Kawasaki Bikes: కవాసాకి బైక్ లపై ఇయర్ ఎండ్ ఆఫర్స్.. ఏకంగా అన్ని రూ. వేల డిస్కౌంట్!

కవాసాకి బైక్ ని కొనుగోలు చేయాలనుకుంటున్నారా? అయితే ఇదే మీకు కరెక్ట్ సమయం. ఎందుకంటే ఇప్పుడు కవాసాకి ఇండియా తన బైక్ లపై ఇయర్ ఎండ్ ఆఫర్లను ప్రకటించింది. కవాసాకి ఇండియా భాతరదేశంలో అందిస్తున్న మోటార్ సైకిళ్ల శ్రేణిపై కొత్త సంవత్సరాంతపు డిస్కౌంట్లను ప్రకటించింది. ఈ ఆఫర్లు కేవలం డిసెంబర్ 31, 2024 వరకు లేదా స్టాక్స్ ముగిసే వరకు ఉంటాయని కవాసకి సంస్థ తెలిపింది. కవాసాకి ఇండియా పోర్ట్ ఫోలియోలో ఎంపిక చేసిన బైక్లపై రూ .15,000 నుండి రూ .45,000 వరకు డిస్కౌంట్లు ఉన్నాయి. మరి ఆ డిస్కౌంట్ల విషయానికొస్తే.. కవాసాకి నింజా 300, కవాసాకి నింజా 500, కవాసాకి నింజా 650 బైక్లపై డిస్కౌంట్లు ఉన్నాయి. స్పోర్ట్స్ బైకులతో పాటు, కొత్త కవాసాకి వెర్సిస్ 650 అడ్వెంచర్ టూరర్ పై కూడా ఈ ఆఫర్ ను అందిస్తున్నారు.

కవాసాకి నింజా 300 కవాసాకి నుండి వచ్చిన అత్యంత సరసమైన స్పోర్ట్స్ బైక్. దీని ధర రూ 3.43 లక్షలుగా ఉంది. ఈ ధరపై ఇప్పుడు రూ .30,000 తగ్గింపు లభిస్తోంది. లిక్విడ్ కూల్డ్ 296 సిసి ప్యారలల్ ట్విన్ ఇంజన్ తో 6 స్పీడ్ గేర్ బాక్స్ తో జతచేయబడిన నింజా 300 11,000 ఆర్ పిఎమ్ వద్ద 38.8 బిహెచ్ పి పవర్, 10,000 ఆర్ పిఎమ్ వద్ద 26.1 ఎన్ఎమ్ టార్క్ ను ఉత్పత్తి చేస్తుంది. కాగా ఈ సంవత్సరం ప్రారంభంలో జూన్ 2024 లో కొత్త కలర్ ఆప్షన్లతో విడుదలైంది కవాసాకి నింజా. ఇది కెటిఎమ్ ఆర్సి 390, టివిఎస్ అపాచీ ఆర్ఆర్ 310 వంటి వాటితో పోటీ పడుతోంది. ఇది మొదట 2013 లో భారత్ కు వచ్చింది.

ప్రపంచ మార్కెట్లలో దీని స్థానంలో నింజా 400 వచ్చినప్పటికీ, నింజా 300 అమ్మకాలను కొనసాగిస్తున్న దేశాలలో భారతదేశం ఒకటి. ఈ స్పోర్ట్స్ బైక్ భారత్ లో కంప్లీట్లీ బిల్ట్ యూనిట్ గా లభిస్తుంది. దాని ధర రూ .5.24 లక్షలుగా ఉంది. ఈ ధరపై రూ .15,000 తగ్గింపు లభిస్తోంది. ఈ ఆఫర్లు డిసెంబర్ 31 వరకు లేదా స్టాక్స్ చివరి వరకు ఉంటాయట. నింజా 500 బైకులో 451 సిసి లిక్విడ్ కూల్డ్, ప్యారలల్-ట్విన్ ఇంజన్ కలదు. ఇది 9,000 ఆర్పిఎమ్ వద్ద 45 బిహెచ్పి, 6,000 ఆర్పిఎమ్ వద్ద 42.6 ఎన్ఎమ్ గరిష్ట టార్క్ ఉత్పత్తి చేస్తుంది. ఈ ఇంజన్ స్లిప్ అండ్ అసిస్ట్ క్లచ్ తో 6 స్పీడ్ గేర్ బాక్స్ తో జతచేయబడి ఉంటుంది. 2024 కవాసాకి నింజా 500 ఫిబ్రవరి 2024 లో భారతదేశంలో లాంచ్ అయింది. నింజా 400 స్థానంలో నింజా 500 వచ్చింది.

ఇది కెటిఎమ్ ఆర్సి 390, అప్రిలియా ఆర్ఎస్ 457 వంటి బైకులకు గట్టి పోటీ ఇస్తుంది. నింజా 500 డిజైన్ నింజా జెడ్ఎక్స్ 6 ఆర్, జెడ్ఎక్స్ 10ఆర్ ల తరహాలో ఉంటుంది. కవాసాకి నింజా 650 ఎక్స్-షోరూమ్ ధర రూ .7.16 లక్షలుగా ఉంది. ఈ ధరపై కవాసాకి ఇప్పుడు రూ .45,000 డిస్కౌంట్ అందిస్తోంది. ఈ సిరీస్ లో ఇదే అత్యధిక డిస్కౌంట్. నింజా 650 ఒకే కలర్ ఆప్షన్ లో లభిస్తోంది. ఇది 649 సిసి లిక్విడ్ కూల్డ్ ప్యారలల్ ట్విన్ ఇంజన్ తో వెట్, మల్టీ డిస్క్ క్లచ్ తో 6 స్పీడ్ గేర్ బాక్స్ తో జత చేయబడి ఉంటుంది. ఇది 8,000 ఆర్ పిఎమ్ వద్ద 67.3 బిహెచ్ పి పవర్ 6,700 ఆర్ పిఎమ్ వద్ద 64.0 ఎన్ఎమ్ టార్క్ ను ఉత్పత్తి చేస్తుందట. 2024 కవాసాకి నింజా 650 మోడల్ కొత్త లైమ్ గ్రీన్ కలర్ స్కీమ్ తో ఈ సంవత్సరం ప్రారంభంలో భారతదేశంలో విడుదలైంది. ఈ స్పోర్ట్స్ బైక్ డిజైన్, ఫీచర్లు మునుపటి తరం మోడల్ తరహాలోనే ఉంటాయట. దీనికి ప్రత్యక్ష ప్రత్యర్థి లేనప్పటికీ, నింజా 650 ట్రయంఫ్ డేటోనా 660, అప్రిలియా ఆర్ఎస్ 660 లకు గట్టి పోటీ ఇవ్వవచ్చని తెలుస్తోంది.