Katrina Kaif – Vicky kaushal: పండంటి మగబిడ్డకు జన్మనిచ్చిన కత్రినా కైఫ్

బాలీవుడ్‌ స్టార్‌ జంట కత్రినా కైఫ్‌ – విక్కీ కౌశల్‌ తమ జీవితంలో అత్యంత ఆనందకరమైన ఘట్టాన్ని అందుకున్నారు. శుక్రవారం ఈ దంపతులకు మగబిడ్డ జన్మించాడు. ఈ సంతోషకరమైన వార్తను కత్రినా, విక్కీ ఇద్దరూ తమ ఇన్‌స్టాగ్రామ్‌ ఖాతాల ద్వారా అధికారికంగా ప్రకటించి అభిమానుల్లో సంతోషం నింపారు. “మన జీవితంలో కొత్త అధ్యాయం మొదలవుతోంది… ప్రేమ, కృతజ్ఞతలతో నిండిన మన హృదయాలతో ఈ ఆనందాన్ని పంచుకుంటున్నాం” అని వారు పేర్కొన్నారు. ఈ ప్రకటనతో సినీ పరిశ్రమ అంతటా శుభాకాంక్షల వెల్లువ వెల్లువెత్తింది.

Mobile Recharge Prices : DEC నుంచి మొబైల్ రీఛార్జ్ ధరలు పెంపు?

గత కొన్నేళ్లుగా బాలీవుడ్‌లో అత్యంత ఆరాధనీయ జంటగా నిలిచిన కత్రినా–విక్కీ, 2021 డిసెంబర్‌ 9న రాజస్థాన్‌లోని సిక్స్‌ సెన్సెస్‌ ఫోర్ట్‌ బర్వారాలో సన్నిహితుల సమక్షంలో వివాహ బంధంతో ఒక్కటయ్యారు. ఈ ఏడాది సెప్టెంబర్‌లో కత్రినా గర్భవతిగా ఉన్నట్లు ప్రకటించినప్పుడు అభిమానుల్లో ఉత్సాహం నెలకొంది. ఆ సమయంలో వారు పంచుకున్న ఒక పోలారాయిడ్‌ ఫొటోలో విక్కీ, కత్రినా ఇద్దరూ ఆనందంగా కత్రినా బేబీ బంప్‌ వైపు చూసుకుంటూ ఉన్నారు. అప్పటినుంచి ఈ జంట అభిమానులు చిన్నారి రాక కోసం ఆతృతగా ఎదురుచూస్తున్నారు.

ఇదిలా ఉండగా.. విక్కీ కౌశల్‌ ఇటీవల చారిత్రక నేపథ్యంలో తెరకెక్కిన *ఛావా* చిత్రంలో నటించి ప్రశంసలు పొందారు. త్వరలో సంజయ్‌ లీలా భన్సాలీ తెరకెక్కిస్తున్న *లవ్ అండ్ వార్* సినిమాలో రణబీర్‌ కపూర్‌, ఆలియా భట్‌లతో కలిసి నటించబోతున్నారు. మరోవైపు కత్రినా కైఫ్‌ 2024లో విడుదలైన *మెర్రీ క్రిస్మస్* సినిమాలో విజయ్‌ సేతుపతితో కలిసి నటించి తన నటనతో మెప్పించారు. ప్రస్తుతం ఈ దంపతుల ఇంట్లో పుత్రసంతానం రాకతో బాలీవుడ్‌ నుంచి శుభాకాంక్షల సందడి మొదలైంది. అభిమానులు “బేబీ కౌశల్‌కి స్వాగతం” అంటూ సోషల్‌ మీడియాలో హర్షం వ్యక్తం చేస్తున్నారు.