New UPI Lite Feature: యూపీఐ లైట్ వాడేవారికి గుడ్ న్యూస్‌.. అందుబాటులోకి కొత్త ఫీచ‌ర్‌..!

New UPI Lite Feature: నేషనల్ పేమెంట్స్ కార్పొరేషన్ ఆఫ్ ఇండియా అంటే NPCI.. UPI లైట్ కోసం ఒక గొప్ప ఫీచర్‌ (New UPI Lite Feature)ను తీసుకువస్తోంది. ఇది చెల్లింపును మరింత సులభతరం చేస్తుంది. త్వరలో UPI లైట్ కోసం ఆటో టాప్-అప్ అనే కొత్త ఫీచర్ రాబోతోంది, ఇది మీ UPI లైట్ బ్యాలెన్స్ పరిమితి కంటే తక్కువగా ఉన్నప్పుడు ఆటోమేటిక్‌గా టాప్ అప్ అవుతుంది. ఈ ఫీచర్ ఉద్దేశ్యం మీ UPI చెల్లింపులను మరింత సౌకర్యవంతంగా, మెరుగ్గా చేయడమే.

UPI లైట్ అంటే ఏమిటి?

UPI లైట్ అనేది UPI పిన్ అవసరం లేకుండా చిన్న లావాదేవీలు చేయడానికి వినియోగదారుని అనుమతించే ఒక వాలెట్ అని తెలిసిందే. UPI లైట్‌ని ఉపయోగించడానికి మీరు చేయాల్సిందల్లా మీ బ్యాంక్ ఖాతా నుండి మీ వాలెట్‌కు డబ్బును జోడించి ఆపై మీరు ఇప్పటికే జోడించిన మొత్తాన్ని ఉపయోగించి చెల్లింపులు చేయవచ్చు.

Google Pay, PhonePe, Paytm, BHIM వంటి అనేక ప్రసిద్ధ UPI అప్లికేషన్‌లు తమ కస్టమర్‌లకు UPI లైట్ సపోర్ట్‌ను అందిస్తున్నాయి. UPI లైట్ చిన్న చెల్లింపుల కోసం రూపొందించబడింది. అధిక చెల్లింపు పరిమితి రూ. 500. సమాచారం ప్రకారం.. మీరు మీ UPI లైట్ వాలెట్‌లో గరిష్టంగా రూ. 2,000 వరకు ఉంచుకోవచ్చు.

Also Read: Shreyas Iyer: అయ్య‌ర్‌కు షాక్ త‌ప్ప‌దా..? టీమిండియాలో చోటు క‌ష్ట‌మేనా..?

UPI లైట్ ఆటో టాప్-అప్ ఫీచర్ అంటే ఏమిటి?

ప్రస్తుతం UPI లైట్‌ని ఉపయోగిస్తున్న వ్యక్తులు UPI లైట్ వాలెట్ బ్యాలెన్స్ అయిపోతే చెల్లింపు చేయడానికి మీరు ముందుగా మీ బ్యాంక్ ఖాతా నుండి మాన్యువల్‌గా దాన్ని టాప్ అప్ చేయాలి. కానీ కొత్త ఆటో టాప్-అప్ ఫీచర్ బ్యాలెన్స్ పరిమితిని చేరుకున్న వెంటనే UPI లైట్ వాలెట్‌ను ఆటోమేటిక్‌గా టాప్ అప్ చేస్తుంది. తద్వారా మీరు దాన్ని మళ్లీ మళ్లీ మాన్యువల్‌గా టాప్ అప్ చేయాల్సిన అవసరం ఉండదు.

ఇది ఎలా పని చేస్తుంది?

UPI లైట్ ఆటో టాప్-అప్ ఫీచర్ వినియోగదారులకు కనీస బ్యాలెన్స్‌ని సెట్ చేయడానికి అనుమతిస్తుంది. ఉదాహరణకు మీరు ఇక్కడ రూ. 100 సెట్ చేయవచ్చు. UPI లైట్ బ్యాలెన్స్ రూ. 100 లేదా అంతకంటే తక్కువ ఉన్నప్పుడల్లా వినియోగదారుల లింక్ చేయబడిన బ్యాంక్ ఖాతా నుండి UPI లైట్ వాలెట్‌కి డబ్బు బదిలీ చేయబడుతుంది.