Tillu Square OTT: టిల్లుగాడి ఫ్యాన్స్ కు గుడ్ న్యూస్.. ఓటీటీలోకి వచ్చిన టిల్లు స్క్వేర్.. స్ట్రీమింగ్ ఎక్కడంటే!

Tillu Square OTT: స్టార్ బాయ్ సిద్ధు జొన్నలగడ్డ, అందాల తార అనుపమ పరమేశ్వరన్ కాంబినేషన్ లో వచ్చిన డీజే టిల్లు సీక్వెల్ టిల్లు స్క్వేర్ రూ.125 కోట్లకు పైగా గ్రాస్ కలెక్షన్స్ తో సంచలన విజయాన్ని అందుకుంది. మల్లిక్ రామ్ దర్శకత్వం వహించిన ఈ చిత్రం ఇప్పుడు నెట్ ఫ్లిక్స్ లో తెలుగు, తమిళం, కన్నడ, మలయాళం, హిందీ భాషల్లో స్ట్రీమింగ్ అవుతోంది.

ఈ చిత్రంలో సిద్ధు, అనుపమలతో పాటు నేహా శెట్టి, ప్రియాంక జవాల్కర్ అతిథి పాత్రల్లో నటించగా, మురళీధర్ గౌడ్, మురళీ శర్మ, ప్రిన్స్ సెసిల్ తదితరులు కీలక పాత్రల్లో నటించారు. సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ సంయుక్తంగా నిర్మించిన ఈ చిత్రానికి రామ్ మిరియాల, అచ్చు రాజమణి, భీమ్స్ సిసిరోలియో సంగీతం అందించారు.

‘టిల్లు స్క్వేర్’ సినిమా ఊహించనిదానికంటే ఎక్కువ హిట్ కావడంతో డిజిటల్ స్ట్రీమింగ్ హక్కులను భారీ పోటీ నెలకొంది. అయినా నెట్‌ఫ్లిక్స్ రైట్స్ ను కొనుగోలు చేసింది. ఇక ఈ హక్కుల కోసం మేకర్స్ రూ. 35 కోట్లు చెల్లించినట్లు తెలుస్తోంది. సమ్మర్ బరిలో విడుదలైన ఈ మూవీ మంచి కలెక్షన్లు సాధించి యూత్ మనసులను కొల్లగొట్టింది. ముఖ్యంగా అనుపమ రొమాన్స్ యూత్ ను థియేట్లరకు రప్పించేలా చేసింది. ఇతర సినిమాలకు భిన్నంగా ఈ బ్యూటీ ఓ రేంజ్ లో రొమాన్స్ పడించి అందర్నీ ఆకట్టుకుంది.