Mahindra Thar: మార్కెట్లోకి నయా మహీంద్రా కార్.. ధర తెలిస్తే దిమ్మ తిరగాల్సిందే?
మార్కెట్లోకి మరో మహీంద్రా కార్ విడుదల అయింది.
- By Anshu Published Date - 06:00 PM, Sun - 25 August 24
ఈ మధ్య కాలంలో మార్కెట్‌ లో ఎక్కువగా అమ్ముడవుతున్న ఎస్‌యూవీ లలో మహీంద్రా థార్ కూడా ఒకటి. అయితే ఈ సంస్థ నుంచి ఇప్పటికే మార్కెట్లోకి మహేంద్ర థార్ రాక్స్ అనే న్యూ వర్షన్ కూడా విడుదల చేసిన విషయం తెలిసిందే. దీని ధర రూ. 12.99 లక్షలుగా ఉంది. ఈ ఎస్‌యూవీ 5 డోర్ మోడల్ తో వస్తోంది. ఇది మహీంద్రా థార్ 3 డోర్ మోడల్‌కి ఎక్స్‌టెండెడ్ వెర్షన్. 3 డోర్ థార్ వెర్షన్ తో ఈ థార్ రాక్స్ అమ్మకాలు జరుగుతాయని సంస్థ తెలిపింది. మరి ఈ రెండు ఎస్‌యూవీల మధ్య ఉన్న వ్యత్యాసాలు ఏంటి అన్న విషయానికి వస్తే.. 3 డోర్ థార్ వెర్షన్ కంటే థార్ రోక్స్ సరికొత్త డిజైన్‌ తో తయారైంది. సీ షేప్డ్‌ ఎల్‌ఈడీ డీఆర్ఎల్‌లు, ఎల్‌ఈడీ హెడ్‌ల్యాంప్‌ లు, టెయిల్‌ ల్యాంప్‌ లతో పాటు సరికొత్తగా ఫ్రంట్ గ్రిల్ లాంటివి థార్ రోక్స్ కు మరింత స్టైలిష్‌నెస్‌ ను ఇచ్చాయి.
ఇక కొత్త డైమండ్ కట్ అల్లాయ్ వీల్స్‌తో సైడ్ ప్రొఫైల్ సూపర్ హిట్ అని చెప్పవచ్చు. పొడవైన, వెడల్పైన రన్నింగ్ బోర్డ్లు, స్క్వేర్డ్ రియర్ వీల్ ఆర్చ్‌ లతో పాటుగా వెనుక వైపున అమర్చిన క్వార్టర్ గ్లాస్‌ థార్ రోక్స్, 3 డోర్ థార్ కి మధ్య ఉన్న వ్యత్సాసాన్ని స్పష్టం చేస్తుంది. ఇక థార్ రోక్స్ ఏడు కలర్ ఆప్షన్లతో మార్కెట్లోకి వచ్చింది. అటు 3 డోర్ థార్ కేవలం ఐదు కలర్ ఆప్షన్లతోనే అందుబాటులో ఉంది. అలాగే 3 డోర్ థార్ మోడల్ తో పోలిస్తే థార్ రోక్స్ వెర్షన్ ఎందులోనూ తక్కువ కాదని చెప్పాలి. 443 మి.మీ పొడవైన పరిమాణం, అత్యంత వెడల్పు, పొడవైన వీల్‌బేస్‌తో, కంఫోర్టబుల్ ప్రయాణానికి సరిగ్గా సరిపడే రీతిలో మహీంద్రా సంస్థ ఈ థార్ రాక్స్ ని తయారు చేసింది. పానోరమిక్ సన్‌రూఫ్, పవర్డ్ అండ్ వెంటిలేటెడ్ సీటింగ్, ప్రీమియం హర్మాన్ కార్డాన్ సౌండ్ సిస్టమ్ లాంటి ప్రత్యేకమైన ఫీచర్లు థార్ రోక్స్ లో ఉన్నాయి.
26.03 సెంటీ. మీటర్ల డ్యుయల్ స్క్రీన్‌ లతో అప్‌గ్రేడెడ్ డిజిటల్ కాక్‌పిట్ విత్ వైర్‌లెస్ ఆండ్రాయిడ్ ఆటో, ఆపిల్ కార్‌ప్లే సౌకర్యంతో వస్తోంది. ఇక భద్రతా ప్రమాణాల విషయానికొస్తే.. డ్రైవర్ సీట్, ప్యాసింజర్ సీట్, సైడ్ సీట్‌తో పాటు కర్టెన్ ఎయిర్‌ బ్యాగ్‌లు అన్ని చోట్లా అమర్చబడి ఉన్నాయి. ఇవి అత్యంత క్లిష్ట పరిస్థితులలో కూడా మనల్ని రక్షించగలవు. అలాగే అటు డీజిల్, ఇటు పెట్రోల్ వేరియంట్ లలో మహీంద్రా థార్ రాక్స్ మార్కెట్‌ లోకి అందుబాటులో ఉంది. మాన్యువల్ ట్రాన్స్‌మిషన్‌ తో కూడిన పెట్రోల్ వేరియంట్ 152హెచ్‌పీ, 330 ఎన్‌ఎం టార్క్‌ ను విడుదల చేస్తుంది. ఆటోమేటిక్ వేరియంట్ విషయానికొస్తే.. 177హెచ్‌పీ, 380ఎన్‌ఎం టార్క్‌ తో పని చేస్తుంది. మరోవైపు, మహీంద్రా థార్ రోక్స్ లోని బేస్ 2.2 లీటర్ డీజిల్ ఇంజిన్ వెర్షన్ 162 హెచ్‌పీ, 330 ఎన్‌ఎం టార్క్‌ ను ఉత్పత్తి చేస్తాయి.
అలాగే 4X4 పవర్‌ ట్రెయిన్‌ ఆప్షన్లతో కూడిన హై లెవెల్ స్పెసిఫికేషన్ మోడల్‌లు 175హెచ్‌పీ, 370ఎన్‌ఎం టార్క్‌ను విడుదల చేస్తుంది. 3 డోర్ థార్ విషయానికొస్తే.. 1.5 లీటర్ యూనిట్ 116హెచ్‌పీ, 300 ఎన్‌ఎం ఉత్పత్తి చేస్తుంది. ఈ మోడల్‌లో మాన్యువల్ గేర్‌బాక్స్, ఆర్‌డబ్ల్యూడీ లేఅవుట్‌ కూడా ఉన్నాయి. 2.0-లీటర్ టర్బోచార్జ్డ్ పెట్రోల్ వేరియంట్‌తో వచ్చే 3-డోర్ థార్ 151హెచ్‌పీ, 320ఎన్‌ఎం టార్క్‌ను ఉత్పత్తి చేస్తుంది. కాగా 3-డోర్ థార్ మోడల్ వేరియంట్లు రూ. 11.35 లక్షల నుంచి రూ. 17.60 లక్షల వరకు ఉండగా, థార్ రోక్స్ ప్రారంభ ధర రూ. 12.99 లక్షలుగా ఉంది.
