Pushpa 2 Release Date: పుష్ప 2 రిలీజ్ పుకార్లను నమ్మొద్దు: మైత్రీ మూవీ మేకర్స్
పుష్ప 2 రిలీజ్ డేట్ వాయిదాపై మేకర్స్ ఎట్టకేలకు స్పందించారు. ఈ మేరకు చిత్రం విడుదలపై ప్రొడ్యూసర్స్ క్లారిటీ ఇచ్చారు. నిజానికి ఈ ఏడాది ఆగస్ట్ 15న మూవీ రిలీజ్ కావాల్సి ఉంది. కానీ తాజాగా రిలీజ్ వాయిదా పడినట్లు వార్తలు వస్తున్నాయి.
- Author : Vamsi Chowdary Korata
Date : 27-01-2024 - 7:37 IST
Published By : Hashtagu Telugu Desk
Pushpa 2 Release Date: పుష్ప 2 రిలీజ్ డేట్ వాయిదాపై మేకర్స్ ఎట్టకేలకు స్పందించారు. ఈ మేరకు చిత్రం విడుదలపై ప్రొడ్యూసర్స్ క్లారిటీ ఇచ్చారు. నిజానికి ఈ ఏడాది ఆగస్ట్ 15న మూవీ రిలీజ్ కావాల్సి ఉంది. కానీ తాజాగా రిలీజ్ వాయిదా పడినట్లు వార్తలు వస్తున్నాయి. కాగా తాజాగా మైత్రీ వాళ్ళు పుకార్లపై క్లారిటీ ఇస్తూ తేదీని ఫిక్స్ చేశారు.
అల్లు అర్జున్, సుకుమార్ కాంబినేషన్లో రూపొందిన చిత్రం పుష్ప. ఈ సినిమా ఇండియన్ బాక్సాఫీస్ దగ్గర రికార్డ్ క్రియేట్ చేసింది. తగ్గేదేలే అంటూ ఎక్కడా తగ్గకుండా తన సత్తాను పాన్ ఇండియా స్థాయిలో చాటారు. దీంతో పుష్ప సీక్వెల్ పుష్ప 2 పై అంచనాలు భారీగా ఉన్నాయి. బన్నీ బర్త్ డేకి పుష్ప 2 గ్లింప్స్ రిలీజ్ చేస్తే.. సౌత్ లో కన్నా నార్త్ లో ఎక్కువ రెస్పాన్స్ వచ్చింది. దీనిని బట్టి పుష్ప 2 కు నార్త్ లో ఎంత క్రేజ్ ఉందో అర్థం చేసుకోవచ్చు. ఆ అంచనాలకు ఏమాత్రం తగ్గని విధంగా ఉండేలా సుకుమార్ ఎంతో కేర్ తీసుకుని ఈ మూవీని తెరకెక్కిస్తున్నారు. ఆడియన్స్ కి కిక్ ఇచ్చేలా ఉండేందుకు కథ పై చాన్నాళ్లు కసరత్తు చేశారు.
ఇక అసలు విషయానికి వస్తే.. పుష్ప 2 చిత్రాన్ని ఆగష్టు 15న రిలీజ్ చేయనున్నట్టుగా గతంలో ప్రకటించారు. అయితే.. గత రెండు రోజులుగా పుష్ప 2 వాయిదా అంటూ ప్రచారం జరుగుతోంది. మీడియాలో వార్తలు రావడంతో నిజంగానే పుష్ప 2 వాయిదా పడనుందా..? లేక ఇది గ్యాసిప్పా..? అనే డౌట్ క్రియేట్ అయ్యింది. అయితే.. ప్రచారంలో ఉన్న వార్తల పై మేకర్స్ క్లారిటీ ఇచ్చారు. ఇంతకీ ఏం చెప్పారంటే.. పుష్ప 2 చిత్రాన్ని ముందుగా ప్రకటించినట్టుగా ఆగష్టు 15న రిలీజ్ చేయనున్నామని.. అందులో ఎలాంటి మార్పు లేదన్నారు.
దీంతో పుష్ప 2 రిలీజ్ పై క్లారిటీ వచ్చేసింది. ఇంతకీ పుష్ప 2 ఎంత వరకు వచ్చిందంటే.. ప్రస్తుతం హైదరాబాద్ లో షూటింగ్ జరుపుకుంటుంది. ఇటీవల బన్నీ, రష్మిక పై ఓ సాంగ్ చిత్రీకరించారు. ప్రస్తుతం బన్నీ పై కీలక సన్నివేశాలను చిత్రీకరిస్తున్నారు. మే ఎండింగ్ కి షూటింగ్ కంప్లీట్ చేయాలి అనేది మేకర్స్ ప్లాన్. ఆతర్వాత పోస్ట్ ప్రొడక్షన్ కి, ప్రమోషన్స్ కి ఎక్కువ టైమ్ కేటాయించాలి అనుకుంటున్నారట. గతంలో పుష్పకి ప్రమోషన్స్ చేయడానికి టైమ్ సరిపోలేదు. అందుచేత ఈసారి పక్కాగా ప్రమోషన్స్ చేయాలి అనుకుంటున్నారు. మరి.. పుష్ప 2 ఏ రేంజ్ లో సెన్సేషన్ క్రియేట్ చేస్తుందో చూడాలి.
Also Read: Rohan Bopanna: బోపన్నకు జై.. 43 ఏళ్ల వయసులో తొలి గ్రాండ్స్లామ్ విన్
Follow us
