Nara Lokesh: కాకినాడలో NBK111 షూటింగ్లో గాయపడిన నందమూరి బాలకృష్ణను మంత్రి నారా లోకేష్ ఫోన్లో పరామర్శించార
- Author : Vamsi Chowdary Korata
Date : 21-07-2026 - 4:24 IST
Published By : Hashtagu Telugu Desk
టాలీవుడ్ నటుడు నందమూరి బాలకృష్ణ తన 111వ సినిమా షూటింగ్ లో ప్రమాదానికి గురయ్యారు. ఈ విషయం తెలుసుకున్న ఆయన అల్లుడు, ఏపీ ఐటీ, విద్యాశాఖ మంత్రి నారా లోకేశ్ వెంటనే ఫోన్ చేసి ఆరోగ్య పరిస్థితిని అడిగి తెలుసుకున్నారు. “బాలా మావయ్య త్వరగా కోలుకోవాలి” అంటూ ఆకాంక్షించారు.
ప్రస్తుతం గోపీచంద్ మలినేని దర్శకత్వంలో బాలకృష్ణ హీరోగా #NBK111 చిత్రం తెరకెక్కుతోంది. కాకినాడలో జరుగుతున్న షూటింగ్లో భాగంగా బాలకృష్ణ, మంచు మనోజ్పై ఓ కీలక యాక్షన్ సన్నివేశాన్ని చిత్రీకరిస్తుండగా ఈ ఘటన చోటుచేసుకుంది. ఈ క్రమంలో బాలకృష్ణ మోకాలికి స్వల్ప గాయమైంది. కండరం చిరగడంతో (మజిల్ టియర్) ఆయన్ను వెంటనే ఆసుపత్రికి తరలించారు.
బాలకృష్ణను పరీక్షించిన వైద్యులు, ఓ చిన్న శస్త్రచికిత్స అవసరమని సూచించినట్లు సమాచారం. అయితే, అభిమానులు ఆందోళన చెందాల్సిన అవసరం ఏమీ లేదని, ఆయన ఆరోగ్యంగానే ఉన్నారని చిత్ర బృందం ఒక ప్రకటనలో స్పష్టం చేసింది. ప్రమాదం ఎలా జరిగిందనే వివరాలను లోకేశ్ అడిగి తెలుసుకుని, బాలకృష్ణ త్వరగా కోలుకుని షూటింగ్లో పాల్గొనాలని ఆశాభావం వ్యక్తం చేశారు.
‘వీరసింహారెడ్డి’ తర్వాత బాలయ్య-గోపీచంద్ కాంబినేషన్లో వస్తున్న ఈ సినిమాపై భారీ అంచనాలు ఉన్నాయి. వృద్ధి సినిమాస్ పతాకంపై వెంకట సతీశ్ కిలారు నిర్మిస్తున్న ఈ చిత్రంలో బాలకృష్ణ సరసన నయనతార హీరోయిన్గా నటిస్తున్నారు.
Follow us
