Bajaj Freedom 125 CNG: మొదలైన సీఎన్ జీ బైక్ డెలివరీలు.. ధర, ఫీచర్స్ ఇవే?
ప్రస్తుతం దేశవ్యాప్తంగానే కాకుండా ప్రపంచవ్యాప్తంగా ఎలక్ట్రిక్ వాహనాల ట్రెండ్ నడుస్తోంది. భారతదేశంలో కూడా ఈవీ వాహనాల ట్రెండ్ నడుస్తున్నప్పటికీ అనుకున్న రేంజ్ లో ఎలక్ట్రిక్ వాహనాలు కొనుగోలు జరగడం లేదు.
- By Nakshatra Published Date - 02:15 PM, Sat - 20 July 24
![Bajaj Freedom 125 CNG: మొదలైన సీఎన్ జీ బైక్ డెలివరీలు.. ధర, ఫీచర్స్ ఇవే?](https://d1x8bgrwj9curj.cloudfront.net/wp-content/uploads/2024/07/bike.jpg)
ప్రస్తుతం దేశవ్యాప్తంగానే కాకుండా ప్రపంచవ్యాప్తంగా ఎలక్ట్రిక్ వాహనాల ట్రెండ్ నడుస్తోంది. భారతదేశంలో కూడా ఈవీ వాహనాల ట్రెండ్ నడుస్తున్నప్పటికీ అనుకున్న రేంజ్ లో ఎలక్ట్రిక్ వాహనాలు కొనుగోలు జరగడం లేదు. వినియోగదారులకు ఈ వాహనాల పట్ల అనేక రకాల సందేహాలు ఉంటున్నాయి. ఇలాంటి వారిని ఆకట్టుకునేందుకు ప్రముఖ ఆటో మొబైల్ తయారీ సంస్థ బజాజ్ ఆటో ప్రపంచంలోనే మొట్టమొదటి సీఎన్జీ మోటార్ సైకిల్ ఫ్రీడమ్ 125ను కొన్ని రోజుల క్రితం లాంచ్ చేసిన విషయం తెలిసిందే. అయితే తాజాగా ఈ బైక్ డెలివరీలు ప్రారంభమైనట్లు కంపెనీ వెల్లడించింది.
ఈ సీఎన్జీ బైక్ బైక్ ప్రియులను ఎంతగానో ఆకట్టుకుందని వారంలోపే దాదాపు 30,000 కు పైగా ఈ బైక్ గురించి షోరూమ్స్లో ఎంక్వైరీలు చేశారని కంపెనీ వెల్లడించింది. ఇకపోతే ఈ బైక్ కు సంబంధించి మరిన్ని వివరాల్లోకి వెళితే.. కాగా ఈ బజాజ్ ఫ్రీడమ్125 బైక్ డ్రమ్, డ్రమ్ ఎల్ఈడీ, డిస్క్ ఎల్ఈడీ వంటి మూడు వేరియంట్స్ లభించునుంది. ఈ బైక్ ధర విషయానికి వస్తే.. రూ. 95,000 నుంచి ప్రారంభమవుతాయి. అలాగే గరిష్టంగా రూ. 1.10 లక్షల వరకు వరకు ఉంటాయి. అయితే ఈ బైక్ ను మొదట మహారాష్ట్ర, గుజరాత్ లలో మాత్రమే ప్రారంభించాలని అనుకున్నారు. అయితే బజాజ్ అధిక డిమాండ్ కారణంగా దేశవ్యాప్తంగా బుకింగ్ లను ప్రారంభించింది.
అయితే ఫ్రీడమ్ 125 సాంప్రదాయ పెట్రోల్ బైక్ లతో పోల్చుకుంటే ఇది గణనీయంగా తక్కువ నిర్వహణ ఖర్చులను 50% వరకు తగ్గింపు, 26.7% తక్కువ కార్బన్ డయాక్సైడ్ ఉద్గారాలతో పర్యావరణ హితంగా వస్తుంది. అత్యుత్తమ ఇంధన సామర్థ్యాన్ని అందజేస్తూ ఫ్రీడమ్ 125 కేవలం 2 కిలోల సీఎన్జీతో 200 కి.మీల పరిధిని కలిగి ఉంది. అలాగే ఈ బైక్ ఇది 2 లీటర్ పెట్రోల్ ట్యాంక్తో రావడంతో మొత్తం పరిధిని ఆకట్టుకునే 330 కి.మీలకు ఉంటుంది. కాగా ఫ్రీడమ్ 125కు సంబంధించిన మొదటి యూనిట్ పూణేలోని షోరూమ్లో డెలివరీ చేశారు. బజాజ్ ఫ్రీడమ్ 125 సాంప్రదాయ పెట్రోల్ బైక్లతో పోలిస్తే గణనీయమైన నిర్వహణ ఖర్చులను ఆదా చేస్తుందని బజాజ్ ఆటో లిమిటెడ్ ప్రెసిడెంట్ సారంగ్ కనాడే బైక్ డెలివరీ సందర్భంగా వ్యాఖ్యానించారు.
![https://d1x8bgrwj9curj.cloudfront.net/wp-content/uploads/2023/09/Drreddy.jpg](https://d1x8bgrwj9curj.cloudfront.net/wp-content/uploads/2023/09/Drreddy.jpg)