HashtagU Telugu
Telugu
  • English
  • हिंदी
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • స్పెషల్
  • ఆఫ్ బీట్
Telugu
  • English
  • हिंदी
Hashtagu Logo
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • ఫోటో గ్యాలరీ
  • స్పీడ్ న్యూస్
  • హెల్త్
  • లైఫ్ స్టైల్
  • ఆధ్యాత్మికం
  • ఆఫ్ బీట్
  • Trending
  • # IPL 2025
  • # Revanth Reddy
  • # KTR
  • # PM Modi
  • # ChandrababuNaidu
  • # JaganMohanReddy
  • Telugu News
  • > Andhra Pradesh
  • >Bjp With Chandrababu Target Kcr

BJP, TDP Alliance : చంద్ర‌బాబుతో బీజేపీ?టార్గెట్ కేసీఆర్‌! గుజ‌రాత్ ఫ‌లితాల జోష్‌!

గుజ‌రాత్ ఫ‌లితాలు(Gujarat result) బీజేపీకి అనుకూలంగా రావ‌డం టీడీపీ జాతీయ అధినేత చంద్ర‌బాబుకు ఊర‌ట క‌లిగిస్తుందా?

  • By CS Rao Published Date - 05:23 PM, Thu - 8 December 22
  • daily-hunt
BJP, TDP Alliance
Modi Babu Kcr

గుజ‌రాత్ ఫ‌లితాలు(Gujarat result) బీజేపీకి అనుకూలంగా రావ‌డం టీడీపీ జాతీయ అధినేత చంద్ర‌బాబుకు ఊర‌ట క‌లిగిస్తుందా? ఏపీ, తెలంగాణ రాజ‌కీయాల్లో పొత్తు(alliance)ల‌ను మార్చేయ‌బోతుందా? ఇటీవ‌ల జ‌రిగిన మోడీ, చంద్ర‌బాబు భేటీలు ఫ‌లించేలా ఉన్నాయా? ఏపీలో కింగ్ మేక‌ర్, తెలంగాణ‌లో కింగ్ కావాలంటే `పుష్పా`నికి టీడీపీ మ‌ద్ధ‌తు అవ‌స‌ర‌మా? ఇలాంటి ప్ర‌శ్న‌లు ఇప్పుడు చ‌ర్చ‌కు దారితీస్తున్నాయి.

ప్ర‌ధాని న‌రేంద్ర మోడీ, అమిత్ షా ద్వ‌యం వేసిన పాచిక‌లు గుజ‌రాత్ లో రికార్డ్ ను సృష్టించాయి. ఇప్పుడు ఏపీ, తెలంగాణ మీద వాళ్ల క‌న్నుంది. ఇప్ప‌టికే స‌ర్వేల‌ను చేయించుకున్న బీజేపీ ఎలాగైనా కేసీఆర్ ను గ‌ద్దె దించాల‌ని భీష్మించారు. ఆ క్ర‌మంలో చంద్ర‌బాబు మ‌ద్ధ‌తు అనివార్య‌మ‌ని క్షేత్ర‌స్థాయి స‌ర్వేల్లోని సారాంశ‌మ‌ట‌. ఎందుకంటే, 2014 ఎన్నిక‌ల్లో బీజేపీ, టీడీపీ కూట‌మి 19 మంది ఎమ్మెల్యేల‌ను తెలంగాణ‌లో గెలుచుకుంది. ఆ రెండు పార్టీల మ‌ధ్య కెమిస్ట్రీ దేశ వ్యాప్తంగా సంచ‌ల‌నాల‌ను క్రియేట్ చేసింది. పాత జ్ఞాప‌కాలు, ఫ‌లితాల‌ను బేరీజు వేసుకుంటూ తెలంగాణ రాష్ట్రం వ‌ర‌కు టీడీపీతో పొత్తు(alliance) కోసం బీజేపీ ప్ర‌య‌త్నం చేస్తున్న‌ట్టు తెలుస్తోంది. మునుగోడు ఉప ఎన్నిక‌ల్లో కమ్యూనిస్ట్ ల‌తో చేయి క‌లిపిన కేసీఆర్ 2023 ఎన్నిక‌ల నాటికి కాంగ్రెస్ తో కూట‌మి క‌ట్టే అవ‌కాశం లేక‌పోలేదు. ఆ దిశ‌గా ఇప్ప‌టికే ప్ర‌శాంత్ కిషోర్ సూచ‌న కూడా చేశారు. మ‌రో వైపు ఎంఐఎం స‌హ‌జ మిత్రునిగా కేసీఆర్ కు అండ‌గా నిలుస్తోంది. అంటే, టీఆర్ఎస్, కాంగ్రెస్, ఎంఐఎం, క‌మ్యూనిస్టుల కూట‌మి 2023 ఎన్నిక‌ల తెర‌పై క‌నిపించ‌నున్నాయ‌ని రాజ‌కీయ వ‌ర్గాల్లోని భావ‌న‌. ఇలా త‌యారు కానున్న కేసీఆర్ కూట‌మిని ఢీ కొట్టాలంటే చంద్ర‌బాబు మ‌ద్ధ‌తు బీజేపీకి అవ‌స‌రం. 2023 ఎన్నిక‌ల్లో కేసీఆర్ ఎత్తుగ‌డ‌ల‌ను చీల్చి చెండాడాలంటే చంద్ర‌బాబుఅండ అవ‌స‌ర‌మ‌ని అమిత్ షా ఇప్ప‌టికే ఫిక్స్ అయిన‌ట్టు తెలుస్తోంది.

