Junio Payments: బ్యాంకు ఖాతా లేకుండానే యూపీఐ.. పిల్లలు కూడా ఆన్లైన్ చెల్లింపులు చేయొచ్చు!
ఖర్చు పరిమితిని నిర్ణయించడంతో పాటు ప్రతి లావాదేవీని పర్యవేక్షించే సౌకర్యాన్ని కూడా జూనియో పేమెంట్స్ అందిస్తుంది. ఈ యాప్లో అనేక ఆకర్షణీయమైన ఫీచర్లు ఉన్నాయి.
- Author : Gopichand
Date : 08-11-2025 - 5:55 IST
Published By : Hashtagu Telugu Desk
Junio Payments: మారుతున్న సాంకేతికతను దృష్టిలో ఉంచుకుని డిజిటల్ వాలెట్ సేవలను ప్రారంభించడానికి రిజర్వ్ బ్యాంక్ ఆఫ్ ఇండియా (RBI).. జూనియో పేమెంట్స్ (Junio Payments) ప్రైవేట్ లిమిటెడ్కు అనుమతి ఇచ్చింది. నేడు భారతదేశం ప్రపంచంలోనే అత్యధికంగా డిజిటల్ చెల్లింపులను ఉపయోగించే దేశాలలో ఒకటిగా ఉంది. చిన్న దుకాణాల నుండి పెద్ద పెద్ద మాల్స్ వరకు ప్రజలు ఆన్లైన్ చెల్లింపులను ఉపయోగిస్తున్నారు.
ఈ రోజుల్లో దాదాపు ప్రతి దుకాణంలో డిజిటల్ చెల్లింపు సౌకర్యం అందుబాటులో ఉంది. డిజిటల్ చెల్లింపు చేయడానికి మీకు బ్యాంక్ ఖాతా అవసరం. కానీ ఆర్బీఐ ఈ కొత్త ప్రణాళిక కింద బ్యాంకు ఖాతా లేని వినియోగదారులు కూడా ఆన్లైన్ చెల్లింపులు చేయగలరు. ఆర్బీఐ జూనియో ద్వారా త్వరలో యూపీఐకి సంబంధించిన కొత్త డిజిటల్ వాలెట్ను ప్రారంభించబోతోంది. దీనిని బ్యాంకు ఖాతా లేని వినియోగదారులు కూడా ఉపయోగించవచ్చు.
జూనియో పేమెంట్స్ పిల్లలకు తెలివిగా ఖర్చు చేయడం నేర్పుతుంది
అంకిత్ గెరా, శంకర్ నాథ్ పిల్లలు, యువత కోసం జూనియో యాప్ను ప్రారంభించారు. ఈ యాప్ ముఖ్య ఉద్దేశ్యం ఏంటంటే.. పిల్లలకు బాధ్యతాయుతంగా డబ్బు ఖర్చు చేయడం, పొదుపు అలవాటును నేర్పించడం. జూనియో పేమెంట్స్ను ఉపయోగించడానికి పిల్లల తల్లిదండ్రులు అందులోకి డబ్బును బదిలీ చేయవచ్చు.
Also Read: Abhishek Sharma: సూర్యకుమార్ యాదవ్ రికార్డును బ్రేక్ చేసిన యంగ్ ప్లేయర్!
ఖర్చు పరిమితిని నిర్ణయించడంతో పాటు ప్రతి లావాదేవీని పర్యవేక్షించే సౌకర్యాన్ని కూడా జూనియో పేమెంట్స్ అందిస్తుంది. ఈ యాప్లో అనేక ఆకర్షణీయమైన ఫీచర్లు ఉన్నాయి. టాస్క్ రివార్డ్ (Task Reward), పొదుపు లక్ష్యాలు (Saving Goals) వంటి సౌకర్యాలు యాప్లో ఉన్నాయి. దీని ద్వారా పిల్లలకు ఆర్థిక అక్షరాస్యత (Financial Literacy) గురించి తెలుస్తుంది. ఇప్పటి వరకు రెండు మిలియన్లకు పైగా యువత జూనియో పేమెంట్స్ యాప్ను ఉపయోగించారు.
జూనియో పేమెంట్స్ ఎలా పనిచేస్తుంది?
జూనియో అత్యంత ప్రత్యేకత ఏమిటంటే.. ఇప్పుడు పిల్లలు బ్యాంకు ఖాతా లేకుండా కూడా యూపీఐ క్యూఆర్ కోడ్ను స్కాన్ చేసి సులభంగా చెల్లింపులు చేయవచ్చు. ఈ సౌకర్యం ఎన్పీసీఐ (NPCI) యూపీఐ సర్కిల్ ఇనిషియేటివ్కు అనుసంధానించబడి ఉంది. దీని కింద వినియోగదారుల తల్లిదండ్రులు తమ యూపీఐ ఖాతాను పిల్లల వాలెట్కు లింక్ చేయవచ్చు. ఈ యాప్ ద్వారా పిల్లలకు ఆర్థిక అవగాహన (Financial Understanding) పెంచడం సులభమవుతుంది. ఎంత డబ్బు ఖర్చు చేయాలి? ఏ విధంగా డబ్బును పొదుపు చేయవచ్చు అనే విషయాలను వారు తెలుసుకోగలుగుతారు.
Follow us
