BMW XM: అద్భుతమైన మైలేజీతో ఆకట్టుకుంటున్న బీఎండబ్ల్యూ కొత్త కారు.. పూర్తి వివరాలివే!

బీఎండబ్ల్యూ.. మార్కెట్లో ఈ కార్లకు ఉన్న క్రేజీ డిమాండ్ గురించి మనందరికీ తెలిసిందే. దేశవ్యాప్తంగానే కాకుండా ప్రపంచ వ్యాప్తంగా ఉన్న అత్యంత ఖరీదైన బ్రాండ్లలో బీఎండబ్ల్యూ బ్రాండ్ కూడా ఒకటి. వీటిని చాలా తక్కువ మంది మాత్రమే ఉపయోగిస్తూ ఉంటారు. ఈ కార్లు కేవలం ధర విషయంలో మాత్రమే కాకుండా ఫీచర్ల విషయంలో కూడా అదరహో అనిపిస్తూ ఉంటాయి. ఇక ఇప్పటికే ఎన్నో రకాల అద్భుతమైన ఫీచర్స్ కలిగిన కార్లను మార్కెట్లోకి విడుదల చేసిన బీఎండబ్ల్యూ సంస్థ ఇప్పుడు మరో కొత్త కారును ఆవిష్కరించింది. మరి అందుకు సంబంధించిన వివరాల్లోకి వెళితే..

మామూలుగా కార్లు చాలా తక్కువ మైలేజ్ నీ స్థాయి అన్న విషయం మనందరికీ తెలిసిందే. కానీ 4.4 లీటర్ పెట్రోల్ ఇంజన్ కలిగిన కారు 60 కిలోమీటర్ల కంటే ఎక్కువ మైలేజ్ ఇస్తుందని ఎవరూ ఊహించరు. కానీ ఇది నిజమే. బీఎండబ్ల్యూ ఇటీవల విడుదల చేసిన ఎక్స్ఎం వేరియంట్‌లో ప్లగ్ ఇన్ హైబ్రిడ్ టెక్నాలజీ వల్ల ఈ స్థాయి మైలేజ్ అందిస్తుంది. బీఎండబ్ల్యూ ఎక్స్ఎం కారు లంబోర్ఘిని ఉరస్, ఆడి ఆర్ఎస్ క్యూ8, ఆస్టన్ మార్టిన్ డీబీఎక్స్‌ లతో పోటీ పడుతోంది. బీఎండబ్ల్యూ ఎక్స్ఎం కారు ధర రూ. 2.60 కోట్లు ఈ కారు ప్లగ్ ఇన్ హైబ్రిడ్ టెక్నాలజీతో కూడిన 4.4 లీటర్ ట్విన్ టర్బో వీ8 పెట్రోల్ ఇంజిన్‌ తో వస్తుంది. ఈ సెటప్ 653 పీఎస్, 800 ఎన్ఎం ను ఉత్పత్తి చేస్తుంది.

ఈ కారు 8 స్పీడ్ ఆటోమేటిక్ ట్రాన్స్‌మిషన్‌ తో వస్తుంది. ఈ కారు కేవలం 4.3 సెకన్లలో 0 నుంచి 100 కి. మీ గం వేగాన్ని అందుకుంటుంది. ఈ కారు సంయుక్త సీఓ2 ఉద్గారాలు కిలో మీటర్‌కు 36.5 గ్రాములుగా ఉన్నాయి. బీఎండబ్ల్యూ ఎక్స్ఎం కారు 69 లీటర్ ఇంధన ట్యాంక్‌ తో వస్తుంది. ఇది ఫుల్ ట్యాంక్‌తో పాటు 100 శాతం బ్యాటరీ ఛార్జ్‌ పై సుమారు 4271 కిలో మీటర్ల డ్రైవింగ్ రేంజ్‌ ను అందిస్తుందని బీఎండబ్ల్యూ ప్రతి నిధులు చెబుతున్నారు.

బీఎండబ్ల్యూ ఎక్స్ఎం కారులో 14.9 అంగుళాల కర్వ్డ్ టచ్‌స్క్రీన్ ఇన్ఫోటైన్‌మెంట్ సిస్టమ్, 12.3 అంగుళాల డిజిటల్ డ్రైవర్ డిస్‌ప్లే, ఫోర్ జోన్ క్లైమేట్ కంట్రోల్, హెడ్ అప్ డిస్‌ప్లే, యాంబియంట్ లైటింగ్, బోవర్స్ & విల్కిన్స్ 1500 వాట్ డైమండ్ సౌండ్ సిస్టమ్, ఆరు ఎయిర్‌బ్యాగ్‌లు ఉన్నాయి. ఈబీడీతో వచ్చే ఏబీఎస్, టైర్ ప్రెజర్ మానిటరింగ్ సిస్టమ్, 360 డిగ్రీ కెమెరా, డైనమిక్ స్టెబిలిటీ కంట్రోల్ వంటి ఫీచర్లు ఆకట్టుకుంటాయి. ఈ కారు మైలేజ్‌తో అధునాతన భద్రతా ఫీచర్లు కొనుగోలుదారులను అమితంగా ఆకట్టుకుంటాయని నిపుణులు చెబుతున్నారు.