Jagan : జగన్ పై విష ప్రచారం చేస్తున్నారు – భూమన

వైఎస్సార్ కాంగ్రెస్ పార్టీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి(Jagan)పై తప్పుడు ప్రచారం జరుగుతోందని వైసిపి సీనియర్ నేత, టిటిడి మాజీ ఛైర్మన్ భూమన కరుణాకర్ రెడ్డి (Bhumana Karunakar Reddy) ఆరోపించారు. ఒక ప్రముఖ మీడియా ఛానెల్‌ను ప్రస్తావిస్తూ, ఆ ఛానల్ జగన్ పట్ల విష ప్రచారం చేస్తోందని ఆయన ఆగ్రహం వ్యక్తం చేశారు. ముఖ్యంగా ఈ నెల 27న జగన్ తిరుమల పర్యటన ఉన్నట్లు తప్పుడు వార్తలు ప్రసారం చేస్తున్నారని భూమన అన్నారు. ఇది కేవలం జగన్ పరువు తీయడానికి చేస్తున్న ప్రయత్నమని ఆయన పేర్కొన్నారు.

Burning in stomach : కడుపులో అదే పనిగా మంట పుడుతుందా? అల్సర్ ఎటాక్ చేసే ప్రమాదం బీకేర్‌ఫుల్

అంతేకాకుండా వైసిపి పాలనలో హిందూ ధర్మానికి ఎంతో ప్రాధాన్యత ఇచ్చారని భూమన కరుణాకర్ రెడ్డి వివరించారు. చంద్రబాబు నాయుడు పాలనతో పోలిస్తే, జగన్ హయాంలో హిందూ ధర్మ పరిరక్షణ కొన్ని వేల రెట్లు మెరుగ్గా జరిగిందని ఆయన చెప్పారు. ముఖ్యమంత్రిగా ఉన్న ఐదేళ్ల కాలంలో జగన్ ప్రతి సంవత్సరం శ్రీవారికి పట్టువస్త్రాలు సమర్పించారని, ఇది ఆయనకున్న భక్తికి నిదర్శనమని అన్నారు. అలాగే, శ్రీనివాస దివ్య హోమం వంటి కార్యక్రమాలు కూడా జగన్ పాలనలోనే ప్రారంభమయ్యాయని ఆయన గుర్తుచేశారు.

ఈ తప్పుడు ప్రచారాలను ప్రజలు నమ్మవద్దని భూమన కరుణాకర్ రెడ్డి విజ్ఞప్తి చేశారు. రాజకీయ ప్రయోజనాల కోసం కొందరు వ్యక్తులు మరియు మీడియా సంస్థలు ఈ విధంగా తప్పుడు వార్తలను ప్రచారం చేస్తున్నారని ఆయన ఆరోపించారు. జగన్ ఎప్పుడూ హిందూ ధర్మానికి గౌరవం ఇచ్చారని, శ్రీవారి భక్తులకు అన్ని సౌకర్యాలు కల్పించారని ఆయన స్పష్టం చేశారు. ఈ రకమైన విష ప్రచారాలు ప్రజాస్వామ్యానికి మంచిది కాదని ఆయన అభిప్రాయపడ్డారు.