Dimple Hayathi: అదేంటి డింపుల్ హయతి అలా మారిపోయింది.. గుర్తుపట్టడం కష్టమే?

Dimple Hayathi

డింపుల్ హయతి పక్కా తెలుగు అమ్మాయి. ఈమె తెలుగు సినిమా ప్రేక్షకులకు ప్రత్యేకంగా చెప్పాల్సిన పనిలేదు. 2017లో గల్ఫ్ సినిమాతో సినీ పరిశ్రమలోకి ఎంట్రీ ఇచ్చింది. ఆ తర్వాత తమిళ్, హిందీలో పలు సినిమాలు, స్పెషల్ సాంగ్స్ చేసి పాపులర్ అయింది. తెలుగులో రవితేజ హీరోగా నటించిన ఖిలాడీ సినిమాతో భారీగా పాపులారిటీని సంపాదించుకుంది. ఆ తర్వాత రామబాణం సినిమాలతో హీరోయిన్ గా గుర్తింపు తెచ్చుకుంది. అయితే ఈ సినిమాలు విజయాలు సాధించకపోయినా డింపుల్ హాట్ పర్ఫార్మెన్స్ కి అందరికి గుర్తుండిపోయింది.

సినిమాల్లో హాట్ పర్ఫార్మెన్స్ తో పాటు సోషల్ మీడియాలో కూడా రెగ్యులర్ గా ఫోటోలు షేర్ చేస్తూ ఫాలోయింగ్ పెంచుకుంది ఈ డస్కీ బ్యూటీ. అయితే తాజాగా డింపుల్ హయతికీ సంబంధించిన ఒక ఫోటో సోషల్ మీడియాలో వైరల్ గా మారింది. ఆ ఫోటోలో డింపుల్ హయతిని చూసినవారు ఆశ్చర్యపోతున్నారు. ఆ ఫోటోలో ఆమె గుర్తుపట్టలేని విధంగా ఉంది. ఇంకా చెప్పాలంటే ఆ ఫోటోని నిదానంగా చూస్తే తప్ప అందులో ఉన్నది డింపుల్ అయితే అన్న విషయం కనుక్కోవడం చాలా కష్టం. ప్రస్తుతం డింపుల్ కి 25 ఏళ్ళు.

తను ఆరేళ్ళ క్రితం 19 ఏళ్ళు ఉన్నప్పుడు ఆడిషన్స్ కి పంపడానికి ఒక ప్రొఫైల్ వీడియో తీసింది. ఆ వీడియోలో చాలా సన్నగా ఉంది. అసలు ఇప్పుడు ఉన్న డింపుల్ హయతికి, ఆ వీడియోలో ఉన్న దానికి సంబంధమే లేదు.దీంతో ఆ వీడియో ప్రస్తుతం వైరల్ గా మారింది. అప్పుడు అసలు హీరోయిన్ లాగానే కనిపించట్లేదు, ఇప్పుడేమో హాట్ హీరోయిన్ లా ఉందని పలువురు నెటిజన్లు కామెంట్స్ చేస్తున్నారు. చాలామంది ఆ ఫోటోలు వీడియోలపై స్పందిస్తూ అప్పటితో పోల్చుకుంటే డింపుల్ హయతి ఇప్పుడు చాలా బాగుంది అంటూ కామెంట్లు చేస్తున్నారు.

Follow us