Anushka: అనుష్క నెక్స్ట్ మూవీ టైటిల్ ఫిక్స్.. ఓటీటీ కూడా!

టాలీవుడ్ స్టార్ హీరోయిన్ అనుష్క శెట్టి గత ఏడాది మిస్ శెట్టి మిస్టర్ పొలి శెట్టి సినిమాతో ప్రేక్షకులను పలకరించిన విషయం తెలిసిందే. నవీన్‌ పొలిశెట్టితో కలిసి నటించి అలరించింది. ఈ క్రేజీ ఫన్‌, రొమాంటిక్‌ ఎంటర్‌టైనర్‌ ఆడియెన్స్ ని ఆకట్టుకోవడంలో సక్సెస్‌ అయ్యింది. అయితే మొదట్లో ఈ సినిమా విడుదల కాకముందు మొదట నెగిటివ్ గా వార్తలు వినిపించాయి. కానీ ఆ తర్వాత సినిమా విడుదల అయి మంచి ఫన్ క్రియేట్ అవ్వడంతో ప్రేక్షకులను నుంచి మంచి రెస్పాన్స్ వచ్చింది. ఇది ఇలా ఉంటే ఈ సినిమా తర్వాత కాస్త గ్యాప్ తీసుకున్న అనుష్క ప్రస్తుతం తమిళం తెలుగు సినిమాలలో నటిస్తూ బిజీగా ఉంది.

క్రిష్‌ దర్శకత్వంలో ఆమె ఒక సినిమాకి గ్రీన్‌ సిగ్నల్‌ ఇచ్చింది. తాజాగా ఈ మూవీ టైటిల్‌ని ప్రకటించారు. ఈ మూవీకి ఘాతి అనే పేరుని ఖరారు చేశారు. అయితే గతంలో శీలవతి అనే పేరు ఫిక్స్ చేసినట్లు వార్తలు వినిపించాయి. కానీ ఎవరూ ఊహించని టైటిల్‌ని వెల్లడించడం విశేషం. పాన్‌ ఇండియా మూవీగా దీన్ని తెరకెక్కిస్తున్నారు దర్శకుడు క్రిష్‌. తాజాగా ఈ మూవీ ఓటీటీ ఫైనల్‌ అయ్యింది. అమెజాన్‌ ప్రైమ్‌ ఈ మూవీ ఓటీటీ హక్కులను సొంతం చేసుకుంది. సినిమా విడుదల తర్వాత ఇది అమెజాన్‌లో రాబోతున్నట్టు వెల్లడించారు. అమెజాన్‌ సంస్థ నేడు తమ సంస్థలో రాబోతున్న సినిమాలను ప్రకటించింది. అందులో ఘాతి ఉండటం విశేషం.

లేడీ ఓరియెంటెడ్‌ కథతో ఈ చిత్రాన్ని తెరకెక్కిస్తున్నారు. ఒక సమస్యలో ఇరుక్కున్న మహిళా వ్యాపారవేత్త దాన్నుంచి ఎలా బయటపడింది, అందుకు ఎలాంటి స్ట్రగుల్‌ ఫేస్‌ చేసింది అనే కథతో ఈ మూవీని తెరకెక్కిస్తున్నారట. అనుష్క ఇప్పుడు మరో మహిళా ప్రాధాన్యత కలిగిన సరికొత్త స్క్రిప్ట్ తో రాబోతుంది. ఈ మూవీని యూవీ క్రియేషన్స్ నిర్మిస్తుంది. అయితే ఈ సినిమా తప్పకుండా సక్సెస్ అవుతుంది అని మూవీ మేకర్స్ తో పాటు అభిమానులు కూడా నమ్మకంగా ఉన్నారు. ఈ సినిమా సక్సెస్ అవుతే కనుక స్వీటీ కమ్ బ్యాక్ ఇవ్వడం ఖాయం.