Kalki 2898 AD : కల్కి రిలీజ్ డేట్‌పై కొత్త వార్త.. అయితే ఇండియన్ 2 కూడా..
కల్కి రిలీజ్ డేట్‌పై కొత్త వార్త వినిపిస్తుంది. మే నెలలోనే రిలీజ్ చేసేందుకు ప్లాన్. అయితే ఇండియన్ 2 కూడా..
- By News Desk Published Date - 12:39 PM, Thu - 4 April 24
Kalki 2898 AD : ప్రభాస్, దీపికా పదుకోన్, దిశా పటాని హీరోహీరోయిన్స్ నటిస్తున్న చిత్రం ‘కల్కి 2898 ఏడి’. నాగ్ అశ్విన్ డైరెక్ట్ చేస్తున్న ఈ సినిమా ఇండియాలోనే భారీ బడ్జెట్ ప్రాజెక్ట్ గా రూపొందుతుంది. వైజయంతి మూవీస్ బ్యానర్ పై సి అశ్వినీదత్ నిర్మిస్తున్న ఈ చిత్రాన్ని.. మే 9న రిలీజ్ చేయాలని డేట్ ని ఫిక్స్ చేసారు. అయితే ఆ సమయంలో అసెంబ్లీ మరియు పార్లమెంట్ ఎన్నికలు రావడంతో.. ఈ మూవీ రిలీజ్ సందేహంలో పడింది.
దాదాపు 600 కోట్ల భారీ బడ్జెట్ తో వస్తున్న ఈ చిత్రం.. ఎన్నికల సమయంలో రిలీజ్ అయితే పాన్ ఇండియా వైడ్ సరైన కలెక్షన్స్ ని అందుకోలేక నష్టపోయే అవకాశం ఉంటుంది. కాబట్టి ఈ చిత్రం మే 9 నుంచి తప్పుకోవాల్సి వస్తుంది. అయితే ఆ తరువాత ఏ తేదికి రావాలి అన్నది కల్కికి పెద్ద సమస్యగా మారింది. మొన్నటి వరకు ఈ సినిమాని బాహుబలి 1 రిలీజైన జులై 10న రిలీజ్ చేస్తారంటూ టాక్ వినిపించింది.
ఇక తాజాగా మరో కొత్త డేట్ వినిపిస్తుంది. ఇప్పటికే చాలాసార్లు వాయిదా పడ్డ ఈ మూవీ.. మళ్ళీ జులై వరకు అంటే చాలా గ్యాప్ వచ్చేస్తుందని అందరూ భావిస్తున్నారు. దీంతో ఈ సినిమాని మే నెలలోనే తీసుకు వచ్చేందుకు ప్లాన్ చేస్తున్నారట. ఎన్నికలు పోలింగ్ పూర్తి అయిన తరువాత మే 30 లేదా 31న రిలీజ్ చేయాలని మేకర్స్ భావిస్తున్నారట. మరి ఈ వార్తల్లో ఎంత నిజముందో తెలియదు గాని, ప్రస్తుతం ఈ న్యూస్ ఫిలిం వర్గాల్లో వైరల్ గా మారింది.
అయితే ఇక్కడ కూడా కల్కి ఓ సమస్య ఉంది. అదేంటంటే.. మే 24న కమల్ హాసన్ ఇండియన్ 2ని రిలీజ్ చేయాలని మేకర్స్ డేట్ ఫిక్స్ చేసుకున్నారట. త్వరలోనే ఈ డేట్ ని అధికారికంగా ప్రకటించనున్నారని తమిళ్ వర్గాల్లో వినిపిస్తున్న వార్త. ఒకవేళ ఇది నిజమైతే.. కల్కికి ఇండియన్ పోటీ అవుతాడు. కాగా కల్కి సినిమాలో కమల్ హాసన్ కూడా నటించిన విషయం తెలిసిందే.
Also read : Devara : దేవర పార్ట్ 1 షూటింగ్ పూర్తి అయ్యేది అప్పుడే.. ఇంకెంత షూట్ ఉంది ఏంటి..!
