Mahesh Rajamouli : మహేష్ రాజమౌళి.. బర్త్ డే నాడైనా ప్లాన్ చేస్తారా..?

Mahesh Rajamouli సూపర్ స్టార్ మహేష్ తన నెక్స్ట్ సినిమా రాజమౌళి డైరెక్షన్ లో లాక్ చేసుకున్న విషయం తెలిసిందే. ఈ సినిమా కోసం రాజమౌళి ఇప్పటికే ప్రీ ప్రొడక్షన్ పనులు మొదలు పెట్టాడు. ఐతే సినిమా పూజా కార్యక్రమాల కోసం ఇండస్ట్రీ తో పాటుగా సూపర్ స్టార్ ఫ్యాన్స్ కూడా ఆసక్తిగా ఎదురుచూస్తున్నారు. సినిమా కాస్టింగ్ ఇంకా ప్రాజెక్ట్ గురించి రాజమౌళి మహేష్ ఇచ్చే డీటైల్స్ కోసం ఎగ్జైటింగ్ గా ఉన్నారు.

ఐతే మహేష్ రాజమౌళి సినిమా అప్డేట్ మే 31న సూపర్ స్టార్ జయంతిన వస్తుందని అనుకోగా అది మిస్ అయ్యింది. కనీసం మహేష్ బర్త్ డే రోజైనా సరే సినిమా గురించి ఏదైనా అప్డేట్ ఇస్తారా లేదా అని ఆడియన్స్ డౌట్ పడుతున్నారు. ఆగష్టు 9న మహేష్ బర్త్ డే ఉంది. ఆరోజు సినిమా మొదలు పెడితే బాగుంటుందని ఫ్యాన్స్ కోరుతున్నారు.

మహేష్ రాజమౌళి సినిమా ఆఫ్రికా ఫారెస్ట్ బ్యాక్ డ్రాప్ లో వస్తుంది. సినిమా కోసం మహేష్ కొత్త లుక్ ట్రై చేస్తున్నాడు. ఈ సినిమాకు కీరవాణి మ్యూజిక్ అందిస్తుండగా శ్రీ దుర్గ ఆర్ట్స్ బ్యానర్ లో కె.ఎల్ నారాయణ ఈ సినిమా నిర్మిస్తున్నారు. ఆర్.ఆర్.ఆర్ తర్వాత రాజమౌళి చేస్తున్న సినిమాగా ఈ ప్రాజెక్ట్ పై భారీ అంచనాలు ఉన్నాయి. ఈ సినిమాతో మరోసారి ఇంటర్నేషనల్ ఆడియన్స్ ని రీచ్ అవ్వాలని చూస్తున్నాడు జక్కన్న.