OG Movie : ‘ఓజి’ ట్రైలర్ రెడీ.. అప్డేట్ ఇచ్చిన డివివి..

'ఓజి' ట్రైలర్ రెడీ అయ్యిందట. అభిమానికి అప్డేట్ ఇచ్చిన డివివి.

Dvv Danayya Gave Update On Pawan Kalyan Og Movie Trailer Update
Dvv Danayya Gave Update On Pawan Kalyan Og Movie Trailer Update

OG Movie : పవర్ స్టార్ పవన్ కళ్యాణ్ చాలా గ్యాప్ తరువాత చేస్తున్న గ్యాంగ్ స్టార్ మూవీ ‘ఓజి’. సుజిత్ డైరెక్ట్ చేస్తున్న ఈ చిత్రం దాదాపు 75 శాతం షూటింగ్ ని పూర్తి చేసుకుంది. పవన్ రాజకీయ షెడ్యూల్స్ వల్ల బ్యాలన్స్ షూట్ కి బ్రేక్ పడింది. ఇప్పుడు ఎన్నికలు పూర్తి అవ్వడంతో.. ఈ మూవీ షూటింగ్ మళ్ళీ పట్టాలు ఎక్కనుంది. కాగా ఈ మూవీని సెప్టెంబర్ లో రిలీజ్ చేస్తామంటూ మేకర్స్ ప్రకటించారు.

దీంతో మూవీ టీం వచ్చే నెల నుంచి ప్రమోషన్స్ స్టార్ట్ చేయడానికి సిద్దమవుతున్నట్లు తెలుస్తుంది. ఈ సినిమా ట్రైలర్ ని రిలీజ్ చేయడానికి మేకర్స్ రెడీ అవుతున్నారట. ఈ విషయం గురించి పవన్ అభిమాని ఒకరు.. నిర్మాతలను సోషల్ మీడియాలో ప్రశ్నించారు. దానికి నిర్మాత బదులిస్తూ.. “ఒక ఫ్లో రెడీ, పోతారులే అందరూ” అంటూ బదులిచ్చారు. ఇక ఈ ట్వీట్ తో అభిమానులు ఫుల్ ఖుషి అవుతున్నారు.

కాగా ఈ సినిమా దర్శకుడు సుజిత్ రీసెంట్ గా ఓ ఇంటర్వ్యూలో పాల్గొన్నారు. ఆ ఇంటర్వ్యూలో ఓజి మూవీ గురించి మాట్లాడుతూ.. మార్షల్ ఆర్ట్స్‌లో ఒకటైన ‘ఐకిడో’ ఫైట్ ఈ మూవీలో ఉందని తెలియజేసారు. ఈ ఫైట్ గురించి పవన్ కళ్యాణ్ కి చెప్పగా, ఆయన చాలా ఎగ్జైట్ అయ్యారట. అంతేకాదు ఆ ఫైట్ బాగా రావాలని ముంబై, పూణే నుంచి ఐకిడో మాస్టర్స్ ని పిలిపించుకొని మరి ప్రాక్టీస్ తీసుకున్నారట.

ఆ ఫైట్ సీన్ ని హాఫ్ డేలో చేయాల్సిందట. కానీ బాగా రావాలని పవన్ భావించడంతో.. దాదాపు మూడు రోజుల పాటు ఆ సీన్ ని చిత్రీకరించారట. ఆ షూటింగ్ కి సంబంధించిన ఫొటోస్ గతంలో నెట్టింట లీకైన సంగతి అందరికి తెలిసిందే. పవన్ అంత జాగ్రత్త తీసుకోని చేసిన ఆ ఫైట్ ఎలా ఉండబోతుందో చూడాలి.


Follow us

Tags