Gold : గోల్డ్ ధర లక్షకు చేరుతుంది..? మరి బ్యాంక్లో గోల్డ్ తాకట్టుపెడితే ఎంత ఇస్తున్నారు..?

ప్రస్తుతం బంగారం ధరలు (Gold Price) భారీగా పెరుగుతున్నాయి. అంతర్జాతీయంగా అనిశ్చిత పరిస్థితులు నెలకొనడంతో, పెట్టుబడిదారులు బంగారాన్ని సురక్షిత పెట్టుబడిగా భావిస్తున్నారు. గత ఏడాది రూ. 77,000 వద్ద ఉన్న 10 గ్రాముల గోల్డ్ ధర, ప్రస్తుతం రూ. 90,000 దాటేసింది. 24 క్యారెట్ల మేలిమి బంగారం గ్రాముకు రూ. 9050 వరకు పెరిగింది. ఈ ధరల పెరుగుదల కారణంగా గోల్డ్ లోన్ మార్కెట్‌ (Gold Loan Market
) కూడా బాగా అభివృద్ధి చెందుతోంది. బ్యాంకులు, నాన్-బ్యాంకింగ్ ఫైనాన్స్ కంపెనీలు (NBFC) బంగారం తాకట్టు పెట్టి ఎక్కువ మొత్తంలో రుణాలు మంజూరు చేయడానికి ఆసక్తి చూపుతున్నాయి.

బ్యాంకులు, NBFCలు ఎంత వరకు లోన్ ఇస్తున్నాయి?

ప్రస్తుత బంగారం రేట్లతో పోలిస్తే, బ్యాంకులు బంగారం తాకట్టు పెట్టిన విలువలో 75% వరకు లోన్ మంజూరు చేస్తున్నాయి. 22 క్యారెట్ల బంగారం తాకట్టు పెడితే బ్యాంకులు గ్రాముకు సుమారు రూ. 5600, NBFCలు రూ. 6000 వరకు అప్పుగా ఇస్తున్నాయి. గోల్డ్ లోన్లు ఎక్కువగా 6 నెలల నుండి 1 సంవత్సరం కాలపరిమితితో మంజూరు అవుతున్నాయి. ఈ రుణాలపై వడ్డీ రేట్లు సాధారణంగా 9% నుండి 26% వరకు ఉంటాయి. తక్కువ ఆదాయ వర్గాలు అత్యవసర పరిస్థితుల్లో ఆసుపత్రి ఖర్చులు, ఇల్లు కొనుగోలు, ఇతర వ్యక్తిగత అవసరాల కోసం బంగారం తాకట్టు పెట్టడం ప్రారంభించాయి.

గోల్డ్ లోన్ తీసుకునే ముందు ఎలాంటి జాగ్రత్తలు తీసుకోవాలి?

బంగారం రేటు పెరిగిన నేపథ్యంలో అనవసరంగా లోన్ తీసుకుని ఖర్చు చేయడం ప్రమాదకరం అని ఆర్థిక నిపుణులు సూచిస్తున్నారు. బంగారం ధరలు తగ్గిపోయే పరిస్థితి వస్తే, అప్పుగా తీసుకున్న మొత్తాన్ని త్వరగా తిరిగి చెల్లించలేకపోతే సమస్యలు తలెత్తే అవకాశం ఉంది. అప్పు తీసుకున్న వ్యక్తిపై ఒత్తిడి పెరగడం, అదనంగా మరికొంత బంగారం తాకట్టు పెట్టాల్సిన అవసరం రావచ్చు. అందుకే గోల్డ్ లోన్ తీసుకునే ముందు అవసరాన్ని అంచనా వేసుకుని, తిరిగి చెల్లించే సత్తా ఉందా అని పరిశీలించుకోవాలి.

Congress Promises Scooter Scheme : యువతులకు స్కూటీలెక్కడ? – BRS ఎమ్మెల్సీలు

Follow us