Richest Indian : అంబానీని దాటేసిన అదానీ.. శ్రీమంతుల లిస్టులోకి షారుక్‌
హురూన్‌ ఇండియా జాబితా ప్రకారం ప్రస్తుతం అదానీ వద్ద రూ.11.61 లక్షల కోట్ల నికర సంపద ఉంది.
- By Pasha Published Date - 02:27 PM, Thu - 29 August 24
Richest Indian : హురూన్‌ ఇండియా రిచ్‌ లిస్ట్‌ విడుదలైంది. ఇందులో అపర కుబేరుడు, రిలయన్స్ ఇండస్ట్రీస్ అధినేత ముకేశ్ అంబానీని అదానీ గ్రూప్‌ ఛైర్మన్‌ గౌతమ్ అదానీ దాటేశారు. అంటే ఇప్పుడు మన దేశంలో నంబర్ 1 ధనికుడు గౌతమ్ అదానీ(Richest Indian). హురూన్‌ ఇండియా జాబితా ప్రకారం ప్రస్తుతం అదానీ వద్ద రూ.11.61 లక్షల కోట్ల నికర సంపద ఉంది. గత ఏడాది వ్యవధిలో ఆయన సంపద దాదాపు 95 శాతం పెరిగింది. ఈ లిస్టులో రెండో స్థానంలో నిలిచిన ముకేశ్ అంబానీ వద్ద రూ.10.14 లక్షల కోట్ల సంపద ఉందని నివేదిక పేర్కొంది.
We’re now on WhatsApp. Click to Join
- హురూన్‌ ఇండియా రిచ్‌ లిస్ట్‌ ప్రకారం.. మన దేశంలో మూడో ప్లేసులో ఉన్న అత్యంత సంపన్నుడు శివ్‌నాడార్‌. హెచ్‌సీఎల్‌ టెక్నాలజీస్‌ కంపెనీ ఈయనదే. నాడార్ కుటుంబం వద్ద రూ.3.14 లక్షల కోట్ల సంపద ఉంది.
- వ్యాక్సిన్ల తయారీ కంపెనీ సీరమ్‌ ఇన్‌స్టిట్యూట్‌ అధినేత సైరస్‌ పూనావాలా మన దేశంలోనే నాలుగో అత్యంత సంపన్నుడు.
- సన్‌ఫార్మా కంపెనీ అధినేత దిలీప్‌ సంఘ్వీ సంపన్నుల జాబితాలో ఐదో స్థానంలో ఉన్నారు.
- 6వ స్థానం నుంచి 10వ స్థానం వరకు వరుసగా కుమార మంగళం బిర్లా, గోపీచంద్‌ హిందుజా, రాధాకృష్ణ దమానీ, అజీమ్‌ ప్రేమ్‌జీ, నీరజ్‌ బజాజ్‌ ఉన్నారు.
- గత ఐదేళ్ల వ్యవధిలో భారత్‌లో బిలియనీర్ల సంఖ్య గణనీయంగా పెరిగిందని ఈ నివేదిక వెల్లడించింది.
- గత ఏడాది వ్యవధిలో భారత్‌లో బిలియనీర్ల సంఖ్య 29 శాతం పెరిగిందని తెలిపింది.
- భారత్‌లో మొత్తం 334 మంది బిలియనీర్లు ఉన్నారని చెప్పింది.
- గత ఏడాది వ్యవధిలో చైనాలో బిలియనీర్ల సంఖ్య 25 శాతం తగ్గిపోయిందని వెల్లడించింది.
- హురూన్‌ జాబితాలో తొలిసారిగా సూపర్‌ స్టార్‌ షారుక్‌ ఖాన్‌‌కు చోటు దక్కింది. ఆయన సంపద రూ.7,300 కోట్లు. కోల్‌కతా నైట్‌ రైడర్స్‌, రెడ్‌ చిల్లీస్‌ ఎంటర్‌టైన్‌మెంట్‌ కంపెనీల విలువ పెరగడంతో ఆయన సంపద ఇనుమడించింది.
- మన దేశంలోని అత్యంత సంపన్న సినీ ప్రముఖుల లిస్టులో షారుఖ్ తర్వాతి స్థానాల్లో జుహీ చావ్లా, హృతిక్‌ రోషన్‌, అమితాబ్‌, కరణ్‌ జోహార్‌ ఉన్నారు.
- అత్యంత సంపన్నుల లిస్టులో జెప్టో వ్యవస్థాపకుడు 21 ఏళ్ల కైవల్య వోహ్రా కూడా చేరారు. అతి పిన్న వయసులో ఈ ఘనత సాధించిన తొలి వ్యక్తి ఆయనే. ఈ కంపెనీ మరో సహ వ్యవస్థాపకుడు 22 ఏళ్ల అదిత్‌ పలిచా పేరు కూడా ఈ లిస్టులో ఉంది.
Also Read :Japan Marriages : పెళ్లి కాని యువతులకు గుడ్ న్యూస్.. జపాన్ సరికొత్త స్కీమ్
Follow us
