Petrol Price: కేవలం రూ. 55 కె పెట్రోల్,డీజిల్.. వారికి మాత్రమే ఈ ఆఫర్!
ఏపీ ప్రభుత్వం తాజాగా ఒక చక్కటి శుభవార్తను తెలిపింది. పెట్రోల్, డీజిల్ కేవలం రూ. 55 లకే అందిస్తోంది. కానీ ఇది కేవలం కొంతమంది మాత్రమేనట.
- Author : Anshu
Date : 13-01-2025 - 11:00 IST
Published By : Hashtagu Telugu Desk
ప్రస్తుతం పెట్రోల్, డీజిల్ లీటరు ధర దాదాపుగా వంద రూపాయలకు పైగా ఉన్న విషయం తెలిసిందే. ఇలాంటి సమయంలో తాజాగా ఏపీ ప్రభుత్వం ఒక సంచలన నిర్ణయం తీసుకుంది. వాహనా వినియోగదారులకు ఒక చక్కటి శుభవార్తను తెలిపింది. చంద్రబాబు ప్రభుత్వం సబ్సిడీపై పెట్రోల్, డీజిల్ అందించేందుకు సిద్ధమైంది. లీటర్ పెట్రోల్, డీజిల్ కేవలం రూ.55 లకే అందించనున్నట్లు ప్రకటించింది. ఈ ప్రటకనను చూసి వాహనదారులు ఎగిరి గంతేస్తున్నారు. కానీ ఈ సబ్సిడీ అందరి అనుకుంటే పొరపాటే పడ్డట్టే. ఎందుకంటె ఈ అవకాశం కొద్దీ మందికి మాత్రమే. ఈ ఆఫర్ కేవలం దివ్యాంగులకు మాత్రమే. వీళ్లకు తక్కువ ధరకే పెట్రోల్, డీజిల్ వస్తుంది. మరి ఇంత తక్కువ ధరకు పెట్రోల్, డీజిల్ పొందాలంటే ఏం చేయాలో ఇప్పుడు మనం తెలుసుకుందాం..
ఆయా జిల్లాలో దివ్యాంగులు రాయితీపై పెట్రోల్, డీజిల్ పొందొచ్చు. స్వయం ఉపాధి పొందుతూ ఉన్నా లేదంటే ప్రైవేట్ ఉద్యోగం చేసుకుంటన్నా ఈ ప్రయోజనం పొందవచ్చట. అయితే ఇందుకు సంబంధించి సంక్షేమ శాఖ కార్యాలయంలో దరఖాస్తు చేసుకోవాల్సి ఉంటుంది. రాయితీ పై దివ్యాంగులు పెట్రోల్, డీజిల్ పొందాలంటే వెంటనే దరఖాస్తు చేసుకోవాల్సి ఉంటుందట. మూడు చక్రాల మోటారైజ్డ్ వాహనం కలిగిన దివ్యాంగులు ఈ ప్రయోజనం పొందవచ్చట. పెట్రోల్, డీజిల్ ధరలపై 50 శాతం రాయితీ లభిస్తుందట. ఈ సబ్సిడీ పథకం అమలు కోసం రాష్ట్ర ప్రభుత్వం 26 జిల్లాల్లో రూ.26 లక్షలను కేటాయించినట్లు తెలుస్తోంది. ఈ రాయితీ మొత్తాన్ని లబ్ధిదారుల బ్యాంక్ ఖాతాల్లో జమ చేస్తుందట.
అయితే ఈ రాయితీ పై కూడా పరిమితి ఉంటుందట. 2 హెచ్పీ వాహనం అయితే నెలకు 15 లీటర్ల వరకు సబ్సిడీ పొందే అవకాశం ఉంటుంది. అంతకన్నా ఎక్కువ సామర్థ్యం కలిగిన వాహనం అయితే నెలకు 25 లీటర్ల వరకు రాయితీపై పొందేందుకు అవకాశం ఉంటుందని తెలిపింది. మరి ఈ రాయితీ బెనిఫిట్ పొందాలంటే వారు వేసుకున్న పెట్రోల్,డీజిల్కు సంబంధించిన బిల్లులు తప్పకుండా సమర్పించాల్సి ఉంటుందట. ఆ తర్వాతనే సబ్సిడీ డబ్బులు సదురు దివ్యాంగుల బ్యాంకు అకౌంట్లో జమ చేస్తుంది ప్రభుత్వం. వీరు దరఖాస్తు చేసుకునేందుకు ఈ నెల 31వ తేదీ లోపు దరఖాస్తు చేసుకోవాల్సి ఉంటుందని అధికారులు తెలిపారు. ఆయా జిల్లాల వారు జిల్లాల్లోని వికలాంగుల సంక్షేమ కార్యాలయాన్ని సందర్శించి, అదనపు సమాచారాన్ని తెలుసుకుని దరఖాస్తు చేసుకోవచ్చు. మరి ఇందుకోసం ఎలాంటి పత్రాలు కావాలి అన్న విషయాన్ని వస్తే.. వికలాంగు సర్టిఫికేట్, వెహికల్ రిజిస్ట్రేషన్ పత్రాలు, బ్యాంక్ అకౌంట్ బుక్ మొదటి పేజీ, దరఖాస్తు ఫారం, తెల్ల రేషన్ కార్డు, డ్రైవింగ్ లైసెన్స్, పెట్రోల్ కొనుగోలు చేసే బిల్లులు, ఆధార్ కార్డు, ప్రైవేటు సంస్థలో పని చేస్తున్న ధ్రువీకరణ పత్రం, ఒక పాస్ పోర్టు సైజ్ ఫోటో.
Follow us
