Boy – 26 Times Stabbed : బాలుడికి 26 కత్తిపోట్లు.. 71 ఏళ్ల వృద్ధుడి ఎటాక్.. ఎందుకంటే ?
Boy - 26 Times Stabbed : అమెరికాలో అమానుషం జరిగింది. ఇజ్రాయెల్ - హమాస్ యుద్ధం నేపథ్యంలో విద్వేషంతో ఊగిపోయిన 71 ఏళ్ల యూదుడు దారుణానికి తెగబడ్డాడు.
- Author : Pasha
Date : 16-10-2023 - 10:36 IST
Published By : Hashtagu Telugu Desk
Boy – 26 Times Stabbed : అమెరికాలో అమానుషం జరిగింది. ఇజ్రాయెల్ – హమాస్ యుద్ధం నేపథ్యంలో విద్వేషంతో ఊగిపోయిన 71 ఏళ్ల యూదుడు దారుణానికి తెగబడ్డాడు. సబర్బన్ చికాగోలోని విల్ కౌంటీ పరిధిలో జోసెఫ్ జ్యూబా (Joseph Czuba)కు సొంత ఇల్లు ఉంది. అతడి ఇంటిలో ఒక పాలస్తీనా కుటుంబం అద్దెకు ఉంటోంది. ఇజ్రాయెల్ – హమాస్ యుద్ధం మొదలైనప్పటి నుంచి కోపంగా ఉన్న జోసెఫ్ జ్యూబాకు ఆ పాలస్తీనా కుటుంబంపై కత్తులతో దాడికి తెగబడ్డాడు. ఆరేళ్ల బాలుడిపై 26 సార్లు కత్తిపోట్లు పొడిచాడు. 32 ఏళ్ల ఆ బాలుడి తల్లిపైనా కత్తితో ఎటాక్ చేశాడు. అయినా రక్తమోడుతూనే తన బిడ్డను కాపాడుకునేందుకు ఆ తల్లి ధైర్యం చేసి 911కు కాల్ చేసింది. ఆ వెంటనే బాలుడిని ఆస్పత్రికి తరలించగా చికిత్సపొందుతూ చనిపోయాడు.
We’re now on WhatsApp. Click to Join.
ఇక బాలుడి తల్లికి ప్రస్తుతం ఆస్పత్రిలో చికిత్స కొనసాగుతోంది. బాలుడికి పోస్టుమార్టం చేయగా.. అతడి పొత్తికడుపు నుంచి 7 అంగుళాల బ్లేడు బయటపడింది. పోలీసులు 71 ఏళ్ల జోసెఫ్ జ్యూబాను అదుపులోకి తీసుకున్నారు. రెండు ద్వేషపూరిత నేర అభియోగాలతో అతడిపై కేసులు (Boy – 26 Times Stabbed) నమోదు చేశారు. దాడి చేసే క్రమంలో జోసెఫ్ జ్యూబా.. ‘‘మీరు ముస్లింలు చనిపోవాలి’’ అని అరిచినట్లుగా చెబుతున్నారు. ఈ అమానవీయ ఘటనను అమెరికా అధ్యక్షుడు జో బైడెన్ కూడా ఖండించారు. దీన్ని ద్వేషపూరితమైన భయంకర చర్యగా అభివర్ణించారు.ఈ దాడిని కౌన్సిల్ ఆన్ అమెరికన్-ఇస్లామిక్ రిలేషన్స్ (CAIR) చికాగో కార్యాలయం అధిపతి అహ్మద్ రెహాబ్ ఖండించారు.
Also Read: Hyderabad: హైదరాబాద్ లో అగ్ని ప్రమాదం
Follow us
