Abhishek – Aishwarya : ఐశ్వర్యతో విడాకుల పుకార్లు.. అభిషేక్ బచ్చన్ పోస్ట్ వైరల్
Abhishek - Aishwarya : అభిషేక్ బచ్చన్, ఐశ్వర్యా బచ్చన్ విడివిడిగా జీవిస్తున్నారంటూ పుకార్లు షికార్లు చేస్తున్నాయి.
- By Pasha Published Date - 04:00 PM, Sat - 27 January 24
Abhishek – Aishwarya : అభిషేక్ బచ్చన్, ఐశ్వర్యా బచ్చన్ విడివిడిగా జీవిస్తున్నారంటూ పుకార్లు షికార్లు చేస్తున్నాయి. ఐశ్వర్యరాయ్ బచ్చన్ కుటుంబ సభ్యులతో విడిపోయిందని అనేక వార్తలు సోషల్ మీడియాలో గుప్పు మంటున్నాయి. స్కూల్ డే ఈవెంట్లో అభిషేక్ బచ్చన్ కూతురు ఆరాధ్యతో ఐశ్వర్య ఒక్కరే పాల్గొన్నారు. అభిషేక్ బచ్చన్ పెళ్లి ఉంగరాన్ని ధరించకుండానే ఇటీవల ఓ ఈవెంట్కు వెళ్లారు. ఎప్పుడూ ధరించే ఉంగరాన్ని వేసుకోకపోవడం.. ఆ దంపతులు విడిపోతున్నారనే ఊహాగానాలకు ఆజ్యం పోసింది. ఈ ఇద్దరు విడాకులు తీసుకోబోతున్నారనే పుకార్ల నడుమ అభిషేక్ తాజాగా ఇన్స్టాగ్రామ్లో ఒక పోస్ట్ చేశారు. ‘‘ఓటమి భయం కలలను నాశనం చేస్తుంది. కానీ ఆ ఓటమి నుంచి నేర్చుకుంటే కలలు నిజమవుతాయి’’ అని అభిషేక్ రాసుకొచ్చారు. అభిషేక్ ఈ పోస్ట్ ద్వారా ఐశ్వర్యతో తనకున్న సంబంధాన్ని చెప్పకనే చెబుతున్నారని పరిశీలకులు అంటున్నారు. ఈ మాట నిజమో కాదో కాలమే సమాధానం చెబుతుంది. ఏది ఏమైనా ఈ జంట విడాకులు ప్రకటించే దశలో ఉందని మీడియాలో కథనాలు చక్కర్లు కొడుతున్నాయి. హై ప్రొఫైల్ బచ్చన్ కుటుంబం ప్రస్తుతానికి ఈవిషయం బయటికి పొక్కకుండా జాగ్రత్త పడిందని అంటున్నారు.
We’re now on WhatsApp. Click to Join.
బాలీవుడ్ స్టార్ కపుల్ ఐశ్వర్యరాయ్ , అభిషేక్ బచ్చన్ల వివాహజీవితంలో విభేదాలు తలెత్తాయని.. వీరిద్దరూ విడాకులు తీసుకోబోతున్నారనే వార్తలు గతేడాది డిసెంబరు నుంచే మొదలయ్యాయి. ఇన్స్టాగ్రామ్లో అమితాబ్ బచ్చన్ ఐశ్వర్యారాయ్ను అన్ఫాలో చేయడం అప్పట్లో ఈ పుకార్లకు మరింత బలం చేకూర్చింది. దీని తర్వాత, అమితాబ్ బచ్చన్ చేసిన ట్వీట్ ఇప్పుడు ఈ విడాకుల వార్తలను ధృవీకరించేలా చేసింది. అభిషేక్ బచ్చన్, ఐశ్వర్యరాయ్ 2007లో ప్రేమించి పెళ్లి చేసుకున్నారు. ఇద్దరికీ ఆద్య అనే కూతురు ఉంది. ఈ జంట తమ 16 ఏళ్ల వైవాహిక జీవితానికి స్వస్తి చెప్పాలని చూస్తున్నట్టు బాలీవుడ్ లో గుసగుసలు వినిపిస్తున్నాయి. ఈ ఇద్దరు విడిపోవడానికి కారణాలు ఏమిటో ఇంకా ఖచ్చితంగా తెలియరాలేదు. ఇదిలా ఉంటే ఇటీవల అమితాబ్ బచ్చన్ ఓ ట్వీట్ చేశారు. అది కాస్త సోషల్ మీడియాలో వైరల్ గా మారింది. “అంతా చెప్పారు, అంతా చేశారు, ఇప్పుడు చెప్పినది చేయాలి, ఏమి జరిగిందో చెప్పాలి” అని అమితాబ్ బచ్చన్ ట్వీట్ చేస్తూ ఓ ఫోటోను పంచుకున్నారు. అయితే బచ్చన్ ట్వీట్ను అభిషేక్, ఐశ్వర్య విడాకులకు నెటిజన్లు లింక్ చేస్తున్నారు.
Related News
Anant Ambani-Radhika: అనంత్- రాధిక ప్రీ వెడ్డింగ్ వేడుకకు వెళ్లే క్రికెటర్లు, బాలీవుడ్ తారల లిస్ట్ ఇదే..!
వ్యాపార దిగ్గజం ముఖేష్ అంబానీ ఇంట్లో పెళ్లి ఏర్పాట్లు జోరుగా సాగుతున్నాయి. అంబానీ కుటుంబంలో పెద్ద కొడుకు అనంత్ అంబానీ (Anant Ambani-Radhika) త్వరలో రాధికా మర్చంట్ను పెళ్లి చేసుకోనున్నారు.