ఇక ఏపీలో గ‌త మూడేళ్లుగా జ‌న‌సేన‌, బీజేపీ క‌లిసి ఉప ఎన్నిక‌ల‌కు వెళ్లాయి. కానీ, ఎక్క‌డా డిపాజిట్లు ద‌క్క‌లేదు. ఆ పార్టీని ఏపీ ప్ర‌జ‌లు ఆద‌రించే ప‌రిస్థితి కూడా లేదు. రాష్ట్ర ప్ర‌యోజనాల‌ను కాల‌రాసిన పార్టీగా కాంగ్రెస్ ను దాదాపుగా ఏపీ ప్ర‌జ‌లు బాయ్ కాట్ చేశారు. విభ‌జ‌న త‌రువాత కేంద్రంలోని బీజేపీ అన్యాయం చేసింద‌ని ఏపీ ఓట‌ర్లు ఆగ్ర‌హంగా ఉన్నారు. ఆ క్ర‌మంలో ఎంతో కొంత ప్ర‌జాద‌ర‌ణను పొందాలంటే చంద్ర‌బాబుతో క‌లిసి వెళ్ల‌క త‌ప్ప‌ద‌ని బీజేపీ అగ్ర‌నేత‌ల భావ‌న‌. ప్ర‌ధాన మంత్రి న‌రేంద్ర మోడీని రెండుసార్లు ఇటీవ‌ల చంద్ర‌బాబు క‌లిశారు. వాళ్లిద్ద‌రూ కొద్దిసేపు మాట్లాడుకున్నారు. రాబోవు రోజుల్లో మ‌రింత ద‌గ్గ‌ర‌య్యే అవ‌కాశం ఉంది. టీడీపీతో క‌లిసి వెళ్ల‌డానికి అమిత్ సా సానుకూలంగా ఉన్న‌ట్టు తెలుస్తోంది. మోడీ గ్రీన్ సిగ్న‌ల్ ఇస్తే జ‌నసేన‌, బీజేపీ, టీడీపీ కూట‌మి 2014 త‌ర‌హాలో 2024 ఎన్నిక‌ల‌కు వెళ్ల‌నుంది. ఆ విష‌యాన్ని చంద్ర‌బాబు ఇటీవ‌ల జ‌రిగిన ఏలూరు స‌భ‌లో ప‌రోక్షంగా వెల్ల‌డించారు.

