CNG: మీరు కూడా సీఎన్‌జీ వాహనాలను నడుపుతున్నారా.. అయితే ఈ విషయాలు తప్పకుండా తెలుసుకోవాల్సిందే!
సీఎన్‌జీ వాహనాలను నడిపేవారు తప్పకుండా కొన్ని రకాల విషయాలను గుర్తుంచుకోవాలని చెబుతున్నారు.
- By Anshu Published Date - 11:00 AM, Sat - 21 December 24
ఇటీవల కాలంలో పెట్రోల్,డీజిల్ వాహనాలతో పాటు సీఎన్‌జీ వాహనాల వినియోగం కూడా పెరిగిపోయిన విషయం తెలిసిందే. అయితే మామూలు వాహనాలు మాదిరిగానే సీఎన్‌జీ వాహనాలను నడిపేటప్పుడు కొన్ని రకాల జాగ్రత్తలు తీసుకోవాలని చెబుతున్నారు నిపుణులు. లేదంటే అది చాలా రకాల సమస్యలకు దారి తీయవచ్చట. మరి సీఎన్‌జీ వాహనాలు నడిపే వారు ఎలాంటి జాగ్రత్తలు తీసుకోవాలి అన్న విషయానికి వస్తే.. సీఎన్‌జీ వాహనాలు లేదా ట్రక్కులు నడుపుతున్నప్పుడు ప్రత్యేక శ్రద్ధ అవసరం. మీరు చేసే చిన్న పొరపాటు పెద్ద ప్రమాదానికి దారి తీయవచ్చు. కొన్ని కొన్నిసార్లు ఇది మరణానికి కూడా దారి తీస్తుంది. తాజాగా జైపూర్ అజ్మీర్ హైవేపై కూడా ఇలాంటి ఘటనే ఒకటి చోటు చేసుకుంది.
డ్రైవర్ రాంగ్ రూట్‌ లో యూ టర్న్ తీసుకుని మరో ట్రక్కును ఢీకొట్టడంతో భారీ పేలుడు సంభవించింది. కానీ అనేక ఇతర కారణాలు ఉన్నాయి. జాగ్రత్త తీసుకోకపోతే, డ్రైవర్ తో పాటు ప్రయాణీకుడికి కూడా సమస్యలు వస్తాయి. సీఎన్‌జీ వాహనాల్లో భద్రతా ఫీచర్లు ఉండటం ముఖ్యం. అటువంటి కార్లలో లీక్ డిటెక్షన్ సిస్టమ్, ప్రెజర్ చెకింగ్ సిస్టమ్ కలిగి ఉండటం అవసరం. దీనితో పాటు ప్రమాదాలు, గ్యాస్ లీకేజీ ప్రమాదాన్ని తగ్గించడానికి వాహనంలో షట్ ఆఫ్ వాల్వ్ కలిగి ఉండటం కూడా తప్పనిసరి. వాహనంలోని ఈ సేఫ్టీ ఫీచర్లన్నీ సరిగ్గా పనిచేస్తున్నాయని నిర్ధారించుకోవాల్సిన అవసరం కూడా ఉంది. ఇందుకోసం వాహనంలోని సీఎన్‌జీ కిట్, వాల్వ్ లు, సీల్స్ అన్నీ పూర్తిగా బాగానే ఉండాలి. ఈ పరికరాల్లో ఏదైనా చెడిపోయినట్లయితే, వెంటనే మరమ్మతులు చేయాలి.
సీఎన్‌జీ వాహనాల్లో ప్రయాణించే డ్రైవర్లు, ప్రయాణికులు కూడా భద్రతా మార్గదర్శకాల గురించి తెలుసుకోవాలి. తగిన జాగ్రత్తలు కూడా పాటించాలి. మీరు మీ సీఎన్‌జీ కారును పార్క్ చేసే గ్యారేజీలో వెంటిలేషన్ ఉండటం ముఖ్యం. మెరుగైన పార్కింగ్ స్థలం కారణంగా, సీఎన్‌జీ నుండి వెలువడే పొగ గ్యారేజీలో చిక్కుకోదు. అలాగే అది బయటకు రావడానికి సరైన స్థలం కూడా లభిస్తుంది. వాహనంలో సీఎన్‌జీ నింపేటప్పుడు ఇంధనాన్ని సీఎన్‌జీ ఫిల్లింగ్ స్టేషన్ నుండి మాత్రమే నింపాలని గుర్తుంచుకోవాలి. చాలామంది అలా కాకుండా ఎక్కడపడితే అక్కడ ఈ సీఎన్‌జీని వాహనాలలో నింపుకుంటూ ఉంటారు. అలాగే ఏదైనా అత్యవసర సమయాల్లో ఫోన్‌ నంబర్‌ ను ఉంచుకోడం చాలా ముఖ్యం. ఏదైనా ప్రమాదం లేదా సీఎన్‌జీ కి సంబంధించిన ఏదైనా సమస్య సంభవించినప్పుడు మీరు అత్యవసర నంబర్‌ ను సంప్రదించి సహాయం కోసం అడగవచ్చు.
