RGV : సీఎం జగన్‌తో మరోసారి ఆర్జీవీ భేటీ.. ఆ సినిమా కోసమేనా?

ఆర్జీవీ(RGV) గత ఎన్నికల సమయంలో లక్ష్మిస్ ఎన్టీఆర్(Lakshmi’s NTR) అనే సినిమాని తీసి సంచలనం సృష్టించారు. TDPకి వ్యతిరేకంగా జగన్ కి సపోర్ట్ గా ఆ సినిమా చేశారు. ఆ సినిమా ఎఫెక్ట్ ఎలక్షన్స్ లో ఎంతో కొంత చూపించింది. దీంతో ఈ సారి కూడా ఆర్జీవీతో సినిమా తీయించే పని పెట్టుకున్నారు జగన్. గతంలో ఆల్రెడీ ఓ సారి జగన్(CM Jagan) తో మీట్ అయ్యారు ఆర్జీవీ.

ఆ మీటింగ్ అనంతరం వ్యూహం(Vyuham) పార్ట్ 1, పార్ట్ 2 రెండు సినిమాలు తీస్తానని, మొదటి దాంట్లో వైఎస్ రాజశేఖర్ రెడ్డి మరణించాక జగన్ ఎలాంటి కష్టాలు పడ్డారు, ఆ తర్వాత ఎలా సీఎం అయ్యారు అని చూపిస్తానని తెలిపారు. ఇక రెండో పార్ట్ లో సీఎం అయ్యాక జగన్ ఏం చేశాడో చూపిస్తానని ప్రకటించారు. ఈ సినిమాలపై ప్రతిపక్షాల నుంచి విమర్శలు వచ్చినా ఎప్పటిలాగే ఆర్జీవీ తన పని తాను చేసుకుపోతున్నాడు. ఇప్పటికే సగం షూటింగ్ కూడా అయిపొయింది.

తాజాగా నేడు ఏపీ సీఎం జగన్మోహన్ రెడ్డితో ఆర్జీవీ భేటీ అయ్యారు. ఇవాళ సాయంత్రం ఈ భేటీ జరిగింది. గంటకు పైగా సీఎం జగన్ తో జరిగిన RGV సమావేశం అయ్యారు. వ్యూహం సినిమాకు సంబంధించి కొన్ని సన్నివేశాలు సీఎం జగన్ కు ఆర్జీవీ చూపించినట్టు సమాచారం. ఈ సినిమా ఎక్కడిదాకా వచ్చింది, ఎలా వచ్చిందో తెలుసుకోవడానికే జగన్ ఈ మీటింగ్ ఆరెంజ్ చేసినట్టు తెలుస్తుంది. ఈసారి కూడా ఆర్జీవీ సినిమాలతో ఎలక్షన్స్ టైంలో ఎంతో కొంత సపోర్ట్ పొందాలని అనుకుంటున్నారు సీఎం జగన్. మరి ఈ వ్యూహం సినిమాలు ఎలా ఉంటాయి చూడాలి. ఇక మరోవైపు డైరెక్టర్ మహి వి రాఘవ్ తో యాత్ర 2 సినిమాని కూడా తెరకెక్కిస్తున్నారు YCP నాయకులు.