వాస్త‌వంగా తెలుగు రాష్ట్రాల్లో మోడీ వ్య‌తిరేక శ‌క్తుల‌ను కేసీఆర్ కూడ‌గ‌డుతున్నారు. మూడోసారి సీఎం కావ‌డానికి కూట‌మి త‌ప్ప‌ద‌ని భావిస్తున్నారు. అందుకే, మునుగోడు నుంచి ఆయ‌న పావులు క‌దిపారు. అక్క‌డ కామ్రేడ్లను క‌లుపుని భ‌విష్య‌త్ ఈక్వేష‌న్ కు సంకేతాలు ఇచ్చారు. గుజ‌రాత్ ఫ‌లితాలు బీజేపీకి అనుకూలంగా రావ‌డంతో జ‌రిగే రాజ‌కీయ దాడిని ఎదుర్కోవ‌డానికి కేసీఆర్‌ గ్రౌండ్ వ‌ర్క్ ఇప్ప‌టికే చేస్తున్నారు. టీడీపీతో పొత్తు వ్య‌వ‌హారం ఒక కొలిక్కి వ‌స్తే, దాదాపుగా గులాబీ పార్టీ ఖాళీ అవుతుంద‌ని అంచ‌నా వేస్తున్నారు. పూర్వ‌పు టీడీపీ లీడ‌ర్ల‌తో నిండిపోయిన కారును వాళ్లంద‌రూ రాబోవు రోజుల్లో దిగుతార‌ని భావిస్తున్నారు. అంతేకాదు, పీసీసీ చీఫ్ రేవంత్ రెడ్డితో వెళ్లిన టీడీపీ లీడ‌ర్లు, శ్రేణులు బీజేపీ లేదా టీడీపీలోకి తిరిగి వ‌స్తార‌ని అంచ‌నా. ఇలాంటి ఈక్వేష‌న్ల న‌డుమ బీజేపీ, టీడీపీ పొత్తు దాదాపుగా ఖ‌రారు కానుంద‌ని గుజ‌రాత్ ఫ‌లితాల ద్వారా అర్థం అవుతోంది.

ఇచ్చిపుచ్చుకునేలా ఏపీ, తెలంగాణ రాష్ట్రాల్లోని ప‌రిస్థితుల దృష్ట్యా బీజేపీ, టీడీపీ పొత్తు ఉంటుందని రాజ‌కీయ స‌ర్కిల్స్ లోని టాక్‌. ద‌క్షిణ భార‌త దేశంలో కర్ణాట‌క మినహా ఎక్క‌డ బీజేపీ ప్రాబ‌ల్యం లేదు. ఈసారి అక్క‌డ బీజేపీని గ‌ద్దె దించ‌డానికి కేసీఆర్ ఇప్ప‌టి నుంచే జేడీఎస్ ద్వారా ప్ర‌య‌త్నం చేస్తున్నారు. అంగ‌బ‌లం, అర్థ‌బ‌లాన్ని క‌ర్ణాట‌క‌లో ఆ పార్టీకి ఇవ్వ‌డానికి సిద్ధంగా ఉన్నారు. ఇక ఏపీలోనూ జ‌గ‌న్మోహ‌న్ రెడ్డి ప్ర‌భుత్వానికి 2019 ఎన్నిక‌ల మాదిరిగా స‌హాయ‌, స‌హ‌కారాలు అందించ‌నున్నారు. ఇలాంటి పరిస్థితుల న‌డుమ చంద్ర‌బాబుతో చేతులు క‌లిపితే క‌ర్ణాట‌క‌, తెలంగాణ‌, ఏపీ, త‌మిళ‌నాడు రాష్ట్రంలోనూ ఎంతో కొంత బీజేపీకి లాభం జ‌రుగుతుంద‌ని ఢిల్లీ బీజేపీ అగ్ర‌నేత‌ల అంచ‌నా. ఆ విష‌యాన్ని తెలియ‌చేస్తూ ఆర్ ఎస్ఎస్ కూడా ఇటీవ‌ల ఒక నివేదిక‌ను ఇచ్చిన‌ట్టు తెలుస్తోంది. ఇలాంటి ప‌రిణామాల‌ను గ‌మ‌నిస్తే బీజేపీ, టీడీపీ పొత్తు ఖాయం కానుంద‌ని గుజ‌రాత్ ఫ‌లితాల(.Gujarat result) ద్వారా అర్థం అవుతోంది.


