AP Budget : రూ.3 లక్షల కోట్లు దాటనున్న ఏపీ బడ్జెట్?
AP Budget : గత ఆర్థిక సంవత్సరంతో పోలిస్తే ఈసారి కేటాయింపులు మరింత పెరుగుతాయని అంచనా వేస్తున్నారు
- By Sudheer Published Date - 06:56 AM, Wed - 19 February 25
ఆంధ్రప్రదేశ్ ప్రభుత్వం (AP Govt) త్వరలో అసెంబ్లీలో పూర్తిస్థాయి బడ్జెట్(AP Budget)ను ప్రవేశపెట్టనుంది. సీఎం చంద్రబాబు నాయుడు ఆధ్వర్యంలో దీనికి సంబంధించిన కసరత్తు దాదాపుగా పూర్తయినట్లు సమాచారం. గత ఆర్థిక సంవత్సరంతో పోలిస్తే ఈసారి కేటాయింపులు మరింత పెరుగుతాయని అంచనా వేస్తున్నారు. ముఖ్యంగా రాష్ట్ర అభివృద్ధి దిశగా ఖర్చులను సమర్థంగా కేటాయించేందుకు ప్రభుత్వం ప్రణాళికలు సిద్ధం చేస్తోంది. బడ్జెట్ మొత్తంగా రూ. 3 లక్షల కోట్ల మార్కును దాటే అవకాశముందని సమాచారం.
SC classification : ఎస్సీ వర్గీకరణ కమిషన్ గడువు పెంపు
ప్రభుత్వ వర్గాల తెలిపిన వివరాల ప్రకారం.. ఈసారి వ్యవసాయం, సాగునీరు, సంక్షేమ రంగాలకు అధిక ప్రాధాన్యత ఇవ్వనుంది. ముఖ్యంగా రైతుల భరోసా, పెట్టుబడి సహాయ పథకాలు, మౌలిక వసతుల అభివృద్ధికి భారీగా నిధులు కేటాయించే అవకాశం ఉంది. అలాగే, ప్రభుత్వ సంక్షేమ పథకాల అమలుకు మరింత బడ్జెట్‌ను కేటాయించాలని ప్రభుత్వం నిర్ణయించిందని తెలుస్తోంది. అభివృద్ధి ప్రాధాన్యతతో పాటు సంక్షేమాన్ని సమతుల్యం చేసే విధంగా బడ్జెట్‌ను రూపొందించేందుకు అధికారులు ప్రయత్నిస్తున్నారు.
Bathukamma Kunta : మళ్లీ జీవం పోసుకున్న “బతుకమ్మ కుంట”
ఇదే సమయంలో రాష్ట్ర ఖజానా అప్పుల భారం, ఆదాయ మార్గాలను విస్తరించాల్సిన అవసరం వంటి అంశాలు కూడా చర్చకు వస్తున్నాయి. కేంద్ర సహాయ నిధులపై అధికంగా ఆధారపడకుండా స్వంత ఆదాయ వనరులను మెరుగుపరచే విధానాన్ని ప్రభుత్వం అవలంబించే సూచనలున్నాయి. రాష్ట్ర ఆర్థిక వ్యవస్థను దృఢంగా నిలబెట్టేందుకు పారిశ్రామిక పెట్టుబడులను ఆకర్షించడం, మౌలిక వసతుల అభివృద్ధిపై దృష్టి పెట్టాలని సీఎం చంద్రబాబు భావిస్తున్నట్లు తెలుస్తోంది. మొత్తంగా ఈసారి ఏపీ బడ్జెట్ రాష్ట్ర అభివృద్ధికి కొత్త దిశ నిర్దేశించేలా ఉండనుందని అంచనా.
