Harish Shankar: నెగిటివ్ వార్తలపై ఘాటుగా స్పందించిన హరీష్ శంకర్.. దమ్ముంటే నా ఫోటో పెట్టి రాయండి అంటూ?

టాలీవుడ్ మాస్ మహారాజా రవితేజ తాజాగా నటించిన చిత్రం ఈగల్. ఈ సినిమాకు కార్తీక్ ఘట్టమనేని దర్శకత్వం వహించిన విషయం తెలిసిందే. భారీ అంజనాల నడుమ ఈ సినిమా ఫిబ్రవరి 9న విడుదలై మంచి సక్సెస్ను సాధించింది. ఒక మాస్ స్టైలిష్ యాక్షన్ సినిమాతో థియేటర్స్ లో అదరగొడుతున్నారు రవితేజ. ప్రస్తుతం బాక్సాఫీస్ వద్ద సక్సెస్ ఫుల్ గా ప్రదర్శితమవుతూ దూసుకుపోతోంది. ఇది ఇలా ఉంటే ఈ సినిమా విడుదల అయ్యి మంచి సక్సెస్ ను సాధించిన సందర్భంగా మూవీ మేకర్స్ తాజాగా సక్సెస్ మీట్ ను నిర్వహించారు. ఈగల్ సక్సెస్ మీట్ కి డైరెక్టర్ హరీష్ శంకర్ కూడా గెస్ట్ గా వచ్చారు.

అయితే ఈగల్ సినిమాపై ఒక వెబ్ సైట్ నెగిటివ్ రివ్యూలు రాయడంతో పాటు, మూవీ యూనిట్ ని, డైరెక్టర్ ని పర్సనల్ గా కూడా టార్గెట్ చేసి ట్రోల్ చేసింది. దీనిపై ఆల్రెడీ నిర్మాణ సంస్థ కౌంటర్ ఇచ్చింది. తాజాగా ఆ సైట్ పై హరీష్ శంకర్ విరుచుకుపడ్డారు. వాళ్ళు గతంలో రాసిన న్యూస్, చేసిన కామెంట్స్ కూడా బయటకి తీసి కౌంటర్లు వేసాడు. చాలా ఆవేశంగా సీరియస్ గా ఆ సైట్ పై ఫైర్ అయ్యాడు హరీష్. మధ్యలో రవితేజ వచ్చి ఆపాలని చూసిన హరీష్ ఆగలేదు. ఈ సందర్భంగా హరీష్ శంకర్ మాట్లాడుతూ.. మన తెలుగు సినిమాల గురించి మనమే నెగిటివ్ గా ట్రోలింగ్స్ చేసుకోవడం నెగిటివ్ కామెంట్స్ చేయడం అన్నది సిగ్గుపడాల్సిన విషయం. ఎగతాళి చేయడం వేరు ఎత్తేయడం వేరు విమర్శలు చేయడం వేరు. వీటికి డిఫరెన్స్ తెలియకుండానే సోషల్ మీడియాలో చాలామంది ట్రోలింగ్స్ చేస్తున్నారు.

ఇవన్నీ మాట్లాడిన తర్వాత హరి శంకర్ మైక్ తీసుకున్నాడు గట్టిగా మాట్లాడారు అని అంటారు అవును గట్టిగా మాట్లాడుతాను ఎందుకంటే సినిమా నాలుగేళ్లయింది. ఇతను ఒక ప్రొడ్యూసర్ ఇంట్లో కూర్చుని తెల్లవార్లు మద్యం తాగాడు. ఆ డైరెక్టర్ ఇంతకుముందు పవన్ కళ్యాణ్ తో బ్లాక్ బస్టర్ హిట్ సినిమా తీశాడు అని రాస్తారు. పైగా ఫోటో పెడతాడా అంటే అది కూడా లేదు కేవలం షాడో పెట్టి కింద ఏదేవో రాస్తాడు నీకు దమ్ము ఉంటె నా ఫోటో పెట్టి హరీష్ శంకర్ రాత్రి మొత్తం మద్యం సేవించాడు అని రాయి నేను కౌంటర్ ఇస్తాను అంటూ ఘాటుగానే స్పందించారు హరిశంకర్. నువ్వు ఏమైనా మద్యం కలిపి ఇచ్చావా ఐస్ క్యూబ్స్ వేసావా లేదు కదా అని మాట్లాడుతుండగా ఇంతలో రవితేజ వెనుక వైపు నుంచి వచ్చి ఆపే ప్రయత్నం చేసినా కూడా ఆపకుండా అలాగే ఘాటుగానే స్పందించారు హరి శంకర్. ఇక హరి శంకర్ మాటలకు పక్కనే ఉన్న చిత్ర బంధం అందరూ కూడా నవ్వుతూ చప్పట్లు కూడా కొట్టారు. అందుకు సంబంధించిన వీడియో సోషల్ మీడియాలో వైరల్ గా మారింది.