NATA Meeting : డ‌ల్లాస్‌ లో నాటా బోర్డు స‌మావేశం.. నిధుల సేకరణ కు విశేష స్పందన

NATA

అమెరికాలో ప్రవాసాంధ్రుల అభిమాన తెలుగు సంఘం నార్త్‌ అమెరికా తెలుగు అసొసియేషన్‌ (నాటా ) బోర్డు సమావేశం జ‌రిగింది. డల్లాస్‌ లో నాలుగు వందలు పైగా సభ్యుల సమక్షం లో ఎంతో ఉత్సాహం గా జరిగినది. ఈ సమావేశానికి నాటా అడ్వైజరీ కౌన్సిల్ గౌరవ చైర్మన్ డాక్టర్ ప్రేమ్‌ రెడ్డి ప్రత్యేక అతిధి గా హాజ‌రైయ్యారు. ఈ కార్యక్రమం లో డాక్టర్ కొర్సపాటి శ్రీధర్ రెడ్డి(అధ్యక్షులు), డాక్టర్ ఆదిశేషా రెడ్డి (అడ్వైజరీ కౌన్సిల్ చైర్మన్), డాక్టర్ గోసల రాఘవ రెడ్డి(మాజీ అధ్యక్షులు), డాక్టర్ సంజీవ రెడ్డి(అడ్వైజరీ కౌన్సిల్ సభ్యులు), హరి వేల్కూర్(కాబోయే అధ్యక్షులు), ఆళ్ళ రామి రెడ్డి (ఎగ్జిక్యూటివ్ వైస్ ప్రెసిడెంట్), గండ్ర నారాయణ రెడ్డి (ప్రధాన కార్యదర్శి), శ్రీనివాస్ సోమవరపు(కోశాధికారి), మందపాటి శరత్ రెడ్డి(సంయుక్త కార్యదర్శి ), సతీష్ నరాల (సంయుక్త కోశాధికారి ) తో పాటు ఎగ్జిక్యూటివ్ కమిటీ, బోర్డు సభ్యులు, స్టాండింగ్ కమిటీ చైర్స్, రీజినల్ వైస్ ప్రెసిడెంట్స్, రీజినల్ కోఆర్డినేటర్స్ పాల్గొన్నారు.

ఈ సమావేశంలో జూన్ 30, జులై 1-2 2023 లో డ‌ల్లాస్‌ లో జరిగే కన్వెన్షన్ గురించి స‌మీక్ష చేశారు. బోర్డు సమావేశం తర్వాత సభ్యులు అందరూ డ‌ల్లాస్‌ కన్వెన్షన్ టూర్ కు వెళ్లి అక్కడ వేదికను పరిశీలించి నాటా మెగా కన్వెన్షన్ కు విచ్చేయబోతున్న పదిహేను వేల మంది అతిధులకు ఎలాంటి ఇబ్బంది కలుగకుండా ఏవిధమైన సౌకర్యాలు కల్పించవచ్చో చర్చించారు. తర్వాత సాయంత్రం జరిగిన నిధుల సేకరణ జ‌రిగింది. ఏడు వందల పైగా పలువురు దాతలు కనీవిని ఎరుగని రీతిలో రెండు మిలియన్ల ఆరు వందల వేల డాలర్లు ($2,600,000) ఇస్తామని నాటా కు వచ్చిన హామీ అమెరికాలో సరిక్రొత్త రికార్డు సృష్టించింది. ఈ విధంగా నిధుల సేకరణకు విశేష కృషి చేసిన డాక్టర్ కొర్సపాటి శ్రీధర్ రెడ్డి గారిని నాటా కార్యవర్గం ప్రత్యేకం గా అభినందించింది.

Follow us