Budget: రైతులకు కేంద్రం గుడ్ న్యూస్ చెప్పనుందా..? బడ్జెట్పై అన్నదాతల చూపు..!
ఆర్థిక మంత్రి నిర్మలా సీతారామన్ 2024-25 అంచనాల బడ్జెట్ (Budget)ను జూలై 23న సమర్పించనున్నారు.
- By Gopichand Published Date - 09:40 AM, Tue - 16 July 24
![Budget: రైతులకు కేంద్రం గుడ్ న్యూస్ చెప్పనుందా..? బడ్జెట్పై అన్నదాతల చూపు..!](https://d1x8bgrwj9curj.cloudfront.net/wp-content/uploads/2024/02/agriculture.jpg)
Budget: ఆర్థిక మంత్రి నిర్మలా సీతారామన్ 2024-25 అంచనాల బడ్జెట్ (Budget)ను జూలై 23న సమర్పించనున్నారు. భారతదేశంలోని రైతులు కూడా బడ్జెట్ వైపు ఆశగా చూస్తున్నారు. వ్యవసాయ రంగానికి ప్రభుత్వం అనేక పథకాలు ప్రవేశపెడుతోంది. అయితే.. ఇప్పుడు పెద్ద మెరుగుదలలు అవసరమని భావిస్తున్నారు. 2024 ఆర్థిక సంవత్సరంలో భారతదేశ వ్యవసాయ రంగం వృద్ధి 7 సంవత్సరాల కనిష్ట స్థాయి 1.8 శాతానికి పడిపోయింది. ఇది భారత ఆర్థిక వ్యవస్థ వృద్ధి రేటు 8.2 శాతం కంటే చాలా వెనుకబడి ఉంది. ఇతర రంగాలు శరవేగంగా పురోగమిస్తున్నప్పటికీ వ్యవసాయం మాత్రం తిరోగమనం వైపు వెళ్తున్నట్లు కనిపిస్తోంది.
వ్యవసాయాన్ని డిమాండ్తో అనుసంధానం చేయాల్సిన అవసరం ఉంది
ఈ రోజుల్లో రైతులు కొన్ని పంటలపైనే ఆధారపడుతున్నారు. దీంతో ఇతర ఆహార పదార్థాల కొరత ఏర్పడుతోంది. భారత్.. పప్పు దినుసులను దిగుమతి చేసుకోవాల్సి వస్తుంది. ప్రభుత్వం వ్యవసాయాన్ని డిమాండ్తో అనుసంధానం చేస్తే రైతుల ఆదాయం రెట్టింపు అవుతుంది. ఈ కారణంగానే ప్రభుత్వం మొత్తం పంటని ఎంఎస్పికి కొనుగోలు చేస్తుందని వ్యవసాయ మంత్రి ప్రకటించారు. ప్రధాన మంత్రి మత్స్య సంపద యోజన వంటి పథకాలు ఇందులో ప్రయోజనకరంగా ఉంటాయి. దీంతో పాటు పాడిపరిశ్రమ వంటి కార్యకలాపాలను కూడా పెంచాల్సిన అవసరం ఉంది. ఇందుకోసం బడ్జెట్ నుంచి ప్రత్యేక మద్దతు లభిస్తుందని భావిస్తున్నారు.
Also Read: MS Dhoni Invests: మరో వ్యాపార రంగంలోకి టీమిండియా మాజీ కెప్టెన్ ఎంఎస్ ధోనీ..!
రైతులకు చిన్న పింఛన్ పథకంపై ఆశలు చిగురిస్తున్నాయి
ప్రభుత్వం పింఛన్ ఏర్పాట్లు చేస్తుందని రైతులు ఆశిస్తున్నారు. ప్రస్తుతం రెండు ఎకరాల లోపు భూమి ఉన్న రైతుల కోసం ప్రధాన మంత్రి కిసాన్ మన్ ధన్ యోజనను అమలు చేస్తున్నారు. ఇందులో నెలకు రూ.3వేలు పింఛను ఇస్తారు. బడ్జెట్లో ఇటువంటి రైతులకు అటల్ పెన్షన్ స్కీమ్తో లింక్ చేయడం ద్వారా ప్రయోజనం పొందవచ్చు. దీంతో కోట్లాది మంది రైతులు లబ్ధి పొందనున్నారు. అలాగే గరిష్ట పెన్షన్ రూ. 10,000 వరకు చేరుకోవచ్చు.
We’re now on WhatsApp. Click to Join.
MSP నిబంధనలలో మార్పుల కోసం నిరంతరం డిమాండ్ ఉంది
ఈ బడ్జెట్తో కనీస వేతనంలాగా ఎంఎస్పి (కనీస మద్దతు ధర) ఉండేలా చూస్తామన్నారు. దీంతో రైతులకు వారి ఖర్చులు, వారికి లభించే ధరపై స్పష్టమైన సమాచారం ఉంటుంది. ఇది రైతులకు కనీస ఆదాయానికి హామీ ఇస్తుంది. మార్కెట్ హెచ్చుతగ్గుల ప్రమాదాన్ని కూడా తగ్గిస్తుంది. దీనితో పాటు ప్రధాన మంత్రి ఫసల్ బీమా యోజన పరిధిని కూడా పెంచవచ్చు.
నానో ఎరువులను ప్రోత్సహించి ఎగుమతులు పెంచాలి
ఎరువుల సబ్సిడీ జీడీపీలో 0.50 శాతం. దీంతో పాటు నానో ఎరువుల వినియోగాన్ని పెంచాల్సిన అవసరం ఉంది. దీనికి అదనపు బడ్జెట్ కేటాయింపు అవసరం. ఇది కాకుండా కిసాన్ క్రెడిట్ కార్డ్ను బలోపేతం చేయాల్సిన అవసరం ఉంది. ప్రస్తుతం వ్యవసాయ ఎగుమతులు దాదాపు 55 బిలియన్ డాలర్లు. బడ్జెట్లో ఎగుమతులను పెంచేందుకు ప్రభుత్వం కృషి చేయాలి.
![https://d1x8bgrwj9curj.cloudfront.net/wp-content/uploads/2023/09/Drreddy.jpg](https://d1x8bgrwj9curj.cloudfront.net/wp-content/uploads/2023/09/Drreddy.jpg)
Related News
![Amit Shah Ultimatum: పాకిస్థాన్కు హోంమంత్రి అమిత్ షా అల్టిమేటం](https://d1x8bgrwj9curj.cloudfront.net/wp-content/uploads/2024/09/AS-1.jpg)
Amit Shah Ultimatum: పాకిస్థాన్కు హోంమంత్రి అమిత్ షా అల్టిమేటం
Amit Shah Ultimatum: జమ్మూకశ్మీర్లోని తొలి ఎన్నికల ర్యాలీలో అమిత్ షా ఎన్నికల ప్రచారంలో పాల్గొన్నారు. ఈ సందర్భంగా ఆయన మాట్లాడుతూ భారత రాజ్యాంగం ప్రకారం తొలిసారిగా ఇక్కడ ఎన్నికలు జరుగుతున్నాయన్నారు. ఇదికాక పాకిస్థాన్తో భారత్ వైఖరిని ఆయన స్పష్టం చేశారు. లోయలో శాంతి నెలకొనే వరకు పాకిస్థాన్తో ఎలాంటి చర్చలు ఉండబోవని చెప్పారు.