Hyundai SUV: ఆ హ్యూందాయ్ ఎస్‌యూవీ కార్లపై భారీగా డిస్కౌంట్.. పూర్తి వివరాలివే!

హ్యుందాయ్ ఎస్‌యూవీని కారు కొనుగోలు చేయాలనుకుంటున్నారా? అయితే మీకు చక్కటి శుభవార్త. అదేమిటంటే హ్యుందాయ్ వెన్యూ, ఎక్స్‌టర్ వంటి పాపులర్ హ్యుందాయ్ ఎస్‌యూవీ ఆగస్టులో ఆకర్షణీయమైన ఆఫర్‌ లను అందిస్తున్నాయి. అత్యధికంగా అమ్ముడైన క్రెటాపై మాత్రం ఆఫర్‌ లు లేవు. హ్యుందాయ్ వెన్యూ ఆగస్టులో రూ.70,629 వరకు భారీగా డిస్కౌంట్లను అందిస్తోంది. గత జూలైలో ఎస్‌యూవీపై ఆఫర్‌ లు రూ.55 వేల నుంచి పెరిగాయి. హ్యుందాయ్ ఎక్స్‌టర్‌ పై మొత్తం తగ్గింపులు జూలైలో రూ. 20వేల నుంచి ఆగస్టులో రూ. 32,972కి పెరిగాయి.

కాగా భారత మార్కెట్లో అత్యధికంగా అమ్ముడవుతున్న ఎస్‌యూవీ లలో ఒకటైన హ్యుందాయ్ క్రెటా ఆగస్టులో ఎలాంటి డిస్కౌంట్లను అందించదు. ఎస్‌‌యూవీకి డిమాండ్ చాలా ఎక్కువగా పెరిగింది. అరుదుగా డిస్కౌంట్లను అందిస్తుంటుంది. హ్యుందాయ్ వెన్యూ ధర రూ. 7.94 లక్షల నుంచి రూ. 13.44 లక్షలు కాగా, హ్యుందాయ్ ఎక్స్‌టర్ ధర రూ. 6.13 లక్షల నుంచి రూ. 10.43 లక్షల వరకు ఉంటుంది. అలాఫ్ ఈ హ్యుందాయ్ వెన్యూలో మూడు ఇంజన్ ఆప్షన్లు ఉన్నాయి. కప్పా 1.2-లీటర్ ఎంపీఐ పెట్రోల్ 83పీఎస్, 114ఎన్ఎమ్ ఒకటి.

ఇక రెండవది కప్పా 1.0 లీటర్ టర్బో జీడీఐ పెట్రోల్ 120పీఎస్ 172ఎన్ఎమ్ మూడవది యూ2 1.5 లీటర్ సీఆర్‌డీఐ డీజిల్ వీజీటీ 116పీఎస్ 250ఎన్ఎమ్. ట్రాన్స్‌మిషన్ ఆప్షన్లలో 1.2 లీటర్ పెట్రోల్ మిల్లుతో 5 స్పీడ్ ఎంటీ, 1.0 లీటర్ టర్బో జీడీఐ పెట్రోల్ మిల్లుతో 6 స్పీడ్ ఎంటీ 7 స్పీడ్ డీసీటీ 1.5 లీటర్ సీఆర్‌డీఐ డీజిల్ మిల్లుతో 6స్పీడ్ ఎంటీ ఉన్నాయి. హ్యుందాయ్ ఎక్స్‌టర్ 5 స్పీడ్ ఎంటీ, 5 స్పీడ్ ఎఎంటీ ఆప్షన్లతో కప్పా 1.2-లీటర్ ఎంపీఐ పెట్రోల్ ఇంజన్ ను ఉపయోగిస్తుంది. 5-స్పీడ్ ఎంటీతో కూడిన సీఎన్‌జీ ఆప్షన్ కూడా అందుబాటులో ఉంది. సీఎన్‌జీ వేరియంట్‌ను ఒకే సిలిండర్ లేదా డ్యూయల్ సిలిండర్‌లతో కలిగి ఉండవచ్చు.