగా భావిస్తున్నారు.
ఈ పోస్టర్ చూసినప్పుడు, అక్క కూతుర్ని కాపాడటానికి తమ్ముడు ఏం చేశాడనే కథాంశం ఉంటుందా అని సందేహం కలుగుతుంది. ప్రస్తుతం ఈ పోస్టర్ సోషల్ మీడియాలో వైరల్‌గా మారింది.
