NTR30 movie: ఎన్టీఆర్-కొరటాల ప్యాన్ మూవీలో లేడీ సూపర్ స్టార్!

Ntr30

యంగ్ టైగర్ ఎన్టీఆర్ ‘ఆర్ఆర్ఆర్’తో పాన్ ఇండియా స్టార్ క్రేజ్ సంపాదించుకున్నాడు. ఎన్టీఆర్ 30 సినిమాని కూడా అదే రేంజ్ లో ప్లాన్ చేస్తున్నాడు కొరటాల శివ. తారక్, కొరటాల సినిమా ప్రస్తుతం ప్రీ ప్రొడక్షన్ పనులు జరుపుకుంటుండగా, త్వరలో సెట్స్ పైకి వెళ్లనున్న సంగతి తెలిసిందే. ఈ ప్రతిష్టాత్మక చిత్రం కోసం కొరటాల భారీ తారాగణాన్ని ప్లాన్ చేస్తున్నాడు. ఇప్పటికే ఈ చిత్రానికి విలన్‌గా జగపతిబాబు ఎంపికైన సంగతి తెలిసిందే. ఇందులో శక్తివంతమైన మహిళా పాత్ర కూడా ఉంది. అందుకోసం అలనాటి హీరోయిన్, టాలీవుడ్ ఫస్ట్ లేడీ సూపర్ స్టార్ విజయశాంతిని సంప్రదించినట్లు సమాచారం. కొరటాల ఆమెకు కథ చెప్పినట్లు సమాచారం. అయితే ఆమె గ్రీన్ సిగ్నల్ ఇచ్చిందో లేదో తెలియదు.

చాలా విరామం తర్వాత బ్లాక్ బస్టర్ హిట్ గా నిలిచిన ‘సరిలేరు నీకెవ్వరు’ సినిమాతో రీ ఎంట్రీ ఇచ్చింది. సినిమాలో తన పాత్ర నచ్చడంతో అలా చేశానని, మళ్లీ అలాంటి పాత్ర వస్తుందనే నమ్మకం లేదని చెప్పింది. ఇకపై అలాంటి పాత్రనే చేస్తానని విజయశాంతి చెప్పిన సంగతి తెలిసిందే. మరోవైపు ఈ సినిమాలో హీరోయిన్ ఎవరనేది ఇంకా ఖరారు కాలేదు. ఇప్పటికే బాలీవుడ్ బ్యూటీ జాన్వీ కపూర్, స్టార్ హీరోయిన్ సమంతలను సంప్రదించగా.. వారు ఆ సినిమా చేయడం లేదని తెలుస్తోంది. అయితే ఈ సినిమాలో హీరోయిన్ గా కొరటాల ఎవరిని ఫైనలైజ్ చేస్తారో చూడాలి.

Follow us