Tomatoes: నిలిచిపోయిన ట‌మాటా స‌ర‌ఫ‌రా.. ధ‌ర‌లు భారీగా పెరిగే అవ‌కాశం..!

Tomato Prices

Tomatoes: ప్ర‌స్తుతం కురుస్తున్న వర్షాలతో ఆహార పదార్థాల ధరలు ఆకాశాన్నంటాయి. బంగాళాదుంప, ఉల్లి, టమాటా (Tomatoes) ప్రజల జేబులకు చిల్లులు ప‌డేలా చేస్తున్నాయి. ఢిల్లీ ఎన్‌సీఆర్‌లో పరిస్థితి మరింత దిగజారింది. ఇప్పుడు పెరుగుతున్న ధరల నుండి సామాన్యులకు ఉపశమనం కలిగించడానికి నేషనల్ కోఆపరేటివ్ కన్స్యూమర్స్ ఫెడరేషన్ ఆఫ్ ఇండియా (NCCF) సోమవారం నుండి ఢిల్లీ ఎన్‌సిఆర్‌లో కిలో రూ.60 చొప్పున టొమాటోలను విక్రయించాలని నిర్ణయించింది.

వర్షం కారణంగా టమాటా సరఫరా నిలిచిపోయింది

వినియోగదారుల వ్యవహారాల మంత్రిత్వ శాఖ గణాంకాల ప్రకారం.. జూలై 27న ఢిల్లీలో టమోటా రిటైల్ ధర కిలోకు రూ.77. నాణ్యత, ప్రాంతాన్ని బట్టి కొన్ని ప్రాంతాల్లో కిలో రూ.80కి పైగా ధరలు పెరిగాయి. గత కొద్ది రోజులుగా టమాటా పండించే ప్రాంతాల్లో కురుస్తున్న భారీ వర్షాల కారణంగా సరఫరా నిలిచిపోయింది. సకాలంలో సరఫరా కాకపోవడంతో ఢిల్లీ ఎన్‌సీఆర్‌లో టమాటకు కొరత ఏర్పడింది. ఇది కాకుండా వర్షం కారణంగా టమోటాల వృధా కూడా పెరుగుతుంది.

Also Read: IND vs SL 2nd T20: నేడు భార‌త్‌- శ్రీలంక జ‌ట్ల మ‌ధ్య రెండో టీ20.. పాండ్యాను త‌ప్పిస్తారా..?

ఢిల్లీతో పాటు నోయిడా, గురుగ్రామ్‌లలో కూడా విక్రయాలు

మెగా సేల్ జూలై 29, 2024న ప్రారంభమవుతుందని NCCF తెలిపింది. క్రమంగా ఢిల్లీ ఎన్‌సీఆర్‌లోని అన్ని ప్రాంతాలలో దీన్ని ప్రారంభించనున్నారు. టొమాటో సబ్సిడీ విక్రయం ప్రస్తుతం కృషి భవన్, CGO కాంప్లెక్స్, లోధి కాలనీ, హౌజ్ ఖాస్, పార్లమెంట్ స్ట్రీట్, INA మార్కెట్, నోయిడా, రోహిణి, గురుగ్రామ్‌లోని అనేక ప్రాంతాలలో జరుగుతుంది. ఎన్‌సిసిఎఫ్ ప్రకారం.. ఈ సేల్ సహాయంతో మార్కెట్‌లో పెరుగుతున్న టమోటా ధరలను ఆపాలనుకుంటున్నారు. దీంతోపాటు వినియోగదారులు కూడా ప్రయోజనం పొందనున్నారు.

We’re now on WhatsApp. Click to Join.

గతేడాది కిలో ధర రూ.165కి చేరింది

ఎన్‌సిసిఎఫ్ ప్రకారం.. పెరుగుతున్న టమోటా ధరలపై ప్రభుత్వం ఆందోళన చెందుతోంది. వినియోగదారులకు ప్రయోజనం చేకూర్చాలనుకుంటున్నారు. వివిధ కారణాల వల్ల పెరుగుతున్న ధరల ఒత్తిడి వినియోగదారులపై పడకుండా చూడడమే మా ప్రయత్నమ‌న్నారు. గతేడాది ఇదే సమయానికి టమాట ధరలు కిలో రూ.165కి చేరడం గమనార్హం. ఈ ఏడాది టమాట ధరలు దాదాపు సగానికిపైగా ఉన్నాయి.

Follow us