దేశంలో నేడు బంగారం ధరలు ఎలా ఉన్నాయంటే?
రాబోయే వారంలో (ఏప్రిల్ 27 నుండి మే 2 వరకు) బంగారం ధరల ధోరణి మిశ్రమంగా ఉండే అవకాశం ఉందని నిపుణులు అంచనా వేస్తున్నారు.
- Author : Gopi
Date : 26-04-2026 - 11:28 IST
Published By : Hashtagu Telugu Desk
Gold Rates: నేడు (ఏప్రిల్ 26) దేశవ్యాప్తంగా బంగారం, వెండి ధరలు స్థిరంగా కొనసాగుతున్నాయి. 24 క్యారెట్ల బంగారం ధర గ్రాముకు 15,404 రూపాయలుగా ఉండగా, 10 గ్రాముల బంగారం ధర 1,54,040 రూపాయల వద్ద ఉంది. అదేవిధంగా ఆభరణాల తయారీలో ఎక్కువగా ఉపయోగించే 22 క్యారెట్ల బంగారం ధర గ్రాముకు 14,120 రూపాయలుగా ఉండగా, 10 గ్రాముల ధర 1,41,200 రూపాయల వద్ద స్థిరంగా ఉంది. ఇక వెండి ధరల విషయానికి వస్తే.. దేశంలోని ప్రధాన నగరాల్లో కిలో వెండి ధర సుమారు 2,60,000 రూపాయలుగా ఉంది.
తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడలో కూడా ఇవే ధరలు అమల్లో ఉన్నాయి. నేడు హైదరాబాద్లో 24 క్యారెట్ల 10 గ్రాముల బంగారం ధర 1,54,040 రూపాయలుగా ఉండగా, 22 క్యారెట్ల ధర 1,41,200 రూపాయలుగా ఉంది. ఆంధ్రప్రదేశ్లోని విజయవాడ, విశాఖపట్నం వంటి నగరాల్లో కూడా ఇంచుమించు ఇవే ధరలు కొనసాగుతున్నాయి. అయితే కొన్ని ప్రాంతాల్లో వెండి ధర కిలోకు 2,70,000 రూపాయల వరకు పలుకుతోంది. పారిశ్రామిక అవసరాలు, పెట్టుబడిదారుల ఆసక్తి కారణంగా వెండి ధరలు గరిష్ట స్థాయిలోనే ఉన్నాయి. ఐటీ నగరం బెంగళూరులో కూడా సరిగ్గా ఇవే ధరలు ఉండటం గమనార్హం. దేశ రాజధాని ఢిల్లీలో ధరలు అత్యధికంగా ఉన్నాయి. అక్కడ 24 క్యారెట్ల బంగారం ధర 1,54,200 రూపాయలుగా ఉండగా, 22 క్యారెట్ల ధర 1,41,360 రూపాయలుగా నమోదైంది.
మరోవైపు ఆర్థిక రాజధాని ముంబై, కోల్కతా నగరాల్లో ధరలు ఒకేలా ఉన్నాయి. ఈ రెండు నగరాల్లో 24 క్యారెట్ల బంగారం 1,54,050 రూపాయలు, 22 క్యారెట్ల బంగారం 1,41,210 రూపాయలుగా ఉంది. చెన్నైలో 24 క్యారెట్ల ధర 1,53,810 రూపాయలుగా ఉండగా, 22 క్యారెట్ల ధర 1,40,990 రూపాయల వద్ద నిలిచింది. ఇక గాజియాబాద్లో మిగిలిన నగరాల కంటే 24 క్యారెట్ల ధర తక్కువగా 1,52,990 రూపాయలుగా ఉండగా, 22 క్యారెట్ల బంగారం 1,41,200 రూపాయల వద్ద విక్రయించబడుతోంది. ఈ ధరలన్నీ ఆయా నగరాల్లోని మార్కెట్ పరిస్థితులపై ఆధారపడి కొద్దిపాటి తేడాలతో ఉన్నాయి.
Also Read: ఐపీఎల్ 2026.. ఒకే రోజు 986 పరుగులు!!
రాబోయే వారంలో (ఏప్రిల్ 27 నుండి మే 2 వరకు) బంగారం ధరల ధోరణి మిశ్రమంగా ఉండే అవకాశం ఉందని నిపుణులు అంచనా వేస్తున్నారు. అంతర్జాతీయంగా పెరుగుతున్న ముడిచమురు ధరలు ద్రవ్యోల్బణానికి దారితీస్తుండటంతో అమెరికన్ ఫెడరల్ రిజర్వ్ వడ్డీ రేట్లను దీర్ఘకాలం పాటు ఎక్కువగా ఉంచే అవకాశం ఉంది. ఇది సాధారణంగా బంగారానికి ప్రతికూల అంశం. అయితే అమెరికా- ఇరాన్ మధ్య నెలకొన్న ఉద్రిక్తతలు, భౌగోళిక రాజకీయ పరిస్థితులు ధరలు మరీ పడిపోకుండా మద్దతునివ్వవచ్చు. వినియోగదారులు కొనుగోలు చేసే ముందు స్థానిక నగరాల్లోని ప్రత్యక్ష ధరలను సరిచూసుకోవడం మంచిది.
Follow us
