Kia Seltos new variants: కియా సెల్టోస్​,సోనెట్​ లలో కొత్త వేరియంట్లు.. ఫీచర్స్ మామూలుగా?

కియా ఇండియా తన బెస్ట్​ సెల్లింగ్​ సెల్టోస్, సోనెట్ ఎస్​యూవీ ల వేరియంట్​ లైనప్​ లలో బాగానే మార్పులు చేస్తోంది. ఈ అప్డేట్ వినియోగదారులకు మరిన్ని ఆప్షన్స్​, ఫీచర్ అప్​గ్రేడ్స్​, బడ్జెట్ ఫ్రెండ్లీ టర్బో ఆప్షన్​ ని అందించడం లక్ష్యంగా పెట్టుకుంది. అయితే రెండు మోడళ్లకు నాలుగు కొత్త జీటీఎక్స్ వేరియంట్ లను ప్రవేశపెట్టింది. ఈ వేరియంట్లు కొనుగోలుదారులకు పెట్రోల్ డీసీటీ, డీజిల్ ఏటీ వంటి ఆప్షన్స్​ తో అదనపు పవర్ స్ట్రెయిన్ కలయికలను అందిస్తాయి. కాగా కియా సెల్టోస్ ఇప్పుడు 21 వేరియంట్లను కలిగి ఉంది. కియా సోనెట్ కూడా 22 వేరియంట్ లను కలిగి ఉంది.

కియా సోనెట్ యూజర్స్ కోసం కంపెనీ స్మార్ట్ స్ట్రీమ్ జీ 1.0 హెచ్​టీకే ఐఎంటీ వేరియంట్​ ను ప్రవేశపెట్టింది. ఈ ట్రిమ్ టర్బోఛార్జ్​డ్​ పెట్రోల్ ఇంజిన్​ను కలిగి ఉంది. ఇది రూ .10 లక్షల లోపు టర్బో ఆప్షన్ ఉన్న మొదటి సోనెట్ అని చెప్పవచ్చు. ఇకపోతే ఇందులో తీసుకువచ్చిన ఆ మెరుగైన ఫీచర్లు ఏంటి అన్న విషయానికి వస్తే.. కియా సెల్టోస్ కొత్త జీటీఎక్స్ వేరియంట్ ఇప్పుడు ఏడీఏఎస్, 360 డిగ్రీ కెమెరా వంటి ఫీచర్స్ అందిస్తోంది. ఇవి సెల్టోస్​లోని హెచ్​టీఎక్స్ ట్రిమ్​ లో కనిపించవు. అదే విధంగా, కియా సోనెట్​ లోని లోయర్ వేరియంట్లు ఇప్పుడు ఐసోఫిక్స్ చైల్డ్ సీట్ యాంకర్ పాయింట్స్, వైర్ లెస్ ఫోన్ ఛార్జర్ వంటి ఫీచర్ లతో వస్తాయి. కియా ఇటీవల జీటీఎక్స్ వేరియంట్ పరిచయంతో సోనెట్, సెల్టోస్ ఎఎస్​యూవీ లకు వేరియంట్ల ఆప్షన్స్​ ని మరింత విస్తరించింది. ఈ కొత్త వేరియంట్ ప్రస్తుతం ఉన్న హెచ్​టీఎక్స్ +, జీటీఎక్స్+ ట్రిమ్ల మధ్య ఉంది. కొనుగోలుదారులకు పోటీ ధర వద్ద అదనపు ఫీచర్ లను అందిస్తోంది.

సోనెట్ జీటీఎక్స్ ప్రారంభ ధర రూ .13,70,900 కాగా, సెల్టోస్ జీటీఎక్స్ రూ .18,99,900 నుంచి ప్రారంభం అవుతుంది. సెల్టోస్, సోనెట్ కోసం జీటీఎక్స్ ట్రిమ్​ల మధ్య కొన్ని కీలక వ్యత్యాసాలు ఉన్నాయి. సోనెట్ 16 ఇంచ్​ ఆప్షన్​ తో పోలిస్తే సెల్టోస్ జీటీఎక్స్ పెద్ద 18 ఇంచ్​ అల్లాయ్ వీల్స్​ కలిగి ఉంది. అదనంగా, సోనెట్ జీటీఎక్స్ ప్రామాణిక సోనెట్ వేరియంట్లు, సెల్టోస్ జీటీఎక్స్ రెండింటిలోనూ చేర్చిన అడ్వాన్స్​డ్​ డ్రైవర్ అసిస్టెన్స్ సిస్టెమ్స్ సాంకేతికతను కూడా కోల్పోయింది. కియా సెల్టోస్ ఎక్స్-లైన్ వేరియంట్ ఆకర్షణను కొత్త అరోరా బ్లాక్ పెర్ల్ కలర్ ఆప్షన్​తో కూడా వస్తోంది. ఇది ప్రస్తుతం ఉన్న మ్యాట్ గ్రాఫైట్ ఆప్షన్​ను భర్తీ చేస్తుంది. కియా ఇండియా ఈ నవీకరణలతో కస్టమర్-సెంట్రిక్ పట్ల తన నిబద్ధతను మరింత స్పష్టం చేస్తోంది. వేరియంట్ల విస్తృత ఎంపిక, కొత్త ఇంజిన్ ఆప్షన్​, శ్రేణి అంతటా ఫీచర్ అప్​గ్రేడ్​లు కొనుగోలుదారులకు వారి డబ్బుకు అధునాతన సాంకేతికత, ఫీచర్లు, విలువను అందించడం లక్ష్యంగా పెట్టుకుంది.