Macherla Niyojakavargam: ‘మాచర్ల నియోజకవర్గం’ నుంచి నితిన్ ఫస్ట్ లుక్ రిలీజ్
టాలీవుడ్ యంగ్ హీరో నితిన్ కు ఈ మధ్య అంతగా కలిసి రాలేదనే చెప్పాలి.
- By Hashtag U Published Date - 11:50 AM, Sat - 26 March 22
టాలీవుడ్ యంగ్ హీరో నితిన్ కు ఈ మధ్య అంతగా కలిసి రాలేదనే చెప్పాలి. ఒకప్పుడు వరుస హిట్లు అందుకున్న నితిన్… ఆ తర్వాత అదేస్థాయిలో వరుస ఫ్లాప్ లను చవిచూశారు. రీసెంట్ గా నితిన్ నటించిన సినిమాలు ఏ ఒక్కటి ఆకట్టుకోలేదు. ఇంకా చెప్పాలంటే… నితిన్ కు ‘భీష్మ’ హిట్ తర్వాత ఒక్క సినిమా కూడా సక్సెస్ అవ్వలేదు. వరుసగా మూడు సినిమాలు చేస్తే… ఆ మూడు కూడా బాక్సాఫీ వద్ద నితిన్ కు నిరాశనే మిగిల్చాయి. దీంతో ఈసారి పక్కా బ్లాక్ బస్టర్ హిట్ కొట్టాలనే పట్టుదలతో ఉన్నాడు ఈ యంగ్ హీరో. ఈ క్రమంలో తన సొంత బ్యానర్ లోనే సినిమా చేస్తున్నాడు నితిన్. శ్రేష్ట్ మూవీస్ బ్యానర్ లో ఆదిత్యా మూవీస్ అండ్ ఎంటర్టైన్మెంట్ సహకారంతో ‘మాచర్ల నియోజకవర్గం’ సినిమాను చేస్తున్నాడు నితిన్. ఈ మూవీకి రాజశేఖరరెడ్డి దర్శకత్వం వహిస్తున్నారు.
తాజాగా ‘మాచర్ల నియోజకవర్గం’ చిత్రానికి సంబంధించి నితిన్ ఫస్టులుక్ ను శనివారం విడుదల చేశారు. డిఫరెంట్ లుక్ తో ఈ పోస్టర్లో నితిన్ కనిపిస్తున్నాడు. కుటిల రాజకీయ నేపథ్యంలో సాగే కథ ఇది. ఈ సినిమాలో నితిన్ పాత్ర ఎమోషన్ తో కూడిన యాక్షన్ తో నడుస్తుందనే విషయం ఈ పోస్టర్ చూడగానే అర్థమవుతోంది. ఫస్ట్ లుక్ లో దేనికైనా రెడీ అనేలా కనిపిస్తున్నాడు నితిన్. అవినీతి రాజకీయాలకు అడ్డుకట్టవేసే ఓ బలమైన యువకుడి పాత్రలో నితిన్ కనిపించనున్నాడు. ‘మాచర్ల నియోజకవర్గం’ సినిమాకి మహతి స్వరసాగర్ సంగీతం అందిస్తున్నారు. నితిన్ సరసన నాయికలుగా కృతి శెట్టి – కేథరిన్ నటిస్తున్నారు. సమ్మర్ కానుకగా ఈ సినిమాను విడుదల చేసేందుకు మేకర్స్ ప్లాన్ చేస్తున్నారు. మరి ఈ సినిమాతో అయినా… నితిన్ హిట్ ట్రాక్ ఎక్కుతాడా అనేది చూడాలి.
Related News
Nidhhi Agerwal: నిధి అగర్వాల్ కెరీర్ ట్రాక్ లో పడేనా.. ?
Nidhhi Agerwal: నిధి అగర్వాల్ ప్రస్తుతం పవన్ కళ్యాణ్, ప్రభాస్ లతో ‘హరి హర వీరమల్లు’, ‘రాజాసాబ్’ చిత్రాల్లో నటిస్తోంది. ఈ ఇద్దరు హీరోలతో నిధికి టాలీవుడ్ లో తన అదృష్టాన్ని పరీక్షించుకోబోతోంది. నిధి బ్యాడ్ టైం ఎదుర్కొంటోందని, ఇప్పుడు ఆమె తన కెరీర్ను తిరిగి ట్రాక్లోకి తీసుకురావాల్సిన అవసరం ఎంతైనా ఉంది. ఈ పీరియాడిక్ డ్రామాలో పవన్ కు ప్రేమికురాలిగా నటిస్తుండటంతో హరి హర వీరమల్