Saif Ali Khan – Auto Rickshaw: సైఫ్‌ అలీఖాన్‌ను ఆటోలో ఆస్పత్రికి ఎందుకు తీసుకెళ్లారు ? ఎవరు తీసుకెళ్లారు ?

గురువారం తెల్లవారుజామున 2 గంటలకు ముంబైలోని బాంద్రాలో ఉన్న సైఫ్ అలీఖాన్ ఇంట్లోకి దొంగ చొరబడ్డాడు. ఈవిషయాన్ని తొలుత ఇంట్లోని పని మనిషి గుర్తించింది. ఆమె అరుపులు, కేకలు పెట్టింది. దీంతో సదరు దొంగ నేరుగా వెళ్లి ఆమెపై కత్తితో దాడి చేశాడు. ఆ శబ్దాలు విని బెడ్ రూం నుంచి బయటికి వచ్చిన సైఫ్ అలీఖాన్‌పైనా దొంగ కత్తిపోట్లు పొడిచాడు. దీంతో మెడ, చెయ్యి, వీపు భాగాల్లో సైఫ్ అలీఖాన్‌కు బాగా రక్తస్రావం అయింది. వెన్నెముక భాగంలోకి కత్తి దిగినట్లు తెలిసింది. మొత్తం ఆరు కత్తిపోట్లకుగానూ.. రెండు కత్తిపోట్లు లోతుగా దిగాయి. ఈపరిస్థితుల్లో వెంటనే ఇంటి పనిమనిషి చొరవ చూపింది. హుటాహుటిన ఆటోలో సైఫ్ అలీఖాన్‌ను ముంబైలోని లీలావతి ఆస్పత్రికి(Saif Ali Khan – Auto Rickshaw) తీసుకెళ్లి చేర్పించింది. ఈవిషయాన్ని సైఫ్ అలీఖాన్ మేనేజర్ కూడా ధ్రువీకరించారు. సైఫ్ ఇంట్లో పనిచేసే సదరు మహిళకు డ్రైవింగ్ రాదు. ఆ సమయంలో ఇంట్లో డ్రైవరు అందుబాటులో లేడు. కరీనా కపూర్ కూడా ఇంట్లో లేరు.  దీంతో సదరు పని మనిషి సైఫ్ అలీఖాన్‌ను ఆటోలో ఆస్పత్రికి తరలించారు. సైఫ్‌ను ఆస్పత్రికి తీసుకొచ్చే సమయంలో ఆయన కుమారుడు లేడని స్పష్టం చేశారు.