Follow us
HashtagU Telugu Google News HashtagU Telugu Facebook twitter-icon instagram whatsapp telugu-hashtagu

Tags

  • AMITHSHA
  • Andhra Pradesh TDP
  • bjp
  • BJP Modi
  • chandrababu
  • nda tdp alliance
  • telangana tdp

Related News

Cbn Sharmila

Sharmila Meets CBN : సీఎం చంద్రబాబును కలవబోతున్న షర్మిల..ఎందుకంటే !!

Sharmila Meets CBN : ఆంధ్రప్రదేశ్ రాజకీయాల్లో కొత్త పరిణామాలు చోటుచేసుకుంటున్నాయి. ఒకవైపు వైఎస్ఆర్ కాంగ్రెస్ పార్టీ అధ్యక్షుడు, మాజీ ముఖ్యమంత్రి వైఎస్ జగన్ (Jagan) కూటమి ప్రభుత్వంపై దాడులు ప్రారంభిస్తే, మరోవైపు ఏపీ కాంగ్రెస్ అధ్యక్షురాలు వైఎస్ షర్మిల(Sharimla) కూడా బరిలోకి దిగుతున్నారు. జగన్ డిజిటల్ బుక్ ద్వారా ప్రభుత్వ వైఫల్యాలను

  • Let's decide who will win!..KTR challenges CM Revanth Reddy

    CM Revanth : ఆ ఇద్దరు ఆడించినట్లు రేవంత్ ఆడుతున్నాడు – KTR

  • Bjp Ramachandra

    CM Revanth : రేవంత్ ఢిల్లీకి వెళ్లి రావడమే సరిపోతోంది – రామచందర్ కీలక వ్యాఖ్యలు

  • Cbn Macharla

    CBN : చెత్త రాజకీయాలు చేస్తే..చెత్త పారేసినట్లు పారేస్తా – చంద్రబాబు వార్నింగ్

Latest News

  • Paytm : మీరు పేటిఎం వాడుతున్నారా..? అయితే బంగారు కాయిన్‌ గెల్చుకునే ఛాన్స్ !!

  • BSNL : బీఎస్ఎన్ఎల్ కస్టమర్లకు గుడ్‌న్యూస్

  • Vote For Note Case : మరోసారి ఓటుకు నోటు కేసు విచారణ

  • Big Shock to TDP : వైసీపీలో చేరిన కీలక నేతలు

  • KCR : కేటీఆర్, హరీశ్ రావుతో కేసీఆర్ మీటింగ్

Trending News

    • Prime Minister Routine Checkup: ప్రధానమంత్రి మోదీ ఆరోగ్య ప్రోటోకాల్.. ప్రతి 3 నెలలకు ఒకసారి చెకప్!

    • Rupee: పుంజుకున్న రూపాయి.. బ‌ల‌హీన‌ప‌డిన డాల‌ర్‌!

    • IND vs PAK Final: భార‌త్‌- పాక్ మ‌ధ్య ఫైన‌ల్ మ్యాచ్‌.. పైచేయి ఎవ‌రిదంటే?

    • Ladakh: లడఖ్‌లో ఉద్రిక్త ప‌రిస్థితుల‌కు కార‌ణాలీవేనా??

    • UPI Boom: యూపీఐ వినియోగం పెరగడంతో నగదు వాడకం తగ్గింది: ఆర్‌బీఐ

HashtagU Telugu
  • Contact Us
  • About Us
  • Privacy & Cookies Notice
Network
  • English News
  • Telugu News
  • Hindi News
Category
  • Telangana News
  • Andhra Pradesh News
  • National News
  • South
  • Entertainment News
  • Trending News
  • Special News
  • Off Beat
  • Business News
Trending News
  • Health Tips
  • Movie Reviews
  • 2024 Olympics
  • Life Style
  • Nara Lokesh
  • Nara Chandrababu Naidu
  • Revanth Reddy
  • kcr

follow us

  • Copyright © 2025 Hashtag U. All rights reserved.
  • Powered by Veegam Software Pvt Ltd