Kantara 2 : బాక్స్ ఆఫీస్ వద్ద వసూళ్ల సునామీ సృష్టిస్తున్న ‘కాంతార ఛాప్టర్-1’

రిషబ్ శెట్టి (Rishab Shetty) స్వీయ దర్శకత్వం వహించి, రుక్మిణి వసంత్‌తో కలిసి నటించిన ‘కాంతార ఛాప్టర్-1’ (Kantara Chapter 1 ) థియేటర్లలో రికార్డు స్థాయిలో దూసుకుపోతుంది. ఈ చిత్రానికి మొదటి నుంచే పాజిటివ్ టాక్ రావడంతో ప్రతి షోకి హౌస్‌ఫుల్ బోర్డులు కట్టబడ్డాయి. భక్తి, మిస్టరీ, ఫోక్ ఎలిమెంట్స్ కలయికతో వచ్చిన ఈ కథ ప్రేక్షకులను విశేషంగా ఆకట్టుకోవడంతో నాలుగు రోజుల్లోనే ఈ సినిమా బాక్సాఫీస్ వద్ద సునామీ సృష్టించింది.

Annamayya : ‘అన్నమయ్య’ లాంటి సినిమా చేయాలని ఉంది – నాగచైతన్య

సినీ వర్గాల సమాచారం ప్రకారం.. విడుదలైన కేవలం నాలుగు రోజుల్లోనే ‘కాంతార ఛాప్టర్-1’* ప్రపంచవ్యాప్తంగా రూ.310 కోట్లకు పైగా గ్రాస్ వసూలు చేసింది. ఒక్క నిన్ననే ఈ చిత్రం రూ.65 కోట్లకుపైగా కలెక్ట్ చేసినట్లు ట్రేడ్ రిపోర్ట్స్ చెబుతున్నాయి. ఈ స్థాయి వసూళ్లు దక్షిణ భారతీయ సినిమాల్లో చాలా అరుదుగా వస్తాయని, రిషబ్ శెట్టి సృష్టించిన ఈ యూనివర్స్‌పై ప్రేక్షకుల ఆసక్తి రోజురోజుకూ పెరుగుతోందని విశ్లేషకులు చెబుతున్నారు.

బుక్ మై షోలో కూడా ఈ చిత్రానికి విపరీతమైన స్పందన లభిస్తోంది. నిన్న మధ్యాహ్నం వరకు 50 లక్షలకుపైగా టికెట్లు అమ్ముడుపోయాయని మూవీ యూనిట్ పేర్కొంది. ఇది ఈ సినిమాపై ఉన్న క్రేజ్‌కు అద్దం పడుతోంది. ఇప్పటికే ‘కాంతార’ ఫ్రాంచైజీకి పాన్‌ఇండియా స్థాయిలో భారీగా అభిమానులు పెరిగారు. ఈ ఉత్సాహం కొనసాగితే ‘కాంతార ఛాప్టర్-1’ త్వరలోనే దక్షిణాది సినిమాల వసూళ్ల రికార్డులను కొత్తగా రాసే అవకాశం ఉందని ట్రేడ్ సర్కిల్స్ అంచనా వేస్తున్నాయి.