Indian Railways: మీ ఫోన్‌లో ఈ రైల్వే యాప్‌ను వెంట‌నే డౌన్‌లోడ్ చేసుకోండి..!

Indian Railways: భారతదేశంలో ప్రతిరోజూ లక్షల మంది రైలులో (Indian Railways) ప్రయాణిస్తున్నారు. రోజూ వేలాది మంది తమ పనులకు రైలులో వెళ్తుంటారు. వారికి ఎలాంటి ఇబ్బందులు కలగకుండా ఉండేందుకు రైల్వే ఎప్పటికప్పుడు అనేక సౌకర్యాలు కల్పిస్తోంది. ప్రస్తుతం అనేక రైల్వే యాప్‌లు ఉన్నాయి. వాటి ద్వారా రైలు టిక్కెట్ల నుండి ఆహారం వరకు ప్రతిదీ ఆర్డర్ చేయవచ్చు. అయితే మీరు కూడా ప్రతిరోజూ రైలులో ప్రయాణిస్తూ టిక్కెట్ల కోసం లైన్లో నిలబడతారా? అయితే ఈ రోజే మీ ఫోన్‌లో రైల్వే UTS యాప్‌ని డౌన్‌లోడ్ చేసుకోండి.

UTS యాప్ ఎలా పని చేస్తుంది?

చాలా సార్లు రైల్వే స్టేషన్‌లో టిక్కెట్ల కోసం పొడవైన క్యూలలో నిలబడాల్సి వస్తుంది. కానీ అన్‌రిజర్వ్‌డ్ టికెట్ సిస్టమ్ (UTS) ద్వారా మీరు లైన్‌లో నిలబడకుండా రోజూ టిక్కెట్‌లను బుక్ చేసుకోవచ్చు. ప్లాట్‌ఫాం టికెట్, జనరల్ టికెట్, సీజన్ టికెట్ బుకింగ్ ఈ యాప్ ద్వారా చేసుకోవచ్చు. దీని ద్వారా మీరు సమీప రైల్వే స్టేషన్‌ను కూడా కనుగొనవచ్చు.

Also Read: Nagarjuna : తెలంగాణలో మీరు ఖచ్చితంగా ఈ ప్రదేశాలు చూడాలసిందే అంటున్న నాగ్

టికెట్ బుక్ చేసుకోవడం ఎలా?

ప్రస్తుతం చాలా మంది దగ్గర స్మార్ట్ ఫోన్ ఉంది. అందులో ఈ యాప్ డౌన్‌లోడ్ చేసుకోవచ్చు. ప్లే స్టోర్ నుండి ఈ యాప్‌ను డౌన్‌లోడ్ చేసుకోండి. దీని తర్వాత అనేక ఎంపికలు దాని పైన కనిపిస్తాయి. మీరు కొనాలనుకుంటున్న టిక్కెట్‌పై క్లిక్ చేయండి. ఉదాహరణకు మీరు సీజన్ టిక్కెట్‌ను కొనుగోలు చేయాలనుకుంటే దానిపై క్లిక్ చేయండి. మీ స్టేషన్‌ని ఎంచుకుని మీకు ఎన్ని టిక్కెట్‌లు కావాలో నంబర్‌ను నమోదు చేయండి. ఆపై చెల్లింపు చేయండి.

అయితే ఇక్క‌డ ఒక విషయం గుర్తుంచుకోండి. టికెట్ బుక్ చేయడానికి మీరు స్టేషన్ లోపల ఉండకూడదు. స్టేషన్ నుండి కొంచెం దూరంగా ఉండండి. పూర్తి ప్రక్రియను పూర్తి చేసిన తర్వాత మీ ధృవీకరించబడిన టిక్కెట్ కనిపిస్తుంది.