Share Market : 100 కొంటే 400 షేర్లు ఫ్రీ ..లక్షకు రూ.3 లక్షలు గోల్డెన్ ఛాన్స్!

ఫైనాన్స్ సెక్టార్‌లోని మిడ్ క్యాప్ కేటగిరి కంపెనీ ఆటమ్ ఇన్వెస్ట్మెంట్ అండ్ ఇన్ఫ్రాస్ట్రక్చర్ లిమిటెడ్ బంపర్ ఆఫర్ తెచ్చింది. ఈ కంపెనీ బోర్డు డైరెక్టర్స్ నవంబర్ 28న సమావేశమై బోనస్ షేర్లు జారీ చేసేందుకు ఆమోదం తెలిపారు. రికార్డ్ తేదీలోపు 100 షేర్లు కొంటే మరో 400 షేర్లు ఉచితంగా వస్తాయి. అంటే మొత్తం 500 షేర్లు డీమ్యాట్ అకౌంట్లో ఉంటాయి. దీంతో మంచి లాభాలు అందుకోవచ్చు. మరి ఆ వివరాలు తెలుసుకుందాం.

మిడ్ క్యాప్ కేటగిరిలోని ఫైనాన్స్ సెక్టార్ కంపెనీ ఆటమ్ ఇన్వెస్ట్మెంట్ అండ్ ఇన్ఫ్రాస్ట్రక్చర్ లిమిటెడ్  తమ షేర్ హోలర్లకు బంపర్ ఆఫర్ ప్రకటించింది. కంపెనీ బోర్డు డైరెక్టర్స్ ఇటీవలే సమావేశమై తమ షేర్ హోల్డర్లకు బోనస్ షేర్ల ఇచ్చేందుకు ఆమోదం తెలుపారు. ఈ కంపెనీకి చెందిన 100 షేర్లు కొనుగోలు చేసినట్లయితే 400 షేర్లు ఉచితంగా లభిస్తాయి. అంటే రికార్డ్ తేదీ తర్వాత ఖాతాలోకి 500 షేర్లు వస్తాయి. మరోవైపు ఈ కంపెనీ షేర్ గత 5 ఏళ్లలో 209 శాతం లాభాన్ని ఇచ్చింది. లక్ష రూపాయల పెట్టుబడిని రూ.3 లక్షలకు పైగా చేసింది.

కంపెనీ ఎక్స్చేంజ్ ఫైలింగ్ ప్రకారం నవంబర్ 28వ తేదీన జరిగిన ఆటమ్ ఇన్వెస్ట్మెంట్ ఇన్ఫ్రాస్ట్రక్చర్ కంపెనీ బోర్డు ఆఫ్ డైరెక్టర్ల భేటీలో 4:1 రేషియోలో బోనస్ షేర్లు జారీ చేయడానికి ఆమోదం లభించింది. దీని అర్థం రికార్డు తేదీ నాటికి రూ. 1 ఫేస్ వ్యాల్యూ ఉన్న 1 ఈక్విటీ షేరుని తమ డీమ్యాట్ అకౌంట్లో కలిగి ఉన్న వారికి అదనంగా రూ. 1 ఫేస్ వ్యాల్యూ ఉండే 4 ఈక్విటీ షేర్లను బోనస్ రూపంలో ఉచితంగా జారీ చేస్తారు. ఈ బోనస్ షేర్లుకు అర్హులైన వారిని గుర్తించే రికార్డు డేట్ త్వరలోనే ప్రకటించనున్నట్లు కంపెనీ తెలిపింది.

ఈరోజు స్టాక్ మార్కెట్ ట్రేడింగ్ సెషన్‌లో ఆటమ్ ఇన్వెస్ట్మెంట్ ఇన్ఫ్రాస్ట్రక్చర్ షేరు లాభాల్లో ప్రారంభమైంది. ఈ వార్త రాసే సమయానికి 0.51 శాతం లాభంతో రూ.2654.50 వద్ద ట్రేడవుతోంది. ఈ షేరు 52 వారాల గరిష్ఠ ధర రూ. 3318.70, కనిష్ఠ ధర రూ. 1325.50 వద్ద ఉన్నాయి. గత వారం రోజుల్లో ఈ షేరు 1 శాతం నష్టపోయింది. గత నెల రోజుల్లో సుమారు 7 శాతం పడిపోయింది. గత ఆరు నెలల్లో సుమారు 11 శాతం లాభాన్ని ఇచ్చింది. గత ఏడాది కాలంలో 65 శాతం పెరిగింది. గత ఐదేళ్లలో 209 శాతం లాభాన్ని ఇచ్చింది. ప్రస్తుతం ఈ కంపెనీ మార్కెట్ విలువ రూ. 45,080 కోట్ల వద్ద ఉంది.

ఈ కథనం స్టాక్ మార్కెట్ ఇన్వెస్టర్లకు సమాచారం ఇవ్వడానికి మాత్రమే. కానీ, పెట్టుబడులను ప్రోత్సహించడం లేదు. స్టాక్ మార్కెట్లో తీవ్ర ఒడుదొడుకులు ఉంటాయి. ఎంచుకునే స్టాక్ గురించి తెలియకుండా పెట్టుబడి పెడితే పూర్తిగా నష్టపోయే ప్రమాదం ఉంటుంది. కొనే ముందే అన్ని తెలుసుకోవాలి. నిపుణుల సలహా తీసుకుంటే మంచిది.