Thandel : బాబోయ్ ఓటీటీ హక్కులే ఈ రేంజ్‌లోనా.. నాగచైతన్య గట్టి ప్లానే వేశాడా..!

Thandel : చందూ మొండేటి దర్శకత్వంలో అక్కినేని నాగచైతన్య నటిస్తున్న ప్రెస్టీజియస్ ప్రాజెక్ట్ ‘తండేల్’. అల్లు అరవింద్ నిర్మిస్తున్న ఈ చిత్రం చైతన్య కెరీర్ లోనే భారీ బడ్జెట్ ప్రాజెక్ట్ గా రూపొందుతుంది. సాయి పల్లవి హీరోయిన్ గా నటిస్తున్న ఈ చిత్రాన్ని పాన్ ఇండియా మూవీగా సిద్ధం చేస్తున్నారు. ఈ సినిమా పై టాలీవుడ్ ఆడియన్స్ లో మంచి అంచనాలే నెలకొన్నాయి. దీంతో ఈ మూవీకి మంచి మార్కెటే జరుగుతుంది. చైతన్య కెరీర్ లోనే హైయెస్ట్ మార్కెట్ రేట్ ఈ సినిమాకి పలుకుతుంది.

ఈ సినిమాని దాదాపు 50 కోట్ల పై బడ్జెట్ తో నిర్మిస్తున్నట్లు సమాచారం. అయితే ఈ చిత్రం కేవలం ఓటీటీ రైట్స్ తోనే ఈ బడ్జెట్ ని ఆల్మోస్ట్ రికవరీ చేసేసినట్లు సమాచారం. ఈ సినిమా ఓటీటీ రైట్స్ ని నెట్‌ఫ్లిక్స్ సంస్థ.. దాదాపు 40 కోట్లు ఇచ్చి సొంతం చేసుకున్నట్లు ఫిలిం వర్గాల్లో వార్తలు వినిపిస్తున్నాయి. కేవలం డిజిటల్ రైట్స్ కే ఈ రేంజ్ బిజినెస్ జరిగిందంటే.. థియేట్రికల్ బిజినెస్ వందకోట్లు జరగడం ఖాయంలా కనిపిస్తుంది.

ఇక టెలివిజన్, ఆడియో రైట్స్ తో కలిపి ఈ చిత్రం చైతన్య కెరీర్ లోనే హైయెస్ట్ బిజినెస్ చేసేలా కనిపిస్తుంది. మరి ఈ ప్రీ రిలీజ్ బిజినెస్ ని తన పోస్ట్ రిలీజ్ బిజినెస్ తో మ్యాచ్ చేస్తే.. ఈ సినిమాతో చైతన్య కూడా టాప్ హీరోల లిస్టులో చేరే అవకాశం ఉంటుంది. మరి ప్రేమమ్ తో హిట్ అందుకున్న చందూ మొండేటి, చైతన్య.. ఈ సినిమాతో ఎలాంటి మ్యాజిక్ ని క్రియేట్ చేస్తారో చూడాలి.

కాగా ఈ సినిమా నిజజీవిత కథ ఆధారంగా రూపొందుతుంది. చేపలు వేటకు వెళ్లిన ఒక ఆంధ్రకుర్రాడు.. పాకిస్తానీ ఆర్మీకి చిక్కుకొని, అక్కడ నుంచి ఎలా బయట పడ్డాడు అనే కథని గుండెకు హత్తుకునే ప్రేమ కథతో చెప్పబోతున్నారు.

Also read : Devara – Game Changer : దేవర, గేమ్ ఛేంజర్‌కి బాలీవుడ్డే దిక్కు.. లేకుంటే భారీ నష్టాలు..