Virupaksha: విరూపాక్ష డైరెక్టర్ కి అలాంటి బహుమతి ఇచ్చిన సంయుక్త మీనన్.. అదేంటంటే?

ప్రస్తుతం తెలుగు సినిమా ఇండస్ట్రీలో ఎక్కడ చూసినా కూడా విరూపాక్ష సినిమా పేరు ఎక్కువగా వినిపిస్తోంది. కార్తీక్ దండు దర్శకత్వం వహించిన విరూపాక్ష సినిమాలో సాయిధరమ్ తేజ్, సంయుక్త మీనన్ హీరో హీరోయిన్లుగా నటించిన విషయం తెలిసిందే. ఇటీవల ఏప్రిల్ 21వ తేదీన విడుదలైన ఈ సినిమా సూపర్ హిట్ గా నిలిచింది. ప్రస్తుతం ఈ సినిమా బాక్సాఫీస్ వద్ద కలెక్షన్ల వర్షం కురిపిస్తూ దూసుకుపోతున్న విషయం తెలిసిందే. అలాగే ప్రస్తుతం చిత్ర బృందం ఈ సినిమా సక్సెస్ ను ఎంజాయ్ చేస్తున్నారు.

ఈ సినిమాలో హీరో హీరోయిన్ ల నటనకు గాను మంచి ప్రశంసలు కూడా దక్కాయి. ఇది ఇలా ఉంటే తాజాగా ఈ సినిమా మంచి సక్సెస్ అయిన సందర్భంగా ఆ సంతోషకరమైన సందర్భంలో హీరోయిన్ సంయుక్త మీనన్ దర్శకుడు కార్తీక్ దండుకి ఐఫోన్ ని గిఫ్ట్ గా ఇచ్చింది. ఇదే విషయాన్ని స్వయంగా ఆమె తెలిపింది. విరూపాక్ష సినిమా విడుదలైన మొదటి రోజే చిత్ర బృందంతో కలసి కార్తీక్ హైదరాబాదులోనే ఒక థియేటర్ కు వెళ్లగా, ఆ సమయంలో ప్రేక్షకుల రద్దీ ఎక్కువగా ఉండడంతో థియేటర్లోనే కార్తీక్ ఫోన్ పోయిందట.

ఆ విషయాన్ని తెలుసుకున్న హీరోయిన్ సంయుక్త వెంటనే ఐఫోన్ ప్రో మోడల్ కార్తిక్ కి గిఫ్ట్ గా ఇచ్చింది. సినిమా సక్సెస్ అయిన సందర్భంగా డైరెక్టర్ కి ఏదైనా బహుమతి ఇవ్వాలి అనుకున్నాను. ఆ సమయంలోనే మొబైల్ ఫోన్ పోయిందని తెలుసుకున్నాను. అందుకే ఫోన్ కొనిచ్చాను అని తెలిపింది సంయుక్త. కాగా విరూపాక్ష సినిమా ఇప్పటివరకు దాదాపుగా 50 కోట్లకు పైగా వసూలను రాబట్టింది. ఇప్పటికీ సినిమా సక్సెస్ఫుల్గా థియేటర్లో రన్ అవుతోంది. ఇకపోతే సంయుక్తా మీనన్ విషయానికి వస్తే..బింబిసార, భీమ్లా నాయక్ లాంటి సినిమాలలో నటించి క్రేజ్ ని సంపాదించుకుంది ఈ బ్యూటీ. ఈ రెండు సినిమాలలో నటించి మంచి గుర్తింపు తెచ్చుకుంది సంయుక్తా మీనన్. కాగా ఈ ముద్దుగుమ్మ ప్రస్తుతం టాలీవుడ్ లో వరుసగా అవకాశాలు అందుకొని దూసుకుపోతోంది.