Super Star Mahesh Babu: ట్విట్టర్ లో మహేష్ బాబు సరికొత్త రికార్డు..!
సూపర్ స్టార్ మహేష్ బాబుకు తెలుగు రాష్ట్రాల్లో విపరీతమైన ఫాలోయింగ్ ఉంది.
- By Gopichand Published Date - 03:31 PM, Fri - 28 October 22
సూపర్ స్టార్ మహేష్ బాబుకు తెలుగు రాష్ట్రాల్లో విపరీతమైన ఫాలోయింగ్ ఉంది. అది మనందరికీ తెలిసిందే. తెరపై సూపర్స్టార్గానే కాకుండా సామాజిక సేవలో ఆయన చేసే మంచి పనుల వలన ప్రజలు ఆయనను అనుసరిస్తారు. ఇవన్నీ సోషల్ మీడియాలో సూపర్ స్టార్ ఫాలోయింగ్పై ప్రతిబింబిస్తాయి. సోషల్ మీడియా ఖాతా ట్విట్టర్లో ప్రిన్స్ మహేష్ బాబు సరికొత్త రికార్డును సృష్టించాడు. తెలుగు రాష్ట్రాలతోపాటు దక్షిణాదిన పాపులారిటీ సంపాదించుకున్న టాలీవుడ్ స్టార్ హీరోల్లో సూపర్ స్టార్ మహేశ్ బాబు టాప్లో ఉంటాడు. సోషల్ మీడియాలోనూ క్రేజ్ మాములుగా లేదు. తాజాగా ట్విటర్లో ప్రిన్స్ అరుదైన ఫీట్ను ఖాతాలో వేసుకున్నాడు. అతడి ఫాలోవర్ల సంఖ్య 13 మిలియన్లకు చేరింది. తాజా అప్డేట్తో సౌతిండియాలో ఎక్కువమంది ఫాలో అవుతున్న యాక్టర్గా నిలిచాడు.
మహేష్ బాబుకు ఇప్పుడు ట్విట్టర్లో 13 మిలియన్ల మంది ఫాలోవర్లు ఉన్నారు. ఇంతమంది ఫాల్లోవర్లు దక్షిణ భారతదేశంలోని ఏ సెలబ్రిటీకీ సాధ్యం కాలేదు. సినిమా, క్రీడా, రాజకీయ రంగాలకు చెందిన మరే ఇతర సెలబ్రిటీ కూడా ట్విట్టర్లో మహేష్ బాబు ఫాల్లోవర్ల సంఖ్యకు దగ్గరగా లేరు. 15 మిలియన్ల ట్విట్టర్ ఫాలోవర్ల మైలురాయిని మహేష్ బాబు అతి తక్కువ సమయంలో చేరుకునే అవకాశం ఉంది. అయితే.. సూపర్ స్టార్ మహేష్ బాబు ప్రస్తుతం డైరెక్టర్ త్రివిక్రమ్ దర్శకత్వంలో ఓ సినిమా చేస్తున్న సంగతి తెలిసిందే. ఎస్ఎస్ఎంబీ 28 వర్కింగ్ టైటిల్తో రూపొందుతున్న ఈ మూవీలో మహేష్ సరసన పూజా హెగ్డే కథానాయికగా నటిస్తోంది. ఇటీవలే ఫస్ట్ షెడ్యూల్ కంప్లీట్ చేసుకున్న ఈ మూవీ.. తర్వలోనే సెకండ్ షెడ్యూల్ స్టార్ట్ కానుంది. త్రివిక్రమ్ మూవీ తర్వాత మహేష్ బాబు టాప్ డైరెక్టర్ రాజమౌళితో ఓ మూవీ చేయనున్న విషయం తెలిసిందే.
Related News
Pooja Hegde : ఆఫర్లు లేకపోయినా తగ్గేదేలేదు అంటున్న పూజా హెగ్దే..!
Pooja Hegde బుట్ట బొమ్మ పూజా హెగ్దే తెలుగులో ప్రస్తుతం ఆఫర్లు లేకపోయినా తన డిమాండ్ మాత్రం ఏమి తగ్గలేదని తెలుస్తుంది. గుంటూరు కారం నుంచి సడెన్ గా ఎగ్జిట్